ចំណេះដឹងទូទៅ ៖ បច្ចុប្បន្នការសិក្សាពីតន្រ្តីនៅប្រទេសកម្ពុជា ហាក់មិនទាន់ទូលំទូលាយនៅឡើយ ដោយសារឪពុកម្តាយភាគច្រើនយល់ថា តន្ត្រីមិនសូវសំខាន់ចំពោះអនាគតកូនៗ និងខាតពេលវេលាសិក្សា។ ប៉ុន្តែខុសពីការគិតនេះតាមការស្រាវជ្រាវរបស់អ្នកវិទ្យាសាស្ត្របានរកឃើញថាកុមារសិក្សាសូត្រពីតន្រ្តីអាចជួយឱ្យពួកគេមានភាពវៃឆ្លាតទាំងប្រាជ្ញានិងស្មារតី។ កុមារចេះតន្ត្រី ពួកគេនឹងចង់ចាំបានល្អ រៀនពូកែគណិតវិទ្យា រៀនភាសាបរទេសលឿនរហ័ស និងមានគំនិតវិទ្យាសាស្ត្រល្អប្រសើរជាងក្មេងធម្មតាដែលមិនបានសិក្សាពីតន្ត្រី។
ហេតុអ្វីបានជាកុមារចេះលេងតន្ត្រីអាចរៀនពូកែជាងក្មេងដទៃទៀតដែលមិនបានរៀនសូត្រពីតន្រ្តី?ការផ្សាយរបស់ World Economic Forum ថ្មីៗនេះបានបញ្ជាក់ថាសិស្ស-និស្សិតដែលចូលចិត្តលេងតន្ត្រីនៅពេលប្រឡងប្រជែងផ្សេងៗពួកគេអាចធ្វើកិច្ចការបានល្អជាងសិស្សដទៃទៀតដែលមិនធ្លាប់លេងតន្ត្រី។ ដូចគ្នានេះដែរ ភស្តុតាងនៃការស្រាវជ្រាវទៅលើកម្រិតចំណេះដឹងរបស់និស្សិតជនជាតិកាណាដាចំនួនមួយសែននាក់ជាបន្តបន្ទាប់ (រយៈពេលជាច្រើនឆ្នាំ) ក៏បានបង្ហាញថា ភាគច្រើនសិស្សដែលចេះតន្ត្រីមានភាពវៃឆ្លាតនិងរហ័សរហួន។
រៀនឧបករណ៍តន្ត្រីទាមទារឱ្យកុមារយល់ពីអក្សរតំណាងចង្វាក់តន្ត្រី ឬអក្សរភ្លេងសិស្សចាំបាច់ត្រូវអភិវឌ្ឍជំនាញនេះដោយផ្តោតអារម្មណ៍លើការចងចាំអក្សរភ្លេង ចង្វាក់ ព្រមទាំងហ្វឹកហាត់ឧបករណ៍តន្ត្រីតំណាលគ្នា ប្រើអារម្មណ៍ ចិត្ត កាយ និងខួរក្បាលដើម្បីសម្របសម្រួលដំណើរការតន្ត្រី។មិនត្រឹមតែប៉ុណ្ណោះលេងតន្ត្រីអាចឱ្យក្មេងៗបង្កើនសមត្ថភាពស្តាប់និងលេងតន្រ្តីជាក្រុមបានយ៉ាងល្អជួយឱ្យពួកគេមានសមត្ថភាពធ្វើការងារជាក្រុមបានកាន់តែប្រសើរ។កុមារលេងតន្ត្រីបានល្អទាមទារការលើកទឹកចិត្តខ្លួនឯងពិសេសចេះរក្សាទម្លាប់លេងតន្ត្រីជាប្រចាំ។
គួរបញ្ជាក់ថាតន្ត្រីអាចជួយបង្កើនសមត្ថភាពខួរក្បាលកុមារឱ្យបានកាន់តែល្អប៉ុន្តែក៏ត្រូវគួបផ្សំនឹងរបបអាហារត្រឹមត្រូវ លេងកីឡាបានច្រើន និងគេងគ្រប់គ្រាន់ផងដែរ៕
តន្ត្រីអាចជួយបង្កើនសមត្ថភាពខួរក្បាលកុមារឱ្យបានកាន់តែល្អប៉ុន្តែក៏ត្រូវគួបផ្សំនឹងរបបអាហារត្រឹមត្រូវ លេងកីឡាបានច្រើន និងគេងគ្រប់គ្រាន់ផងដែរ៕
– ប្រភព : World Economic Forum
លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
ព្រឹត្តិការណ៍, អប់រំកុមារតូច
បណ្ណាល័យនៅផ្ទះ ពិតជាមានសារៈសំខាន់ក្នុងការបង្កើនភាពស្និទ្ធស្នាលក្នុងគ្រួសារ បង្កើតបរិយាកាសរីករាយឱ្យកូនៗចូលចិត្តអាន និងចង់រៀនតាំងពីតូច។ ទន្ទឹមគ្នានេះ អ្នកស្រី ចាន់ ភ័ត្រា ជានាយិការង នៃអនុវិទ្យាល័យ…
ព័ត៌មានជាតិ, ព្រឹត្តិការណ៍
ក្រសួងការងារ និងបណ្តុះបណ្តាលវិជ្ជាជីវៈបានឱ្យដឹងថា បច្ចុប្បន្ននេះ កម្ពុជាកំពុងមានតម្រូវការកម្លាំងពលកម្មសរុបចំនួន ៤៧ ៧១៧កន្លែង សម្រាប់វិស័យចំនួន៣ គឺ វិស័យឧស្សាហកម្ម, សេវាកម្ម និងកសិកម្ម។
ជំនាញ, ព្រឹត្តិការណ៍
ជំនាញកុំព្យូទ័រ ឬ ការសិក្សាពីផ្សេងៗរបស់កុំព្យូទ័រជាតម្រូវចាំបាច់ និងមានទីផ្សារខ្ពស់នៅក្នុងប្រទេសកម្ពុជានាពេលបច្ចុប្បន្ន និងពេលអនាគត។ …
ចំណេះជីវិត, ព្រឹត្តិការណ៍
មតិកែលម្អ គឺជាឧបករណ៍មានឥទ្ធិពលក្នុងការបង្កើនសមត្ថភាពត្រិះរិះពិចារណា។ តាមរយៈការទទួលយកមតិកែលម្អ អ្នកអាចកំណត់ចំណុច ដែលអ្នកត្រូវកែប្រែ និងអភិវឌ្ឍ ហើយអាចប្រឈមមុខនឹងបញ្ហាជាមួយនឹងភាពធន់។
ព័ត៌មានអាហារូបករណ៍, ព្រឹត្តិការណ៍
វិទ្យាស្ថានជាតិវិជ្ជាជីវៈខេត្តបាត់ដំបង បានប្រកាសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ដែលមានបំណងចង់រៀនជំនាញវិជ្ជាជីវៈ ឱ្យប្រញាប់ចុះឈ្មោះចូលរៀន ដោយក្នុងឆ្នាំ២០២៣-២០២៤នេះ…
ព័ត៌មានអាហារូបករណ៍, ព្រឹត្តិការណ៍
វិទ្យាស្ថានពហុបច្ចេកទេសខេត្តកំពង់ស្ពឺ បានប្រកាសពីការជ្រើសរើសយុវជនរហូតដល់ចំនួន ៥៧០នាក់ ដើម្បីចូលរៀនជំនាញបច្ចេកទេស និងវិជ្ជាជីវៈ១ កម្មវិធី ១.៥លាននាក់ជំហានទី២ ដែលនឹងចាប់ផ្តើមនៅពាក់កណ្តាល…
ចំណេះជីវិត, ព្រឹត្តិការណ៍
ការស្រាវជ្រាវបង្ហាញថា មនុស្សដែលមានបញ្ហាប្រព័ន្ធប្រសាទ អាចពង្រឹងសុខភាពផ្លូវអារម្មណ៍ និងការចូលរួមក្នុងសង្គមបាន តាមរយៈការរស់នៅជាមួយធម្មជាតិ។
ព័ត៌មានជាតិ, ព្រឹត្តិការណ៍
កាលពីថ្មីៗនេះ តាមរយៈស្ថានទូតអូស្ត្រាលីប្រចាំកម្ពុជា អាជ្ញាធរគ្រប់គ្រងស្តង់ដា និងកម្មវិធីសិក្សារបស់នាយកដ្ឋានអប់រំរដ្ឋអូស្រ្តាលីខាងលិច បានប្រគល់វិញ្ញាបនបត្រទទួលស្គាល់កម្មវិធីសិក្សាស្តង់ដាអូស្រ្តាលីទៅដល់…
ព័ត៌មានជាតិ, ព្រឹត្តិការណ៍
រាជរដ្ឋាភិបាលកម្ពុជាបានកំណត់យកថ្ងៃទី១៥ ខែមិថុនា ជារៀងរាល់ឆ្នាំ ជាទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ ក្នុងគោលបំណងដើម្បីលើកកម្ពស់ការអប់រំបណ្តុះបណ្តាលបច្ចេកទេស និងវិជ្ជាជីវៈ…
ចំណេះជីវិត, ព្រឹត្តិការណ៍
បម្រែបម្រួលអាកាសធាតុ ជាចំណែកសំខាន់មួយប៉ះពាល់មកកាន់យើងទាំងអស់គ្នា គ្រោះមហន្តរាយដែលបង្កដោយគ្រោះថ្នាក់នៃបរិយាកាសនេះបានកើតមានពីមួយពេល ទៅមួយពេល…..