fbpx
អ្នកស្រី-ស្ដើង-ភារ៉ុង

អ្នកស្រី ស្ដើង ភារ៉ុង ជម្នះសម្ពាធសង្គម និង គ្រួសារ ដើម្បីការសិក្សាបានខ្ពង់ខ្ពស់ដូចក្ដីស្រមៃ

ខណៈពេលដែលប្រឈមនឹងឧបសគ្គសង្គម និងគ្រួសារ ដែលថាកូនស្រីមិនគួររៀនសូត្របានខ្ពង់ខ្ពស់ អ្នកស្រី ស្ដើង ភារ៉ុង ជាកូនកសិករម្នាក់ ដែលមានស្រុកកំណើតនៅខេត្តកំពង់ចាម បានតស៊ូដើរតាមក្ដីស្រមៃខ្លួនឯងរហូតបានបញ្ចប់ថ្នាក់បរិញ្ញាបត្រ និងវគ្គសិក្សាអនុបញ្ឌិតដោយជោគជ័យ។

ក្នុងនាមជាក្មេងស្រីរស់នៅតំបន់ជនបទ ដែលត្រូវទទួលរងសម្ពាធគ្រួសារផង សម្ពាធសង្គមផង វាក្លាយជាកត្តាដែលដាក់កម្រិតឲ្យអ្នកស្រីចង់បោះបង់ចោលការសិក្សាពីពេលមួយទៅពេលមួយ។ តែដោយមានក្ដីស្រមៃមួយដែលត្រូវសម្រេចឲ្យបាន អ្នកស្រីក៏បានជំរុញខ្លួនឯង និងព្យាយាមឲ្យអស់លទ្ធភាព ដើម្បីរកដំណោះស្រាយ។

ស្រ្តីមាឌល្អិត សម្បុរស្រអែមរូបនេះ បានរៀបរាប់ពីបញ្ហាប្រឈមក្នុងសហគមន៍ និងគ្រួសារមុនពេលដែលបានមកបន្តការសិក្សានៅឯទីក្រុងភ្នំពេញ។

អ្នកស្រីបានលើកឡើងថា៖ អ្នកនៅក្នុងសហគមន៍ខ្ញុំតែងតែលើកថា

” កូនពៅរបស់គ្រួសារតាស្ដើងថា ឲ្យខ្ញុំរៀនវែងឆ្ងាយធ្វើអី ខ្ញុំទៅភ្នំពេញម្នាក់ឯងចឹង មកវិញប្រយ័ត្នពោះធំ ឬខួចខ្លួនផ្តេសផ្តាស។ ទាំងអស់ហ្នឹងសុទ្ធតែពាក្យសម្ដីដែល ដែលគេដាក់សម្ពាធមកដល់ក្រុមគ្រួសារខ្ញុំ រួមទាំងខ្ញុំផ្ទាល់ ដែលធ្វើឲ្យខ្ញុំគិតថាគួរបន្តរៀនអត់ឬក៏គួរតែឈប់រៀន”

អ្នកស្រីក៏បានបន្ថែមថា៖ ដោយសារសម្ពាធសង្គមហ្នឹងហើយបានជាគ្រួសារខ្ញុំពេលខ្លះគាត់ចង់ឲ្យខ្ញុំគួរតែមិនចាំបាច់បន្តការសិក្សានៅភ្នំពេញទេ គួរតែបញ្ចប់ត្រឹមថ្នាក់ទី១២ ហើយរកការងារធ្វើធម្មតានៅស្រុកស្រែហ្នឹងទៅ។

ដោយសារទឹកចិត្តស្រលាញ់ការសិក្សា ចង់បន្តឲ្យបានស៊ីជម្រៅ និងខ្ពង់ខ្ពស់ជាងនេះ អ្នកស្រី ភារ៉ុង បានជម្នះរាល់សម្ពាធសង្គមនិងសម្ពាធគ្រួសារដោយបានព្យាយាមលើកហេតុផលក៏ដូចជាព្យាយាមលើកឧទាហរណ៍ពីអ្នកជោគជ័យនៅក្នុងវិស័យសិក្សាមកពន្យល់ដល់ក្រុមគ្រួសារដើម្បីឲ្យពួកគាត់អនុញ្ញាតឲ្យអ្នកស្រីមកបន្តការសិក្សា។លើសពីនេះទៅទៀត គឺភាពខ្វះខាតរបស់គ្រួសារអ្នកស្រី ដែលមិនមានលទ្ធភាពគ្រប់គ្រាន់ ដើម្បីបញ្ជូនអ្នកស្រីមកសិក្សា។

អ្នកស្រីក៏បានបញ្ជាក់ថា៖

“ខ្ញុំបានព្យាយាមរកឲ្យអស់លទ្ធភាពថាតើ ខ្ញុំអាចជួយខ្លួនឯងយ៉ាងម៉េចនៅពេលខ្ញុំមករៀននៅភ្នំពេញ។ ខ្ញុំបានស្វែងរកអាហាររូបករណ៍ដើម្បីជួយសម្រួលបន្ទុកថ្លៃសាលា ដើម្បីជាហេតុផលមួយដែលជម្រុញឲ្យពួកគាត់អនុញ្ញាតឲ្យខ្ញុំមកសិក្សានៅភ្នំពេញ”

អ្នកស្រីក៏បានសង្កត់ធ្ងន់ត្រង់កន្លែងនេះថា មិនមែនតែអ្នកស្រីម្នាក់ទេ ដែលជួបបញ្ហាទាំងអស់នេះ មានក្មេងស្រីជាច្រើនអ្នកទៀត ដែលគាត់លះបង់ការសិក្សាដោយសារសម្ពាធទាំងអស់នេះ ឬលំបាកជាងនេះទៅទៀត។ ប៉ុន្តែអ្វីដែលសំខាន់គឺកត្តាការតាំងចិត្តខ្លួនឯង ថាចង់បន្តឲ្យខ្លួនឯងមានចំនេះដឹង មានការសិក្សាអប់រំត្រឹមប៉ុណ្ណា ហើយនឹងជម្នះរាល់ឧបសគ្គដោយរបៀបណាខ្លះ។
ក្រៅតែពីការលើកទឹកចិត្តខ្លួនឯង អ្នកស្រីក៏មានបុគ្គលសំខាន់ៗជាច្រើនដែលជួយជ្រោមជ្រែង។

អ្នកស្រី ស្ដើង ភារ៉ុង ជម្នះសម្ពាធសង្គម
អ្នកស្រី ស្ដើង ភារ៉ុង

អ្នកស្រីបានលើកឡើងថា៖

“អាចនិយាយបានថាខ្ញុំឈានមកដល់ពេលនេះ គឺខ្ញុំជួបបុគ្គលសំខាន់ៗច្រើនណាស់ សម្រាប់ខ្ញុំការជម្រុញនិងលើកទឹកចិត្តគឺការដែលមានមនុស្សម្នាក់ដែលអាចចែករំលែកកង្វល់ហើយស្ដាប់ពីកង្វល់របស់យើង នៅក្បែរយើង និងលើកទឹកចិត្តយើងរហូត រាល់ឧបសគ្គដែលយើងជួបនៅក្នុងជីវិត”

ទាក់ទងនឹងការផ្ដល់កម្លាំងចិត្តនេះអ្នកស្រីមានអ្នកប្រឹក្សាយោបល់ដែលអ្នកស្រីបានជួបក្នុងកំឡុងពេលចូលរួមសិក្ខាសាលា ដែលក្រោយមកអ្នកស្រីបានជជែក តាមអនឡាញ ពីមួយថ្ងៃទៅមួយថ្ងៃ ពីកង្វល់ក៏ដូចជាអ្វីដែលអ្នកស្រីមិនយល់។ អ្នកស្រីបាននិយាយថា៖

“ខ្ញុំជជែកជាមួយគាត់ ហើយគាត់ឲ្យកម្លាំងចិត្តខ្ញុំរហូត។ មានគាត់ទើបខ្ញុំមានដំណោះស្រាយសម្រាប់ជីវិតខ្លួនឯង នៅពេលដែលខ្ញុំជួបឧបសគ្គនានា”

ដើម្បីជាកម្លាំងចិត្តបន្ថែមក្នុងការតស៊ូ អ្នកស្រីក៏មានមនុស្សម្នាក់ដែលអ្នកស្រីតែងតែស្រមៃហើយ តែងតែចង់ក្លាយខ្លួនឲ្យបានដូចគាត់។ ក្រៅពីនេះក៏មានបុគ្គលជាច្រើនទៀត ដែលជួយជ្រោមជ្រែងតាំងពីដើមរហូតដល់អ្នកស្រីទទួលបានជោគជ័យក្នុងពេលបច្ចុប្បន្ននេះ។

អ្នកស្រីក៏បានបញ្ជាក់ផងដែរថា ៖

“បើយើងស្រលាញ់អ្វីហើយ យើងត្រូវបន្តក្ដីស្រមៃ ហើយដើរគ្រប់កាលៈទេសៈទាំងអស់ ដើម្បីទទួលបានជោគជ័យដូចអ្វីដែលយើងប៉ងប្រាថ្នា។ យើងត្រូវចេះស្វែងរកបុគ្គលដែលជា មនុស្សគំរូ ជាមនុស្សដែលយើងស្ញើចសរសើរ ចង់ពូកែដូចគាត់ ចង់សម្រេចបានដូចគាត់ ហើយយើងព្យាយាមសិក្សាស្វែងយល់ពីគាត់ ក៏ដូចជាធ្វើការទាក់ទង សុំប្រឹក្សាយោបល់ពីគាត់ដើម្បីបានគោលគំនិតថ្មីៗជាចំនេះដឹងសំខាន់ៗសម្រាប់ជួយជ្រោមជ្រែងឲ្យយើងសម្រេចបានគោលដៅរបស់យើង”

អ្នកស្រីថា

“មិនប្រកាន់ថាអ្នកណាទេ គឺគាត់សុទ្ធតែជាតួអង្គដែលអាចជួយយើងបាន។ មិនថាលោកគ្រូ មិត្តភក្ដិ ក៏ដូចជាគ្រូបង្វឹកផ្សេងៗ ដែលយើងជួបតាមរយៈការងារស្ម័គ្រចិត្តជាដើម។ ពួកគាត់សុទ្ធតែជាតួអង្គសំខាន់ដែលយើងអាចសុំជាជំនួយបាន។ អ្វីក៏ដោយឲ្យតែយើងស្រលាញ់ យើងប្ដេជ្ញាចិត្តក្នុងការសម្រេចគោលដៅរបស់យើងទាំងអស់នោះហើយដែលជាកត្តានាំឲ្យយើងអាចរកដំណោះស្រាយសម្រាប់ជីវិតខ្លួនឯងបាន តាមរយៈការសម្លឹងឃើញបុគ្គលសំខាន់ៗដែលមាននៅជុំវិញខ្លួនយើង”

អ្នកស្រី ភារ៉ុង ក៏បានលើកទឹកចិត្តយុវជន ជាពិសេសយុវតីជំនាន់ក្រោយថា កុំបាក់ទឹកចិត្តក្នុងការចាប់យកអ្វីដែលជាក្ដីស្រលាញ់របស់យើង។ វាអាស្រ័យទៅលើយើងខ្លួនឯង ថាយើងច្នៃជិវិតរបស់ខ្លួនឯង ឲ្យបានជោគជ័យកម្រិតណា។
ពេលខ្លះវាពិតជាល្អក្នុងការមានទីប្រឹក្សា ក៏ដូចជាមាន Role Model ដែលខ្មែរយើងហៅថាបុគ្គលគំរូ។ យើងស្ដាប់យោបល់ពួកគាត់ ពីម្នាក់ទៅម្នាក់ ហើយយើងយកមកគិត មកវិនិច្ឆ័យ ដើម្បីសួរថា តើយើងនិងសមត្ថភាពរបស់យើងយើងអាចដើរទៅផ្លូវណាដើម្បីអាចទទួលបានជោគជ័យលឿនហើយមានប្រសិទ្ធភាព។

ជាចុងក្រោយ អ្នកស្រីក៏សំណូមពរឲ្យប្អូនៗទាំងអស់កុំបោះបង់ចោលការសិក្សា ព្យាយាមស្វែងយល់ពីចំណង់ចំណូលចិត្តរបស់ខ្លួនឯង ហើយព្យាយាមស្ដាប់ ក៏ដូចជាសិក្សាពីគ្រូ រួមទាំងមនុស្សជុំវិញខ្លួនឲ្យបានច្រើន និងធ្វើសេចក្ដីសម្រេចចិត្តប្រកបដោយភាពជឿជាក់លើខ្លួនឯង។

គួរបញ្ជាក់ផងដែរថា អ្នកស្រី ស្ដើង ភារ៉ុង បច្ចុប្បន្ននេះ អ្នកស្រីកំពុងរស់នៅទីក្រុងភ្នំពេញ និងបំពេញការងារជាមួយអង្គការតម្លាភាពកម្ពុជា៕


ព័ត៌មានអាហារូបករណ៍, ព្រឹត្តិការណ៍

រដ្ឋាភិបាលកាណាដាផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតចំនួន ១៦៦កន្លែង

ភ្នំពេញ- រដ្ឋាភិបាលកាណាដាផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតសម្រាប់និស្សិតមកពីជុំវិញពិភពលោកឆ្នាំសិក្សា២០២២ ។
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

តើសិស្សមានសិទ្ធិ និងការទទួលខុសត្រូវអ្វីខ្លះក្នុងការសិក្សា?

ភ្នំពេញ៖ សេចក្តីថ្លែងការណ៍ជាសាកលស្តីពីសិទ្ធិមនុស្ស និងអនុសញ្ញាអង្គការសហប្រជាជាតិស្តីពីសិទ្ធិកុមារចែងថា កុមារទាំងអស់មានសិទ្ធិទទួលបានកិច្ចគាំពារ ។
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

អ្នកនាំពាក្យក្រសួងអប់រំ អំពាវនាវដល់មាតាបិតាបន្តជួយក្នុងដំណើរការរៀនសូត្រតាមគន្លងជីវិតថ្មី នៃវិស័យអប់រំ

ចាប់ពីថ្ងៃទី១ ខែវិច្ឆិកា ឆ្នាំ២០២១ ក្រសួងអប់រំ នឹងបើកដំណើរការសាលារៀនឡើងវិញ។ ក្នុងនោះអ្នកនាំពាក្យបានធ្វើការអំពាវនាវដល់មាតាបិតា សូមបន្តជួយក្នុងដំណើរការរៀនសូត្រ
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

បេក្ខជន ៥រូបនឹងបន្តទៅប្រកួតប្រជែងនិយាយជាសាធារណៈវគ្គប្រកួតផ្តាច់ព្រ័ត្រក្នុងវេទិកាយុវជនវៃឆ្លាត

ភ្នំពេញ៖ បេក្ខជន ៥រូបនឹងបន្តទៅប្រកួតប្រជែងនិយាយជាសាធារណៈវគ្គប្រកួតផ្តាច់ព្រ័ត្រក្នុងវេទិកាយុវជនវៃឆ្លាត រៀបចំដោយ ក្រសួងកិច្ចការនារី នៅថ្ងៃទី០១ ខែវិច្ឆិកា ឆ្នាំ ២០២១ ខាង
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

ទិវាពិភពលោកដើម្បីសុវត្ថិភាព និងសុខភាពការងារ ឆ្នាំ២០២១ នឹងប្រារព្ធឡើងក្រោមប្រធានបទ “ត្រៀមទុកជាមុន រៀបចំឆ្លើយតបទៅនឹងវិបត្តិ”

នៅថ្ងៃទី២៨ ខែតុលា ឆ្នាំ២០២១ ខាងមុខនេះ ក្រសួងការងារ និងបណ្តុះបណ្តាលវិជ្ជាជីវៈ នឹងរៀបចំប្រារព្ធទិវាពិភពលោក ដើម្បីសុវត្ថិភាព និងសុខភាពការងារ ក្រោមប្រធានបទ “ត្រៀម
ព័ត៌មានអាហារូបករណ៍, ព្រឹត្តិការណ៍

អង្គការ Education First Cambodia ប្រកាសផ្ដល់អាហារូបករណ៍ដល់និស្សិតនារីកំពុងសិក្សានៅសាកលវិទ្យាល័យភូមិន្ទភ្នំពេញ

ភ្នំពេញ- អង្គការ Education First Cambodia សហការណ៍ជាមួយសាកលវិទ្យាល័យភូមិន្ទភ្នំពេញផ្ដល់អាហារូបករណ៍ដល់និស្សិតនារីដែលកំពុងសិក្សាថ្នាក់បរិញ្ញាបត្រឆ្នាំទីពីរនៅ
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

វិធីសាស្រ្ត ៥ចំណុច ជួយសិស្សរៀនកាន់តែពូកែ

ភ្នំពេញ៖ សិស្សនីមួយៗមានបំណិនសិក្សា និងសមត្ថភាពខុសៗគ្នាក្នុងការប្រើប្រាស់វិធីសាស្រ្តរៀនឱ្យទទួលលទ្ធផលសិក្សាឱ្យល្អប្រសើរ ។
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

សាលាបឋមសិក្សាក្រវ៉ាន់ខេត្តសៀមរាបជាប់ជ័យលាភីប្រាក់សាលាមេត្រីបរិស្ថានថ្នាក់ជាតិ ឆ្នាំ២០២១

សៀមរាប៖ សាលាបឋមសិក្សាក្រវ៉ាន់ ស្ថិតនៅភូមិក្រវ៉ាន់ សង្កាត់អង្គរធំ ក្រុងសៀមរាប ខេត្តសៀមរាប ទទួលបានជ័យលាភីប្រាក់ក្នុងការប្រឡងប្រណាំងសាលាមេត្រីបរិស្ថានថ្នាក់ជាតិ
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

ក្រសួងអប់រំណែនាំគោលការណ៍៤ចំណុច ក្នុងការបើកដំណើរការគ្រឹះស្ថានសិក្សាឡើងវិញនៅដើមខែវិច្ឆិកា

ភ្នំពេញ៖ ក្រសួងអប់រំ យុវជន និងកីឡា ណែនាំនូវគោលការណ៍ចំនួន ៤សំខាន់ៗ សម្រាប់ការបង្រៀននិងរៀនតាមបណ្ដុំនៅតាមគ្រឹះស្ថានសិក្សាគ្រប់កម្រិត នៅភូមិសាស្ត្រដែលហានិភ័យនៃជំងឺកូដ
ព័ត៌មានអាហារូបករណ៍, ព្រឹត្តិការណ៍

សាកលវិទ្យាល័យ TongJi ប្រកាសផ្តល់អាហារូបករណ៍ថ្នាក់បរិញ្ញាបត្រជាន់ខ្ពស់ ៣០កន្លែងសម្រាប់មន្ត្រីរាជការ

សាកលវិទ្យាល័យTongJi ផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់សម្រាប់មន្ត្រីរាជការឆ្នាំសិក្សា២០២២-២០២៣ ចំនួន៣០កន្លែង ។

AMS EDUCATION
@amseducation