កុមារចូលចិត្តលេងមិនត្រឹមតែសប្បាយរីករាយនោះទេ ប៉ុន្តែវាជាមូលដ្ឋានគ្រឹះក្នុងការអភិវឌ្ឍន៍សមត្ថភាពខួរក្បាលរបស់ពួកគេឱ្យកាន់តែល្អប្រសើរឡើង។ ទារក ឬកុមារមានអាយុក្រោមបីឆ្នាំអាចរៀនសូត្របានយ៉ាងច្រើនពីសកម្មភាពលេងរបស់ពួកគេ ដូចជាបណ្តុះបំណិនជីវិត របៀបដោះស្រាយបញ្ហា បង្ហាញគំនិតផ្ទាល់ខ្លួន និងពង្រឹងទំនាក់ទំនងទៅកាន់ម្តាយឪពុកជាដើម។ អភិវឌ្ឍន៍សមត្ថភាពកុមារមិនចាំបាច់ត្រូវការរបស់លេងថ្លៃៗនោះទេ ប៉ុន្តែទាមទារការចូលរួមពីម្តាយឪពុក។ ខាងក្រោមនេះជាភស្តុតាងមួយចំនួនស្តីពីឥរិយាបថលេងបែបវិទ្យាសាស្រ្តអាចជួយដល់សមត្ថភាពកុមារត្រូវបានសិក្សាដោយមូលនិធិ LEGO Foundation ។
១. កុមាររៀនសង្កេតពីសំណង់ផ្សេងៗដែលគេបានលេង ៖ ប្រសិនបើកុមារចាប់ផ្តើមសាងសង់អ្វីមួយតាមការនឹកឃើញឱ្យចេញជារូបភាពសំណង់ នោះនឹងអាចជួយឱ្យពួកគេយល់ដឹងអំពីចន្លោះ ទំហំ និងចេះវាស់វែងបានកាន់តែល្អ។ លើសពីនេះកុមារអាចសម្គាល់អ្វីៗនៅជុំវិញខ្លួនតាមរយៈសកម្មភាពលេងរបស់ពួកគេ ។
២. កុមារបង្កើតជំនាញសង្គមនៅពេលរៀនធ្វើសំឡេងប្លែកៗ ៖ ធម្មតាកូនក្មេងតូចៗ មានទំនាក់ទំនងជាមួយម្តាយឪពុកតាមរយៈការបញ្ចេញសំឡេងប្លែកៗ កាយវិការ និងទឹកមុខឆ្លើយតបទៅកាន់ម្តាយឪពុក។ គ្រប់សកម្មភាពរបស់ពួកគេពេលនេះ ម្តាយឪពុកត្រូវឆ្លើយតបដោយប្រុងប្រយ័ត្នបំផុត។ សំឡេងនិងសកម្មភាពរបស់ម្តាយឪពុកនឹងចូលរួមពង្រឹងតំណភ្ជាប់សរសៃប្រសាទនៅក្នុងខួរក្បាលកុមារ គាំទ្រដល់ការអភិវឌ្ឍន៍ជំនាញទំនាក់ទំនងនៅក្នុងសង្គម។
៣. កុមារអាចបង្កើតជំនាញយល់ដឹងនៅពេលពួកគេលេងបិទពួន ឬលេងលាក់វត្ថុអ្វីមួយ ៖ សកម្មភាពលេងបិទពួន ឬលេងស្វែងរករបស់របរនៅក្នុងផ្ទះអាចជួយឱ្យកូនៗរបស់លោកអ្នកផ្តោតអារម្មណ៍ដោះស្រាយបញ្ហា និងគិតបត់បែនបានយ៉ាងល្អ។ វាលំបាកបន្តិចមែន ប៉ុន្តែកុមារចេះបង្កើតយុទ្ធសាស្រ្តផ្សេងៗប្រកបដោយប្រសិទ្ធភាពដើម្បីជំនះលើឧបសគ្គ។ ទន្ទឹមគ្នានេះម្តាយឪពុកត្រូវទុកពេលវេលាឱ្យកូនស្វែងរកដំណោះស្រាយដោយខ្លួនឯង ហើយផ្តល់ជំនួយឱ្យកូនប្រសិនពួកគេចង់បោះបង់ចោលត្រង់ចំណុចណាមួយ។
៤. សកម្មភាពរាំច្រៀងរបស់កុមារអាចបង្កើតជំនាញខាងអារម្មណ៍ ៖ធម្មតាកុមារបង្ហាញមនោសញ្ចេតនាតាមរយៈសកម្មភាពរាំច្រៀងផ្សេងៗដោយមិនខ្វល់ពីអ្វីនៅជុំវិញខ្លួនឡើយ ហើយសកម្មភាពនេះអាចជំរុញឱ្យពួកគេអភិវឌ្ឍន៍អារម្មណ៍និងសុខភាពផ្លូវចិត្តបានយ៉ាងល្អ។ សកម្មភាពច្រៀងរាំជាវិធីសាស្រ្តមួយបង្ហាញនិងបញ្ចេញអារម្មណ៍ ព្រមទាំងជួយផ្សារភ្ជាប់ទំនាក់ទំនងរវាងម្តាយឪពុកជាមួយកូនឱ្យកាន់តែប្រសើរ។
៥. គូររូបភាពបង្កើតជំនាញច្នៃប្រឌិតដល់កុមារ៖ នៅពេលដែលកូនតូចៗរបស់អ្នកអង្គុយគូរពីអ្វីដែលពួកគេស្រមើស្រមៃនៅលើក្រដាស ពួកគេកំពុងព្យាយាមបង្ហាញគំនិតនិងបំលែងរូបភាពទាំងនោះឱ្យក្លាយជាការពិត។ ម្តាយឪពុកត្រូវសួរសំណួរឱ្យបានច្រើនទៅលើគំនូររបស់កូន ហើយលើកទឹកចិត្តឱ្យពួកគេឱ្យមានក្តីស្រមៃជានិច្ច។ ការអភិវឌ្ឍន៍សមត្ថភាពកុមារមិនចាំបាច់ត្រូវការរបស់លេងថ្លៃៗនោះទេ តែផ្ទុយទៅវិញអ្នកអាចប្រើប្រាស់របស់របរដែលមានស្រាប់នៅក្នុងផ្ទះ ដើម្បីបង្កើតល្បែងកម្សាន្តងាយៗ ផ្តល់ភាពសប្បាយរីករាយជាមួយកូនបានគ្រប់ពេលវេលា។
លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មី
មើលទាំងអស់ ➧គន្លឹះគ្រប់គ្រងពេល ២៤ម៉ោងផ្ទាល់ខ្លួនបានត្រឹមត្រូវ បញ្ជៀសទំនាស់និងបង្កើនគុណភាពជីវិត
បទយកការណ៍, ព័ត៌មានជាតិ និងអន្តរជាតិ, ព័ត៌មានអន្តរជាតិ
• 15/12/2023
មនុស្សមានទំនាស់ពីរប្រភេទ គឺទំនាស់ក្នុងខ្លួន និងទំនាស់ក្រៅខ្លួន ។ ទំនាស់ក្នុងខ្លួនជាអាកប្បកិរិយាទាស់ទែងនឹងឥរិយាបថ ...
មាតិកាលើប្រព័ន្ធបណ្តាញសង្គមជះឥទ្ធិពលដល់ការអប់រំកុមារ និងយុវជន
បទយកការណ៍, ព័ត៌មានជាតិ និងអន្តរជាតិ
• 15/09/2023
ប្រព័ន្ធផ្សព្វផ្សាយសង្គម (Social Media) កំពុងក្លាយជាមធ្យោបាយផ្តល់និងទទួលព័ត៌មាន ព្រមទាំងផ្តល់ការកម្សាន្តដ៏ពេញនិយមនាពេលបច្ចុប្បន្ន ។ ប្រព័ន្ធផ្សព្វផ្សាយសង្គមមានសម្បូរបែប .....
ព័ត៌មានទូទៅ
មើលទាំងអស់ ➧ក្រសួងការងារផ្តល់អាហារូបករណ៍ថ្នាក់សញ្ញាបត្រជាន់ខ្ពស់បច្ចេកទេស ជំនាញ Animation ទៅសិក្សានៅប្រទេសចិន
ព័ត៌មានអាហារូបករណ៍, ព្រឹត្តិការណ៍
• 03/04/2024
តាមរយៈកិច្ចសហការរវាងក្រសួងការងារ និងបណ្តុះបណ្តាលវិជ្ជាជីវៈ និង CIIC International Education Technology (Beijing) (CIICIE) នៃសាធារណរដ្ឋប្រជាមានិតចិន, ក្នុងឆ្នាំសិក្សា២០២៤-២០២៥...
អាហារូបករណ៍សិក្សាថ្នាក់សញ្ញាបត្រជាន់ខ្ពស់បច្ចេកទេសចំនួន៥៥កន្លែងពី CGTI ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 11/08/2023
វិទ្យាស្ថានបណ្តុះបណ្តាលសម្លៀកបំពាក់កម្ពុជា(CGTI) ប្រកាស់ប្រលងជ្រើសរើសសិស្សសិក្សាអាហារូបករណ៍ថ្នាក់សញ្ញាបត្រជាន់ខ្ពស់បច្ចេកទេសចំនួន៥៥កន្លែង។ សិស្សជាប់ ឬធ្លាក់...
អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Sydney ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 01/08/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Sydney នៃប្រទេសអូស្ដ្រាលីឆ្នាំសិក្សា២០២៣ ។ការសិក្សាផ្ដល់ដោយកម្មវិធី...
ឱកាសសិក្សាថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Oxford Pershing Sqaure Graduate ២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 13/09/2023
ឱកាសសិក្សាថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Oxford ចក្រភពអង់គ្លេសពីកម្មវិធីអាហារូបករណ៍ Oxford Pershing Sqaure Graduate Scholarship ២០២៤-២០២៥ ។...
អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យវិទ្យាសាស្ត្រ និងបច្ចេកវិទ្យាប៉េកាំងឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 27/02/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យវិទ្យាសាស្ត្រ និងបច្ចេកវិទ្យាប៉េកាំងសម្រាប់ឆ្នាំសិក្សា២០២៤។ អាហារូបករណ៍ ...
អាហារូបករណ៍សិក្សាវិស្វកម្មឌីហ្សាញ 3D Design & 3D Printing ជាមួយ ស.ស.យ.ក រាជធានីភ្នំពេញ និង STEAMING Cambodia
ព័ត៌មានអាហារូបករណ៍, ព្រឹត្តិការណ៍
• 01/09/2023
ជាឱកាសសម្រាប់ប្អូនៗជាសិស្សថ្នាក់ទី៩ ដល់និស្សិតមហាវិទ្យាល័យ (ពិសេសប្អូនៗដែលចង់រៀនខាងមេកានិក) ពេលនេះ មានការផ្តល់អាហារូបករណ៍សម្រាប់ការសិក្សាវិស្វកម្មឌីហ្សាញ 3D Design & 3D Printing ...
សាកលវិទ្យាល័យ SUSTech នៃប្រទេសចិន ជ្រើសរើសនិស្សិតអាហារូបករណ៍១០កន្លែង សម្រាប់ថ្នាក់បរិញ្ញាបត្រ
ព័ត៌មានអាហារូបករណ៍, ព្រឹត្តិការណ៍
• 20/03/2023
សាកលវិទ្យាល័យ Southern University of Science and Technology (SUSTech) នៃសាធារណរដ្ឋប្រជាមានិតចិន បានប្រកាសផ្តល់អាហារូបករណ៍ចំនួន ១០កន្លែង ដល់និស្សិតកម្ពុជា...