នៅថ្ងៃទី 06 ខែមករានេះ សហភាពសហព័ន្ធយុវជនកម្ពុជា (សសយក) បានចេញសេចក្តីជូនដំណឹងផ្ដល់ អាហារូបករណ៍ ជាសាធារណៈចំនួន 295 កន្លែងដល់សិស្សទើបជាប់បាក់ឌុបឆ្នាំនេះ និងថ្នាក់បរិញ្ញាបត្រជាន់ខ្ពស់។
សហភាពសហព័ន្ធយុវជនកម្ពុជា បានឱ្យដឹងថា ដើម្បីចូលរួមចំណែកជាមួយរាជរដ្ឋាភិបាលក្នុងការលើកកម្ពស់ការអប់រំ និងបណ្តុះបណ្តាលធនធានមនុស្សនៅកម្ពុជាក្នុងឆ្នាំសិក្សា 2020-2021 សហភាពសហព័ន្ធយុវជនកម្ពុជា បានសហការជាមួយគ្រឹះស្ថានឧត្តមសិក្សាសាធារណៈចំនួន 04 ផ្តល់អាហារូបករណ៍ថ្នាក់បរិញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់ដល់សិស្ស-និស្សិតកម្ពុជា ។
សេចក្តីជូនដំណឹងបួនដាច់ដោយឡែកពីគ្នានេះ បានបញ្ជាក់ថាអាហារូបករណ៍សម្រាប់ថ្នាក់បរិញ្ញាបត្រសិក្សានៅសាកលវិទ្យាល័យភូមិន្ទភ្នំពេញ មានចំនួន 10កន្លែង។ ថ្នាក់បរិញ្ញាបត្រ (កម្រិតវិស្វករ) សិក្សានៅវិទ្យាស្ថានបច្ចេកវិទ្យាកម្ពុជា មានចំនួន 05កន្លែង។ អាហារូបករណ៍ថ្នាក់បរិញ្ញាបត្រសិក្សានៅវិទ្យាស្ថានខ្មែរជំនាន់ថ្មី មានចំនួន 200កន្លែង និងបរិញ្ញាបត្រជាន់ខ្ពស់ចំនួន 30កន្លែងព្រមជាមួយគ្នានេះអាហារូបករណ៍សិក្សានៅសាលាជាតិកសិកម្មព្រែកលាប មានចំនួន 50កន្លែង។
សម្រាប់ព័ត៌មានលម្អិតអំពីលក្ខខណ្ឌផ្សេងៗ សាធារណជនអាចស្វែងរកបន្ថែមតាមរយៈអាស័យដ្ឋានគេហទំព័រនៃគ្រឹះស្ថានឧត្តមសិក្សានីមួយៗ និងតាមរយៈសេចក្តីជូនដំណឹងស្ដីពីការផ្ដល់អាហារូបករណ៍របស់សហភាពសហព័ន្ធយុវជនកម្ពុជា។
សម្រាប់បេក្ខជនដែលចាប់អារម្មណ៍ចុះឈ្មោះយកជំនាញសិក្សាដែលខ្លួនពេញចិត្តនៅគ្រឹះស្ថានឧត្តមសិក្សាណាមួយ ត្រូវស្នើសុំនិងបំពេញទម្រង់បែបបទស្នើសុំអាហារូបករណ៍នៅទីស្នាក់ការសហភាពសហព័ន្ធយុវជនកម្ពុជា រាជធានីភ្នំពេញ។ អាស័យដ្ឋាន វិថីវិចិត្រសិល្បៈ ភូមិព្រែកលាប សង្កាត់ព្រែកលាប ខណ្ឌជ្រោយចង្វារ រាជធានីភ្នំពេញ ឬទាក់ទងតាមលេខទូរស័ព្ទ 016 831 397, 012 906 006 ៕
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
ពានរង្វាន់, ព្រឹត្តិការណ៍, យុវជនឆ្នើម
យុវជន សាំង វ៉ាន់ណៃ ជានិស្សិតឆ្នាំទី៣ ផ្នែកស្ថាបត្យកម្មនៅសាកលវិទ្យាល័យភូមិន្ទវិចិត្រសិល្បៈ ហើយពេលកន្លងទៅថ្មីនេះ រូបគេបានឈ្នះជ័យលាភីលេខ១ ក្នុងការប្រកួតប្រជែងអាន នៃយុទ្ធនាការសៀវភៅមួយ សហគមន៍មួយ។
ចំណេះជីវិត, ព្រឹត្តិការណ៍
ការស្រាវជ្រាវជាច្រើនបានបង្ហាញថា ដើម្បីឱ្យរាងកាយមានថាមពលពេញលេញ អ្នកត្រូវតែគេងឱ្យបានគ្រប់គ្រាន់ ចន្លោះពី ៦ ទៅ ៨ ម៉ោងក្នុងមួយថ្ងៃ។ ប៉ុន្តែជាមួយគ្នានេះ អាហារក៏ដើរតួនាទីសំខាន់ ក្នុងការបង្កើនថាមពល…
ចំណេះជីវិត, ព្រឹត្តិការណ៍
ផ្តោតស្មារតីដើរតួនាទីសំខាន់សម្រាប់អ្នកសិក្សា និងអ្នកបំពេញការងារ ក្នុងការចម្រាញ់យកនូវផលិតភាព និងគុណភាពពីភារកិច្ចដែលកំពុងឬគ្រោងនឹងអនុវត្តន៍…..
ចំណេះជីវិត, ព្រឹត្តិការណ៍
ឈ្វេងយល់អំពីអំណាចនៃការផ្តោត ជាជំនាញសំខាន់ដែលអាចជួយអភិវឌ្ឍន៍ផលិភាព កាត់បន្ថយស្រ្តេស និងជំរុញគុណភាពការងារ រួមទាំងការសិក្សា…..
ព័ត៌មានអាហារូបករណ៍, ព្រឹត្តិការណ៍
ឱកាសសិក្សាអាហារូបករណ៍ថ្នាក់បរិញ្ញាបត្រ ថ្នាក់បណ្ឌិត និងវគ្គសិក្សាផ្សេងៗពេញលេញពីកម្មវិធីអាហារូបករណ៍ ISDB Scholarship …
ពានរង្វាន់, ព្រឹត្តិការណ៍, យុវជនឆ្នើម
យុវជន៣រូបបានក្លាយទៅជាជើងឯងអំណាន ក្រោយពីចូលរួមប្រកួតប្រជែងអានជាមួយយុវជនជិត១រយនាក់ នៅក្នុងកម្មវិធីប្រកួតប្រជែងអាន ដែលរៀបចំឡើងដោយយុទ្ធនាការសៀវភៅមួយសហគមន៍មួយ…
ព័ត៌មានជាតិ, ព្រឹត្តិការណ៍
កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសសម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យទូទាំងប្រទេសចំនួន ១,៥លាននាក់ ត្រូវប្រកាសដាក់ឱ្យអនុវត្តជាផ្លូវការកាលពី…
ព័ត៌មានអន្តរជាតិ, ព្រឹត្តិការណ៍
វេទិកាសេដ្ឋកិច្ចពិភពលោក បានបង្ហាញនូវ គោលគំនិតមូលដ្ឋានចំនួន ៥ ដែលអ្នកបង្កើតគោលនយោបាយ និងអ្នកដឹកនាំក្នុងវិស័យអប់រំ អាចរៀបចំកម្លាំងពលកម្មសម្រាប់អនាគត ព្រមទាំងអាចទាញយកប្រយោជន៍ពីបញ្ញាសិប្បនិម្មិត…
ព័ត៌មានអន្តរជាតិ, ព្រឹត្តិការណ៍
មិនថាមនុស្សវ័យចំណាស់ ចូលរៀននៅមហាវិទ្យាល័យ ដើម្បីតែទទួលបានសញ្ញាបត្រ ឬគ្រាន់តែដើម្បីអភិវឌ្ឍខ្លួននោះទេ វត្តមានរបស់គាត់នៅក្នុងបរិវេណសាលាផ្ដល់នូវអត្ថប្រយោជន៍ជាច្រើន ដល់សហគមន៍ទាំងមូល។
ចំណេះជីវិត, ព្រឹត្តិការណ៍
ក្នុងបរិបទបច្ចុប្បន្ននេះ មានកត្តាច្រើនយ៉ាងដែលអាចឆកទាញយកថាមពលពីក្នុងរាងកាយបានយ៉ាងលឿន តាមរយៈការចុចស្រ្គីនទូរស័ព្ទចុះឡើងៗ …..