ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ម៉ាកនៃយីហោសាច់មាន់បំពងដ៏ល្បីល្បាញរបស់អាមេរិកឈ្មោះ KFC មានប្រវត្តិជាច្រើទសវត្សនិងកំពុងចរាចរណ៍អាជីវកម្មរបស់ខ្លួននៅតាមបណ្តាប្រទេសនានាលើសាកលលោក។ លោក Sander ជាចុងភៅចំណាននិងជាស្ថាបនិករបស់ KFC ដ៏ល្បីល្បាញនេះ ហើយរូបរបស់លោកត្រូវបានប្រើជានិមិត្តសញ្ញានៃក្រុមហ៊ុន។ ពាក្យ KFC មកពីពាក្យពេញជាភាសាអង់គ្លេសថា Kentucky Fried Chicken ។ ខាងក្រោមនេះជាដំណើរជីវិតតស៊ូមួយចំនួនរបស់បុរសមានកេរ្តិ៍ឈ្មោះល្បីល្បាញផ្នែកអាហារ Fast Food នៅលើពិភពលោក Sander ។
ស្លាកសញ្ញាមានរូបបុរសពុកចង្កាពាក់អាវធំពណ៌សនិងចងក្រវ៉ាត់ជាមួយអក្សរ KFC ជារូបរបស់លោក Colonel Harland Sander បានប្រើប្រាស់នៅរវាងឆ្នាំ២០១០ សាមសិបឆ្នាំក្រោយលោកទទួលមរណៈភាព។ លោកកើតនៅថ្ងៃទី០៩ ខែកញ្ញា ឆ្នាំ១៨៩០ នៅក្នុងរដ្ឋ Indiana សហរដ្ឋអាមេរិក និងស្លាប់នៅថ្ងៃទី១៦ ខែធ្នូ ឆ្នាំ១៩៨០។
លោក Colonel Harland Sander បានបើកហាងលើកដំបូងនៅក្នុងឆ្នាំ១៩៣០ នៅស្ថានីយប្រេងឥន្ធនៈមួយកន្លែងស្ថិតនៅទីក្រុង Corbin នៃរដ្ឋ Kentucky ហើយគ្រានោះភាគច្រើនអតិថិជនរបស់គាត់ជាអ្នកបើកបររថយន្តដឹកទំនិញ។ លោកចូលចិត្តប្រើរូបមន្តចម្អិនអាហារដែលម្តាយលោកបានបង្រៀន។ ក្រោយមកលោក Sander ទទួលបានរហ្សសនាមជាចុងភៅឆ្នើមម្នាក់ ព្រមទាំងមានឱកាសបើកភោជនីយដ្ឋាននៅក្បែរស្ថានីយប្រេងឥន្ធនៈរបស់លោកឈ្មោះថា The Harland Sanders Court and Cafe ។
លោកធ្លាប់ប្រើកាំភ្លើងបាញ់ទៅលើគូប្រកួតរកស៊ីរបស់គាត់ម្នាក់ឱ្យរងរបួសធ្ងន់ដោយសារតែបុរសម្នាក់នោះព្យាយាមរៀបចំផែនការទីផ្សារស្រដៀងនឹងអាជីវកម្មរបស់លោក ព្រមទាំងប៉ះពាល់ដល់អាជីវកម្មលោកយ៉ាងខ្លាំង។ គេចាំបានថាលោក Sander ធ្លាប់ព្រមានបុរសនោះពីរដងកុំឱ្យធ្វើបែបនេះ ប៉ុន្តែគាត់មិនព្រមស្តាប់ឡើយ។
មុនពេលជោគជ័យក្នុងអាជីវកម្មលក់មាន់បំពងក្នុងវ័យហុកសិបឆ្នាំ លោក Sander បានធ្វើការងារច្រើនប្រភេទស្ទើររាប់ភ្លេច។ លោកធ្លាប់មានប្រវត្តិសិក្សាផ្នែកមុខវិជ្ជាច្បាប់ ក៏ប៉ុន្តែមិនបានធ្វើជាប់លាប់ក្នុងការងារច្បាប់ឡើយ។ ជីវិតជួបរឿងជាច្រើនមានគ្រាមួយលោកក៏ធ្លាប់ជាអ្នកធ្វើការជួយសម្រាលកូនឱ្យគេផងដែរ។
ហាង KFC លើកដំបូងបើកនៅតំបន់ Utah ក្នុងឆ្នាំ១៩៥២ និងត្រូវបានទទួលស្គាល់យ៉ាងទូលំទូលាយថាជាហាងលក់ម្ហូបអាហារបែបលឿនរហ័សឬ Fast Food ក្នុងពេលដែលលោកមានអាយុ ៦៥ឆ្នាំទៅហើយ។ នៅឆ្នាំ១៩៦៣ រូបមន្តបំពងសាច់មាន់របស់លោក Sander ត្រូវបានលក់សិទ្ធិអាជីវកម្មឱ្យទៅភោជនីយដ្ឋានច្រើនជាង នៅសហរដ្ឋអាមេរិក និងប្រទេសកាណាដា។
ប៉ុន្តែរឿងរ៉ាវក្រោយមកក្នុងឆ្នាំ១៩៦៨ លោក Sander បានដាក់ពាក្យប្តឹងទារសំណងប្រមាណ ១២២លានដុល្លារពីក្រុមហ៊ុនទាំងនេះវិញ ប៉ុន្តែជាលទ្ធផលលោក ទទួលបានប្រាក់សំណងត្រឹមតែ ១លានដុល្លារប៉ុណ្ណោះ ព្រមទាំងរូបមន្តចម្អិនសាច់មាន់របស់គាត់។ លោក Sander បានផ្លាស់ទៅរស់នៅក្នុងប្រទេសកាណាដារហូតដល់លោកបានទទួលមរណភាពក្នុងឆ្នាំ១៩៨០។
ទន្ទឹមនឹងភាពជោគជ័យដែលលោក Sander មានរឿងរ៉ាវបរាជ័យជាច្រើនរាប់ទាំងមុខរបរ និងរឿងរ៉ាវជីវិតផ្ទាល់ខ្លួន។ ក៏ប៉ុន្តែមានមេរៀនមួយរបស់លោក Sander បានចែករំលែកទៅកាន់អ្នកគាំទ្ររបស់គាត់អនុវត្តក្នុងដំណើរជីវិត គឺឃ្លាថា
“មិនថាអ្នកដួលប៉ុន្មានដងឡើយ កុំអនុញ្ញាតឱ្យរឿងទាំងនោះមកបង្អាក់ដំណើរទៅអនាគត ហើយអតីតគ្រាន់តែជាអតីតតែប៉ុណ្ណោះ”
គួររំលឹកថា កាលពីឆ្នាំ១៩០៦ លោក Sander ធ្លាប់បានចូលបម្រើការងារជាកងយោធាអាមេរិក និងបានបញ្ចូនទៅដល់ប្រទេសគុយបា ដើម្បីប្រតិបត្តិការការងាររបស់ខ្លួន ប៉ុន្តែក្នុងរយៈពេលខ្លីតែប៉ុណ្ណោះ។ ក្រោយមកលោកបានចាប់ផ្តើមប្រើជីវិតជាចុងភៅចម្អិនម្ហូប និងបានកសាងកេរ្តិ៍ឈ្មោះល្បីរន្ទឺក្នុងសាកលលោកតាមរយៈការខិតខំប្រឹងប្រែងលើជំនាញនិងមុខរបរដែលខ្លួនស្រឡាញ់៕
ប្រែសម្រួលដោយ : ស៊ុនលី
ជីវប្រវត្តិ: ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Education និង AMS Economy ។
របាយការណ៍សំខាន់
ព័ត៌មានទូទៅ
បទពិសោធន៍ឪពុកម្ដាយ ៖ រៀបចំបណ្ណាល័យនៅផ្ទះរួមចំណែកបណ្ដុះទម្លាប់អានរបស់កូន
ក្រសួងការងារប្រកាសពីតម្រូវការកម្លាំងពលកម្មជាង៤ម៉ឺន៧ពាន់កន្លែង សម្រាប់វិស័យចំនួន៣
លោក គឹម សុរ៉ន ចាប់ជំនាញកុំព្យូទ័រ និងរចនាក្រាហ្វិក ក្នុងមហិច្ឆតាចែករំលែកចំណេះដឹងបន្តដល់កុមារនៅសហគមន៍
មតិកែលម្អ គឺជាមូលដ្ឋានគ្រឹះ នៃការពង្រឹងសមត្ថភាពត្រិះរិះពិចារណា (Critical thinking)
វិទ្យាស្ថានជាតិវិជ្ជាជីវៈបាត់ដំបង ផ្តល់អាហារូបករណ៍ដល់យុវជន៣៦០នាក់រៀនជំនាញបច្ចេកទេសឥតគិតថ្លៃ
វិទ្យាស្ថានពហុបច្ចេកទេសខេត្តកំពង់ស្ពឺ ជ្រើសរើសយុវជន៥៧០នាក់ ចូលរៀនជំនាញបច្ចេកទេស និងវិជ្ជាជីវៈ
ការរចនាអាគារបែប «biophilic» អាចពង្រឹងគុណភាពជីវិតសម្រាប់អ្នកមានបញ្ហាប្រព័ន្ធប្រសាទ (neurodivergent)
សាលាអន្តរជាតិដ៏មានកិត្យានុភាពចំនួនប្រាំបីក្នុងប្រទេសកម្ពុជា ទទួលបានអាជ្ញាបណ្ណពីអាជ្ញាធរគ្រប់គ្រងស្តង់ដា និងកម្មវិធីសិក្សារបស់នាយកដ្ឋានអប់រំរដ្ឋអូស្រ្តាលីខាងលិច ក្នុងការប្រើប្រាស់កម្មវិធីសិក្សាអប់រំចំណេះទូទៅស្តង់ដារដ្ឋអូស្ត្រាលីជាផ្លូវការនៅក្នុងប្រទេសកម្ពុជា
ទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ ឆ្នាំនេះ ធ្វើឡើងក្រោមប្រធានបទ «រៀនឱ្យចប់ ឱ្យចេះ ឱ្យមានការងារ»
ចូលរួមធ្វើឱ្យបរិស្ថានល្អ ជួយជំរុញសុខភាពផ្លូវចិត្តកាន់តែប្រសើរ
កម្មវិធីពិសេសរបស់ AMS EDUCATION
ព័ត៌មានសង្ខេប
