ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ ៖ ជាទូទៅឪពុកម្តាយតែងបំពេញតួនាទីនិងទំនួលខុសត្រូវជាច្រើនដើម្បីកូន រាប់ទាំងការចិញ្ចឹមបីបាច់ថែរក្សា ផ្តល់ការអប់រំ និងទំនុកបម្រុងគ្រប់យ៉ាងដល់កូន។ ចំណែកតួនាទីកូនកំពុងសិក្សាឆ្ងាយពីផ្ទះវិញ អាចតបគុណដ៏ប្រសើរទៅកាន់ម្តាយឪពុកតាមរយៈការខិតខំប្រឹងប្រែងសិក្សា សេពគប់មិត្តបានត្រឹមត្រូវ ព្រមទាំងចាយវាយលុយកាក់ដោយសន្សំសំចៃ។ នេះជាការយល់ឃើញរបស់យុវតីមួយចំនួនកំពុងបន្តការសិក្សានៅសាកលវិទ្យាល័យ។
យុវតី លីម តារាវត្តី កំពុងបន្តការសិក្សាជំនាញស្ថាបត្យកម្មតុបតែងលម្អផ្នែកខាងក្នុង (Interior Design) នៅសាកលវិទ្យាល័យភូមិន្ទវិចិត្រសិល្បៈ យល់ឃើញថា ការគោរពនិងផ្ដល់តម្លៃដល់ឪពុកម្ដាយជារឿងសំខាន់ដែលកូនគ្រប់រូបត្រូវតែយល់និងអនុវត្ត។ តារាវត្តី លើកឡើងថា ៖
“ក្រៅពីផ្តល់កំណើត ឪពុកម្តាយបានផ្តល់ឱកាសនិងលទ្ធភាពការសិក្សាយ៉ាងច្រើនដល់ខ្ញុំ ជារឿងដែលល្អបំផុត! យើងត្រូវតែព្យាយាមរៀនសូត្រឱ្យអស់ពីលទ្ធភាពតបស្នងលោកទាំងពីរវិញ”
បន្ថែមលើការគោរពនិងផ្ដល់តម្លៃដល់ឪពុកម្ដាយ យុវតី ឈៀង ណាវី បន្តការសិក្សានៅសាកលវិទ្យាល័យភូមិន្ទកសិកម្មចំការដូង ជំនាញកសិកម្មបន្លែ បាននិយាយថា ការសេពគប់មិត្តនៅទីក្រុងពិតជារឿងសំខាន់ដែលកូនគ្រប់រូបត្រូវគិត។
“នៅទីក្រុងជួបមនុស្សថ្មីៗជាច្រើន បើយើងសេពគប់មនុស្សត្រូវវាជារឿងល្អ តែបើយើងជួបមនុស្សដែលមានគំនិតមិនល្អ វាអាចនឹងមានរឿងណាមួយកើតឡើងដែលយើងមិនអាចដឹង។ ដូច្នេះមុននឹងសម្រេចចិត្តសេពគប់នរណាម្នាក់ ខ្ញុំប្រយ័ត្នមែនទែន នេះក៏រាប់ថាការតបគុណទៅកាន់ម្តាយឪពុកដែរ”
“ក្រៅពីចំណាយលើការសិក្សាការ ចំណាយផ្សេងៗជាតម្រូវការ ខ្ញុំតែងចាយលុយដោយសន្សំសំចៃ និងប្រើប្រាស់លុយឱ្យបានចំគោលដៅ ខ្ញុំយល់ថាអាហ្នឹងវាក៏អាចជួយគ្រួសារយើងបានដែរ”
កញ្ញា លាង ឈុនអ៊ី និស្សិតសាកលវិទ្យាល័យមួយនៅខេត្តសៀមរាប បានពន្យល់ចំណុចនេះទៀតថា ក្នុងនាមជាកូនត្រូវរៀនសន្សំលុយកាក់ឪពុកម្តាយពេលនៅឆ្ងាយពីផ្ទះ បើអាចកូនគួររៀនរកចំណូលដោយខ្លួនឯង ដើម្បីជួយខ្លួនឯង ជួយទឹកចិត្តម្តាយឪពុក ព្រមទាំងទទួលបានបទពិសោធន៍ក្នុងការងារ។
ជាការកត់សម្គាល់នៅក្នុងគ្រួសារខ្មែរ ក្រៅពីតួនាទីខាងលើ កុលបុត្រប្រុសស្រីត្រូវតម្កល់តម្កើងវង្សត្រកូលឱ្យបានល្អតទៅ, កូនត្រូវប្រព្រឹត្តខ្លួនឱ្យល្អសមគួរជាអ្នកទទួលមរតក, កូនត្រូវចិញ្ចឹមមាតាបិតាវិញជាពិសេសនៅពេលគាត់ចាស់ជរា, កូនត្រូវរក្សាទឹកចិត្តរបស់មាតាបិតា មិនឲ្យមាតាបិតាមានទុក្ខកង្វល់ ឬខូចចិត្តដោយសាររឿងមិនល្អ ហើយសេចក្តីសុខរបស់មាតាបិតានៅត្រង់កតញ្ញុតាធម៌របស់កូនទាំងឡាយ៕
ជីវប្រវត្តិ: ឈឿង ប៉ូលីណា ជាអ្នករាយការណ៍ និងសរសេរព័ត៌មាននៅស្ថាប័នព័ត៌មាន AMS Education ។
របាយការណ៍សំខាន់
ព័ត៌មានទូទៅ
អ្នកប្រឹក្សា ៖ ក្នុងបរិបទអាកាសធាតុក្តៅខ្លាំងនារដូវចូលឆ្នាំ យុវជនត្រូវយកចិត្តទុកដាក់ចំពោះសុខភាពផ្លូវចិត្ត ពិសេសរបបអាហារ
គណៈកម្មាធិការជាតិសុវត្ថិភាពចរាចរណ៍ អំពាវនាវដល់អ្នកប្រើប្រាស់ផ្លូវចូលរួមទប់ស្កាត់គ្រោះថ្នាក់ចរាចរណ៍ ក្នុងឱកាសពិធីបុណ្យចូលឆ្នាំថ្មី
«ត្រុដិ» របាំនិយមលេងក្នុងឱកាសបុណ្យចូលឆ្នាំថ្មី បង្ហាញអត្ថន័យដេញគ្រោះចង្រៃ នាំចូលសិរីសួស្តីមកវិញ
ការតាំងចង្កៀងគោមនៅតាមផ្ទះ និងទីសាធារណៈនាឱកាសបុណ្យចូលឆ្នាំថ្មី នាំឱ្យមានភាពស្រស់ស្អាត និងពន្លឺសិរីសួស្ដី
«ក្បួនដង្ហែរទីក្រុងខ្មែរ» បង្ហាញពីការរក្សា និងលើកស្ទួយវប្បធម៌របស់ពលរដ្ឋខ្មែរនៅសហរដ្ឋអាមេរិក
ទំនាក់ទំនង នៃឥទ្ធិពលរលកកម្ដៅ និងសរីរាង្គកាយរបស់មនុស្ស
សញ្ញា ៦ បង្ហាញថា រលកកម្ដៅខ្ពស់ កំពុងមានឥទ្ធិពលលើផ្លូវចិត្តអ្នក
ពង្រឹងការអប់រំ និងសុខភាពផ្លូវចិត្តជំរុញភាពរីករាយដល់យុវវ័យ
ឯកឧត្ដម ឆាត សុឆេត ៖ គ្រឿងរណ្ដាប់ទទួលទេវតាឆ្នាំថ្មី ប្រជាពលរដ្ឋអាចរៀបទៅតាមលទ្ធភាពជាក់ស្ដែង
មន្ត្រីជំនាញ បង្ហាញពីឥរិយាបថ និងវិធីទប់ស្កាត់គ្រោះថ្នាក់ចរាចរណ៍ អំឡុងនៃពិធីបុណ្យចូលឆ្នាំខ្មែរ
កម្មវិធីពិសេសរបស់ AMS EDUCATION
ព័ត៌មានសង្ខេប
