ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កសាងទំនុកចិត្តខ្លួនឯងជាចំណុចស្នូលសំខាន់ដែលជះឥទ្ធិពលលើសុខភាពផ្លូវចិត្ត ព្រមទាំងលើកកម្ពស់គុណភាពជីវិតឱ្យកាន់តែប្រសើរឡើង។ បុគ្គលមានទំនុកចិត្តខ្លួនលើឯងអាចបង្កើតប្រយោជន៍យ៉ាងច្រើនចំពោះខ្លួនឯង គ្រួសារ ឬកិច្ចកំពុងធ្វើរាល់ថ្ងៃបានយ៉ាងល្អ។ ផ្ទុយទៅវិញ ប្រសិនបើបុគ្គលបាត់បង់ជំនឿចិត្តលើខ្លួនឯង នោះបុគ្គលងាយនឹងបាត់បង់ឱកាសជោគជ័យជាពុំខាន។ ខាងក្រោមនេះជាតិកនិក ឬវិធីសាស្ត្រប្រាំចំណុចជួយបង្កើនទំនុកចិត្តខ្លួនឯងឱ្យកាន់តែប្រសើរ។
១. ឈប់ប្រៀបធៀប៖ ត្រូវបញ្ចប់ការប្រៀបធៀបខ្លួនឯងទៅនឹងអ្នកដទៃ ទាំងប្រាក់ខែ ទាំងទ្រព្យសម្បត្តិ ទាំងរូបរាងកាយជាដើម។ វាគ្មានប្រយោជន៍នោះទេ នៅពេលដែលយើងអង្គុយប្រៀបធៀបខ្លួនឯងទៅនឹងជោគជ័យរបស់អ្នកដទៃ វាថែមទាំងបង្កការលំបាកដល់ខ្លួនឯងកាន់តែខ្លាំង។
ជាក់ស្តែងការសិក្សាមួយកាលពីឆ្នាំ២០១៨ ស្តីអំពីខ្លួនឯងនិងចំណុចខ្វែងនៃខ្លួនឯង បានរកឃើញថា មនុស្សប្រៀបធៀបខ្លួនទៅអ្នកដទៃកើតចេញពីការច្រណែន បង្កើតបានជាអារម្មណ៍បាក់ទឹកចិត្ត ឈានដល់ការបង្អាប់ និងបន្ទាប់ខ្លួនឯងកាន់តែខ្លាំងបន្ថែមទៀត។ ជម្រើសល្អបំផុតនៅពេលនេះ គួរបញ្ឈប់ការប្រៀបធៀបខ្លួនទៅអ្នកដទៃ។
២. រាប់អានមនុស្សគិតវិជ្ជមាន៖ និយាយបែបនេះ មិនមែនយើងជាមនុស្សអាត្មានិយមទេ តែគួរសាកពិនិត្យបន្តិចមើលថាមិត្តភ័ក្ត បងប្អូន ក្រុមគ្រួសាររបស់អ្នក តើមានអ្នកណាជាអ្នកចូលចិត្តលើកទឹកចិត្តអ្នក ឬធ្វើឱ្យអ្នកអន់។ ពេលអ្នករកឃើញនរណាម្នាក់ដែលពេញចិត្តហើយ គួរព្យាយាមនៅក្បែរផ្តើមដោយការជជែកឬនិយាយពីរឿងវិជ្ជមាន និងលើកទឹកចិត្តដល់គ្នាទៅវិញទៅមក។ រាប់អានមនុស្សគិតវិជ្ជមាន ក៏ត្រូវបង្កើតគំនិតវិជ្ជមានដល់ខ្លួនដែរ។
៣. ថែរក្សាសុខភាព ៖ ជីវិតមនុស្សម្នាក់ៗសុខភាពជារឿងចាំបាច់ណាស់ដែលត្រូវគិត។ អ្នកធ្លាប់ចាប់អារម្មណ៍ឬទេ នៅពេលដែលអ្នកមិនស្រួលខ្លួន អ្នកមិនអាចគិតអ្វីបានល្អ ឬស្វែងរកដំណោះស្រាយបានល្អ? ប៉ុន្តែនៅថ្ងៃណាដែលអ្នកមានសុខភាពល្អអារម្មណ៍ក៏ស្រឡះល្អ គំនិតល្អជាច្រើនបានកើតឡើង ព្រមទាំងមានទំនុកចិត្តធ្វើវាបានដោយជោគជ័យ។ ដូចនេះគួរមានទម្លាប់ថែសុខភាពឱ្យបានល្អ គេងឱ្យបានគ្រប់គ្រាន់ សម្រាកនិងហាត់ប្រាណឱ្យបានត្រឹមត្រូវក្នុងន័យបង្កើនថាមពលជីវិតឱ្យកាន់តែប្រសើរឡើង។
៤. យកចិត្តទុកដាក់ ឬស្រលាញ់ខ្លួនឯងឱ្យបានច្រើនជាងមុន៖ ផ្តល់ឱកាសនិងពន្យល់ខ្លួនឱ្យកែប្រែនៅពេលដែលសាងកំហុសឬបរាជ័យក្តីដែលនេះជាវិធីរំលឹកស្មារតីរបស់អ្នកឱ្យល្អច្រើនជាងមុន និងបញ្ជៀសពីអារម្មណ៍បាត់បង់ទំនុកចិត្ត។
៥. រៀននិយាយជាមួយខ្លួនឯងពីរឿងវិជ្ជមាន៖ ពេលខ្លះរៀននិយាយជាមួយខ្លួនឯងជារឿងដ៏ល្អមួយ។ អ្នកជោគជ័យជាច្រើនបានឱ្យដំបូន្មានថា ទម្លាប់ក្រោកពីដំណេកនៅពេលព្រឹកជាពេលវេលាដ៏ល្អបំផុតសម្រាប់និយាយប្រាប់ខ្លួនឯងនូវប្រយោគវិជ្ជមានដូចជា ខ្ញុំអាចធ្វើបាន! ខ្ញុំនឹងជោគជ័យ! សួស្តីថ្ងៃល្អសម្រាប់ខ្ញុំជាដើម។
ទោះបីជាយ៉ាងណាក្តីប្រសិនបើអ្នកនៅតែគិតថា អ្នកហាក់ដូចជាមិនសូវទទួលបានលទ្ធផលក្រោយអនុវត្តន៍វិធីសាស្ត្រទាំងនេះ អ្នកគួរសាកល្បងស្វែងរកអ្នកជំនាញសុខភាពផ្លូវចិត្ត ឬចូលរួមស្តាប់កម្មវិធីលើកទឹកចិត្តពីមនុស្សជោគជ័យដែលបច្ចុប្បន្ននេះហាក់ដូចជាមិនសូវខ្វះប្រភពនោះឡើយ៕
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍សំខាន់
ព័ត៌មានទូទៅ
បទពិសោធន៍ឪពុកម្ដាយ ៖ រៀបចំបណ្ណាល័យនៅផ្ទះរួមចំណែកបណ្ដុះទម្លាប់អានរបស់កូន
ក្រសួងការងារប្រកាសពីតម្រូវការកម្លាំងពលកម្មជាង៤ម៉ឺន៧ពាន់កន្លែង សម្រាប់វិស័យចំនួន៣
លោក គឹម សុរ៉ន ចាប់ជំនាញកុំព្យូទ័រ និងរចនាក្រាហ្វិក ក្នុងមហិច្ឆតាចែករំលែកចំណេះដឹងបន្តដល់កុមារនៅសហគមន៍
មតិកែលម្អ គឺជាមូលដ្ឋានគ្រឹះ នៃការពង្រឹងសមត្ថភាពត្រិះរិះពិចារណា (Critical thinking)
វិទ្យាស្ថានជាតិវិជ្ជាជីវៈបាត់ដំបង ផ្តល់អាហារូបករណ៍ដល់យុវជន៣៦០នាក់រៀនជំនាញបច្ចេកទេសឥតគិតថ្លៃ
វិទ្យាស្ថានពហុបច្ចេកទេសខេត្តកំពង់ស្ពឺ ជ្រើសរើសយុវជន៥៧០នាក់ ចូលរៀនជំនាញបច្ចេកទេស និងវិជ្ជាជីវៈ
ការរចនាអាគារបែប «biophilic» អាចពង្រឹងគុណភាពជីវិតសម្រាប់អ្នកមានបញ្ហាប្រព័ន្ធប្រសាទ (neurodivergent)
សាលាអន្តរជាតិដ៏មានកិត្យានុភាពចំនួនប្រាំបីក្នុងប្រទេសកម្ពុជា ទទួលបានអាជ្ញាបណ្ណពីអាជ្ញាធរគ្រប់គ្រងស្តង់ដា និងកម្មវិធីសិក្សារបស់នាយកដ្ឋានអប់រំរដ្ឋអូស្រ្តាលីខាងលិច ក្នុងការប្រើប្រាស់កម្មវិធីសិក្សាអប់រំចំណេះទូទៅស្តង់ដារដ្ឋអូស្ត្រាលីជាផ្លូវការនៅក្នុងប្រទេសកម្ពុជា
ទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ ឆ្នាំនេះ ធ្វើឡើងក្រោមប្រធានបទ «រៀនឱ្យចប់ ឱ្យចេះ ឱ្យមានការងារ»
ចូលរួមធ្វើឱ្យបរិស្ថានល្អ ជួយជំរុញសុខភាពផ្លូវចិត្តកាន់តែប្រសើរ
កម្មវិធីពិសេសរបស់ AMS EDUCATION
ព័ត៌មានសង្ខេប
