ដោយសារឥទ្ធិកូវីដ-១៩ រយៈពេលជាងពីរឆ្នាំបានបង្ខំឱ្យសិស្សានុសិស្សជាច្រើនលាននាក់ ចាប់ផ្តើមប្រើប្រាស់មធ្យោបាយសិក្សាពីចម្ងាយតាមប្រព័ន្ធអ៊ីនធឺណិត ខណៈពួកគេយល់ថា របៀបសិក្សាថ្មីនេះកំពុងជួបការលំបាក។ តាមការចុះផ្សាយដោយសាកលវិទ្យាល័យ Ohio State បានបញ្ជាក់ថា សិស្សជាច្រើនរអ៊ូរទាំពីប្រសិទ្ធភាពនៃការសិក្សាតាមរយៈអនឡាញ ដោយសិស្សខ្លះលើកឡើងថា បញ្ហាសេវាអ៊ីនធឺណិតមិនល្អ លំបាកបែងចែកពេលវេលា អារម្មណ៍មិនមូល និងពិបាកជាងសិក្សាក្នុងថ្នាក់រៀនជាដើម។ ដើម្បីដោះស្រាយកង្វល់ខាងលើនេះ មានគន្លឹះសំខាន់ៗបីចំណុចជួយសិស្សសិក្សាពីចម្ងាយមានប្រសិទ្ធភាព។
១. រៀបចំកាលវិភាគឱ្យបានល្អ ៖ នៅក្នុងវគ្គសិក្សានីមួយៗតែងតែមានកាលវិភាល គោលបំណង និងចំណងជើងមេរៀនយ៉ាងច្បាស់លាស់។ ហេតុនេះអ្វីដែលសិស្សគួរធ្វើ ត្រូវពិនិត្យកាលវិភាគសម្រាប់មុខវិជ្ជាទាំងអស់ឱ្យបានល្អិតល្អន់ ហើយបង្កើតជាកាលវិភាគរួមដើម្បីដឹងឱ្យច្បាស់ថាក្នុងខែនីមួយៗ ត្រូវសិក្សាលើមុខវិជ្ជាអ្វីខ្លះ។ ធ្វើបែបនេះអាចឱ្យសិស្សលៃម៉ោងសម្រាប់សិក្សាបានល្អ ធ្វើសកម្មភាពគាំទ្រដល់ការសិក្សា និងមានពេលសម្រាកដោយមិនបារម្ភពីបញ្ហាមេរៀនជាន់ក។
២. រៀបចំកន្លែងរៀនឱ្យរៀបរយ ៖ សាលារៀនជាកន្លែងដែលត្រូវបានគេរៀបចំយ៉ាងស្អាតនិងមានផាសុកភាព មានបរិយាកាសល្អ ព្រមទាំងបំពាក់សម្ភារៈ ឬបរិក្ខាគាំទ្រឱ្យការសិក្សាកាន់ប្រសើរ តែនៅផ្ទះវិញពេលខ្លះផ្ទុយគ្នាស្រឡះ។ ហេតុនេះ ដើម្បីឱ្យការសិក្សាទទួលបានប្រសិទ្ធភាពខ្ពស់ សិស្សគួររៀបចំកន្លែងរៀនសូត្រឱ្យបានរៀបរយ និងត្រៀមរួចជាស្រេចនូវសម្ភារៈសិក្សាឱ្យដូចជាទិដ្ឋភាពសិក្សានៅសាលា។
ទន្ទឹមគ្នានេះ សិស្សគួរស្វែងរកកន្លែងមានផាសុកភាពល្អដើម្បីរៀន ហើយត្រៀមខ្លួនឱ្យបានយ៉ាងហោចណាស់ ១០នាទីត្រួតពិនិត្យសេវាអ៊ីនធឺណិត រៀបចំសម្ភារៈសិក្សា និងឧបករណ៍អេឡិចត្រូនិកដើម្បីធានាថាគ្រប់យ៉ាងមិនរអាក់រអួលពេលកំពុងរៀន។
៣. ផ្លាស់ប្តូរទម្លាប់ថ្មី ៖ បន្ថែមពីលើការរៀបចំកន្លែងសិក្សាឱ្យបានរៀបរយ អ្វីដែលសិស្សគួរធ្វើដើម្បីទទួលបានជោគជ័យក្នុងការសិក្សាគឺផ្លាស់ប្តូរទម្លាប់ និងតាំងចិត្តឱ្យបានខ្ពស់បើទោះបីជារៀនពីចម្ងាយក៏ដោយ។ សិស្សត្រូវលះបង់ទម្លាប់ខ្ជិលច្រអូស ចូលចិត្តលេងទូរស័ព្ទ មើលទូរទស្សន៍ច្រើនពេក ខ្ជះខ្ជាយពេលវេលា និងទម្លាប់រង់ចាំឱ្យអស់។ បន្ទាប់មកគួរចេះរៀបចំវិន័យសម្រាប់ខ្លួនឯង ដោយព្យាយាមរៀនសូត្រឱ្យទៀតម៉ោង អានឱ្យបានច្រើន និងអនុវត្តកិច្ចការសាលាដោយភាពស្មោះត្រង់។ ការធ្វើបែបនេះ អាចជារឿងលំបាកនៅដំណាក់កាលដំបូងៗ តែក្រោយពេលអនុវត្តបានមួយរយៈ សិស្សអាចនឹងមើលឃើញពីប្រសិទ្ធភាពខ្ពស់ចំពោះលទ្ធផលសិក្សា។
គួរបញ្ជាក់ថា ការសិក្សាពីចម្ងាយជាមធ្យោបាយល្អមួយដែលសិស្សអាចបន្តការសិក្សាមិនខាតពេលវេលា និងត្រៀមខ្លួនជាស្រេចសម្រាប់មុខវិជ្ជានីមួយៗ ប្រសិនបើស្ថានភាពវិលទៅរកប្រក្រតីភាពរហូតថ្នាក់រៀនបើកទ្វាឡើងវិញ។ មធ្យោបាយសិក្សាពីចម្ងាយអាចឱ្យសិស្សកាត់បន្ថយការចំណាយថវិកាធ្វើដំណើរ រក្សាសុវត្ថិភាពផ្ទាល់ខ្លួននិងគ្រួសារ ព្រមទាំងចូលរួមទប់ស្កាត់ការឆ្លងរីករាលដាលជំងឺផ្លូវដង្ហើមកូវីដ-១៩ មានប្រសិទ្ធភាព៕
លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មី
មើលទាំងអស់ ➧គន្លឹះគ្រប់គ្រងពេល ២៤ម៉ោងផ្ទាល់ខ្លួនបានត្រឹមត្រូវ បញ្ជៀសទំនាស់និងបង្កើនគុណភាពជីវិត
បទយកការណ៍, ព័ត៌មានជាតិ និងអន្តរជាតិ, ព័ត៌មានអន្តរជាតិ
• 15/12/2023
មនុស្សមានទំនាស់ពីរប្រភេទ គឺទំនាស់ក្នុងខ្លួន និងទំនាស់ក្រៅខ្លួន ។ ទំនាស់ក្នុងខ្លួនជាអាកប្បកិរិយាទាស់ទែងនឹងឥរិយាបថ ...
ព័ត៌មានទូទៅ
មើលទាំងអស់ ➧សាកលវិទ្យាល័យក្រចេះ ប្រកាសផ្តល់អាហារូបករណ៍ថ្នាក់បរិញ្ញាបត្រ៣០កន្លែង សម្រាប់ឆ្នាំសិក្សា២០២២-២០២៣
ព័ត៌មានអាហារូបករណ៍, ព្រឹត្តិការណ៍
• 31/01/2023
ភ្នំពេញ- សហភាពសហព័ន្ធយុវជនកម្ពុជារាជធានីភ្នំពេញ សហការណ៍ជាមួយសាកលវិទ្យាល័យក្រចេះ បានសម្រេចផ្ដល់អាហារូបករណ៍ថ្នាក់បរិញ្ញាបត្រចំនួន៣០កន្លែង...
អាហារូបករណ៍រៀនជំនាញបច្ចេកទេស និងវិជ្ជាជីវៈ ៧៤០កន្លែង នៅវិទ្យាស្ថានពហុបច្ចេកទេសខេត្តព្រៃវែង
ព័ត៌មានអាហារូបករណ៍, ព្រឹត្តិការណ៍
• 24/11/2023
វិទ្យាស្ថានពហុបច្ចេកទេសខេត្តព្រៃវែង ប្រកាសផ្តល់អាហារូបករណ៍១០០ភាគរយ ដល់សិស្ស និស្សិតរៀនជំនាញបច្ចេកទេស និងវិជ្ជាជីវៈ សម្រាប់ឆ្នាំសិក្សា២០២៣-២០២៤ ចំនួន ៧៤០នាក់។
មូលនិធិព្រីនស៍ ផ្តល់ជូនអាហារូបករណ៍ ចេន ហ្ស៊ី ជំនាន់ទី៣ ដល់និសិ្សតចំនួន ១០០នាក់ ជាសសរទ្រូងនៃការរីកចម្រើនរបស់កម្ពុជា
ព័ត៌មានអាហារូបករណ៍, ព្រឹត្តិការណ៍
• 20/03/2024
នៅក្នុងដំណើរឆ្ពោះទៅរកការពង្រឹងវិស័យអប់រំ ថ្មីៗនេះ មូលនិធិព្រីនស៍ ជាមូលនិធិមនុស្សធម៌នៃសម្ព័ន្ធក្រុមហ៊ុន ព្រីនស៍ ហូលឌីង គ្រុប បានរៀបចំពិធីប្រគល់ អាហារូបករណ៍ ចេន ហ្ស៊ី ជំនាន់ទី៣ ជូនដល់សិស្សនិស្សិត។
អាហារូបករណ៍ថ្នាក់វេជ្ជបណ្ឌិតនៅសាកលវិទ្យាល័យ International University of Health and Welfare ប្រទេសជប៉ុន
ព័ត៌មានអាហារូបករណ៍, ព្រឹត្តិការណ៍
• 03/05/2023
សាកលវិទ្យាល័យ International University of Health and Welfare ប្រទេសជប៉ុនប្រកាសជ្រើសរើសនិស្សិតឆ្នាំមូលដ្ឋាន និងឆ្នាំទី២ផ្នែកវេជ្ជសាស្ត្រនៃសាកលវិទ្យាល័យវិទ្យាសាស្ត្រ...
ឱកាសសិក្សា Online នៅវិទ្យាស្ថានបច្ចេកវិទ្យា Massachusetts ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 14/07/2023
វិទ្យាស្ថានបច្ចេកវិទ្យា Massachusetts ផ្ដល់ការសិក្សាឥតគិតថ្លៃសម្រាប់កម្មវិធីសិក្សា online វគ្គខ្លីឆ្នាំសិក្សា២០២៣-២០២៤ ដោយមានសញ្ញាបត្របញ្ជាក់ការសិក្សាជូន ។...
វិទ្យាស្ថានបច្ចេកវិទ្យាកម្ពុជាប្រកាសជ្រើសរើសនិស្សិតសិក្សាអាហារូបករណ៍១០០%ចំនួន៨០កន្លែង សម្រាប់ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 17/11/2023
វិទ្យាស្ថានបច្ចេកវិទ្យាកម្ពុជា(រាជធានីភ្នំពេញ)ប្រកាសជ្រើសរើសនិស្សិតចូលថ្នាក់ឆ្នាំសិក្សាមូលដ្ឋានកម្រិតវិស្វករចំនួន១៣០០កន្លែងក្នុងនោះក៏មានផ្ដល់....
ឱកាសសម្រាប់ប្រជាពលរដ្ឋ និងយុវជននៅខេត្តបន្ទាយមានជ័យ សិក្សាជំនាញបច្ចេកទេស និងវិជ្ជាជីវៈឥតគិតថ្លៃចំនួន ១៦៥០នាក់
ព័ត៌មានអាហារូបករណ៍, ព្រឹត្តិការណ៍
• 13/03/2024
វិទ្យាស្ថានពហុបច្ចកទេសខេត្តបន្ទាយមានជ័យ បានជូនដំណឹងថា វិទ្យាស្ថាននឹងបើកវគ្គបណ្តុះបណ្តាលដល់បងប្អូនប្រជាពលរដ្ឋ យុវជន កម្មករ កម្មការិនី និងជនចំណាកស្រុក ដែលមកពីគ្រួសារក្រីក្រ គ្រួសារងាយរងហានិភ័យ...
វិទ្យាស្ថានពហុបច្ចេកទេសខេត្តកំពង់ធំ ជ្រើសរើសយុវជនចូលរៀនជំនាញឥតបង់ថ្លៃចំនួន ៥៤០កន្លែង
ព័ត៌មានអាហារូបករណ៍, ព្រឹត្តិការណ៍
• 04/12/2023
វិទ្យាស្ថានពហុបច្ចេកទេសខេត្តកំពង់ធំ បានប្រកាសជ្រើសរើសយុវជន យុវនារី ដែលមកពីគ្រួសារក្រីក្រ និងគ្រួសារងាយរងហានិភ័យឱ្យចូលសិក្សាជំនាញបច្ចេកទេស និងវិជ្ជាជីវៈ ឥតបង់ថ្លៃចំនួន ៥៤០កន្លែង។