ទៅដើរលេងអស់បារម្ភ! អ្នកមិនចេះថតរូបសោះ ៥ ក្បួននេះ ថតទេសភាពឡើងមួយអែម

ការថតរូប គឺជារឿងដ៏ពេញនិយមមួយ នាពេលបច្ចុប្បន្ននេះ​​ ព្រោះម្នាក់ៗ មិនថាទៅណាក៏ដោយ​ ជាពិសេសកន្លែងមានទេសភាពស្អាតៗ ច្បាស់ជាលើកទូរស័ព្ទថតជាមិនខាន។ ប៉ុន្ដែក៏មានអ្នកខ្លះ មិនចេះថតទាល់តែសោះដែរ ស៊េរីលើកទូរសព្ទថតក្រឹប ហើយផុសយកតែម្ដង។​ អត់ទេៗ កុំធ្វើបែបនឹង យ៉ាងហោចណាស់ក៏គួរចេះគន្លឹះខ្លះៗ ទុកថត ដើម្បីឲ្យរូបមើលទៅមានគុណភាពដែរ។

តាមរយៈបទសម្ភាសន៍ខ្លីរបស់ អេតមីន ជាមួយបងប្រុស លាង ភារុណ អ្នកជំនាញថតរូបម្នាក់ធ្វើការនៅស្ថាប័នមួយកន្លែង ក៏បានចែករំលែកពីវិធីងាយៗ ក្នុងការថតរូបទេសភាពបានស្អាត សម្រាប់អ្នកមិនចេះថតរូបសោះ។ តោះទៅអានបន្ដិចមើល មានវិធីអ្វីខ្លះទៅ៖

១. ដឹងពីអ្វីដែលខ្លួនចង់ថត

អាចនិយាយបានថាវាជាគំនិតច្នៃប្រឌិតរបស់មនុស្សម្នាក់ៗ ត្រង់ចំណុចនេះ ជាដំបូងអ្នកត្រូវដឹងថាអ្នកចង់បានអ្វី ឬចង់បង្ហាញអ្វីក្នុងរូប។ ចុះបានន័យថាម៉េច ចង់បានអ្វី និងចង់បង្ហាញអ្វី?

គឺមានន័យថា អ្នកត្រូវដឹងជាមុនសិន អ្នកចង់បានអ្វីក្នុងរូប ចង់ថតតែទេសភាព ឬក៏មានមនុស្សចូលដែរ? ចង់ក្នុងរូបមានមនុស្សផង មេឃផង ដើមឈើ ព្រៃព្រឹក្សាផង ឬយ៉ាងម៉េច?   ពោលអ្នកត្រូវដឹងពី Concept ដែលខ្លួនចង់បាន នោះទើបងាយស្រួលក្នុងការថត។ បើគ្រាន់តែនឹកឃើញចង់ថត ក៏ថតរូបរបស់ប្រិយមិត្តអាចនឹងចេញមកមិនសូវស្អាត។

ក្នុងករណី​ពេលទៅដើរលេងមិនដឹងថាគួរថត ស្ទីល បែបណាទើបល្អ ប្រិយមិត្ត ក៏អាចសាកល្បងប្រើប្រាស់ App Pinterest ផងដែរ ដោយសារ App មួយនេះ មានស្ទីលថតរូបច្រើន។ បើចង់ថតរូបប្រភេទណាមួយ ប្រិយមិត្ត អាចសរសេរពាក្យជាភាសាអង់គ្លេសរួចចុចរកក្នុងនោះ វានឹងបង្ហាញនូវរូបភាពដ៏សម្បូរបែបដែលធ្វើឲ្យអ្នកអាចនឹកឃើញថាខ្លួនចង់បានអ្វី និងចង់ថតរបៀបណា។

២. ទីតាំង

និយាយពីទីតាំងវិញ ក៏ជាផ្នែកមួយសំខាន់ផងដែរក្នុងការថតរូប។ ជាដំបូងត្រូវដើរមើលជុំវិញទីតាំង ឬតំបន់ដែលអ្នកកំពុងនៅ ថាតើទីនោះមានអ្វីអាចឲ្យយើងថតបានខ្លះ? បើទោះជាអ្នកមាន concept រួចហើយក៏ដោយ តែត្រូវដឹងថាទីតាំងជាក់ស្ដែង និងការគិតរបស់អ្នកមិនដូចគ្នាទាំងស្រុងទេ ដូច្នេះហើយត្រូវដើរមើលឲ្យសព្វគ្រប់ជ្រុងជ្រោយ។ នៅពេលដែលដើរសព្វហើយ ដឹងច្បាស់ថាចង់ថតអ្វី ចង់បង្ហាញអ្វី គឺចាប់ប្លង់ថតយកតែម្ដង។ មួយវិញទៀត សម្រាប់អ្នករៀនថតដំបូង នៅពេលដែលថត កុំព្យាយាមដាក់របស់ច្រើនចូលក្នុងពេលតែមួយ ព្រោះវាអាចមើលទៅ មានភាពរញ៉េរញ៉ៃ ស្មុគស្មាញ និងពិបាកបែងចែក ព្យាយាមផ្ដោតលើអ្វីតែមួយច្បាស់លាស់។ ​ឧទាហរណ៍៖ បើចង់ថតយករូបភាពប្រាសាទ កុំថតយកមនុស្សច្រើនពេក កុំឲ្យជាប់ដើមឈើច្រើនពេក កុំឲ្យជាប់មេឃច្រើនពេក ផ្ដោតលើតែប្រាសាទជាការស្រេច។

៣. ដាក់ក្រឡាពេលថត (Gird)

ការដាក់ក្រឡា គឺពិតជាផ្ដល់ភាពងាយស្រួលមែនទែន ដល់អ្នកមិនចេះថតសោះ ព្រោះអាចឲ្យ ប្រិយមិត្ត អាចស្មានបានថាត្រូវថតយកផ្នែកនីមួយៗ ទំហំប៉ុណ្ណា។ ជាធម្មតា ក្រឡាក្នុងកាមេរ៉ា ត្រូវបានគេចែកជា ៩ ប្រឡោះធំៗ ៣ លើ ៣ ក្រោម ៣ កណ្ដាល។ ឧទាហរណ៍៖ ប្រសិនបើអ្នកចង់ថតរូបមានដើមឈើ ទឹក និងមេឃ គឺត្រូវថត មេឃយកតែ ១ ភាគ ៣ ខាងលើ ដើមឈើ ១ ភាគ ៣ កណ្ដាល និងទឹក ១ ភាគ ៣ ខាងក្រោម នោះទើបឃើញស្អាត។​ ប្រសិនបើអ្នកចង់ថតរូបដើមឈើ ច្រើនជាងមេឃ គឺត្រូវថត យកដើមឈើ ២ ភាគ ៣ ខាងក្រោមនៃរូប ខណៈ មេឃយកតែ ១ ភាគ ៣ ខាងលើបានហើយ។ ​ និយាយរួមចង់បានរបស់អ្វីក្នុងរូបទាំងតូច ទាំងធំ ប្រិយមិត្ត អាចកំណត់តាមរយៈការដាក់ក្រឡានេះ។

៤. ពេលវេលា

ការថតរូបទេសភាព ក៏ត្រូវមើលលើពេលវេលាដែរ ព្រោះបើចេះតែថតនឹងធ្វើឲ្យរូបភាពបានត្រឹមតែមួយមើលប៉ុន្ដែមិនសូវស្អាត។ ពេលវេលាដែលអំណោយផលខ្លាំងក្នុងការថតរូបទេសភាពគឺពេល ព្រឹក និងពេលល្ងាច ព្រោះវាត្រជាក់ មិនសូវពន្លឺចាំងខ្លាំង ថតទៅរូបភាពច្បាស់ល្អត្រជាក់ភ្នែក ជាពិសេស ឃើញធម្មជាតិឡើងរស់រវើក។ ម៉្យាងវិញទៀត ការថតរូបពេលព្រឹក និងពេលល្ងាច គឺជាពេលវេលាដែលថ្ងៃត្រូវរះ និងលិច ដូច្នេះពេលនោះហើយជាពេលដែលរូបភាពថតចេញមកឃើញស្អាតខ្លាំង។

៥. ការ Edit រូប

ថតតែរូបម៉្យាងគឺមិនគ្រប់នោះទេ ត្រូវមានជំនួយការពិសេសផងដែរគឺកម្មវិធីកែរូប នោះទើបធ្វើឲ្យរូបដែលថតកាន់តែស្អាត និងមានភាពទាក់ទាញ។ បងប្រុស បាន recommend ឲ្យរៀនកាត់តរូបថែមមួយមុខទៀត ដើម្បីបានរូបដែលមានគុណភាព។ ជាក់ស្ដែង  សម្រាប់អ្នកមិនសូវចេះ អាចសាកប្រើប្រាស់កម្មវិធីកែច្នៃរូបភាព LightRoom ដើម្បីកែច្នៃរូបភាព បន្ថែមនូវពន្លឺ ពណ៌ផ្សេងៗ ទៅតាមចំណូលចិត្ត។ ជាពិសេស វាមានភាពងាយស្រួលសម្រាប់អ្នកដែលមិនសូវចេះកែច្នៃរូប ព្រោះកម្មវិធីនេះងាយស្រួលក្នុងការប្រើប្រាស់ និងរៀនឆាប់ចេះ។

ជាចុងក្រោយ បងប្រុស ក៏បញ្ជាក់បន្ថែមថា៖

គុណភាពរូបថតចេញមកស្អាត ឬមិនសូវស្អាត ក៏អាស្រ័យលើរបស់ដែល ប្រិយមិត្ត ប្រើប្រាស់ផងដែរថា តើវាជាទូរស័ព្ទ ឬក៏កាម៉េរា? ដូចយើងដឹងស្រាប់របស់ល្អ នឹងនាំមកនូវគុណភាពកាន់តែប្រសើរថែមមួយកម្រិតទៀត។ ខណៈចំណុចដែលបានរៀបរាប់ខាងលើ គ្រាន់តែជាវិធីខ្លះ សម្រាប់អ្នកមិនសូវចេះក្នុងការចាប់ផ្ដើមថតរូបប៉ុណ្ណោះ ព្រោះបើនិយាយទៅការថតរូបពិតជាមានគន្លឹះច្រើន និងផ្សេងៗ គ្នាក្នុងការថតដែលពិបាកក្នុងការរៀបរាប់ឲ្យអស់សព្វគ្រប់។ អ្វីដែលសំខាន់សម្រាប់ អ្នករៀនថតរូប គឺត្រូវព្យាយាមអនុវត្ត ស្វែងយល់ឲ្យបានច្រើន និងត្រូវពឹងផ្អែកលើការច្នៃប្រឌិតបន្ថែម​ និងបច្ចេកទេសរបស់ខ្លួនផងដែរ។

រូបភាពដោយ៖ លាង ភារុណ

តោះចាំអង្កាល់ទៅដើរលេងលើកៗ ក្រោយសាកល្បងទាំងអស់គ្នា៕


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

​ស៊ីន ជេននី ​ចាប់បានផ្កាក្នុងពិធីមង្គលការ ស្រីនា និង វិសាល ថែមបានកាដូពិសេស​ទៀត

យប់មិញបណ្ដា​តារា​ស្រី​ ប្រុស​ល្បី​​ៗ​ក្នុង​ប្រទេស​ អ្នក​ផលិត​មាតិកា​ក្នុង​ស្រុក​ជា​ច្រើន​​ តារា​ចម្រៀង​ តារា​សម្ដែង​ ​បាន​មក​ប្រមូល​ផ្ដុំ​កក​កុញ​ចូល​រួម​ជា​ភ្ញៀវ​កិត្តិយស​ក្នុង​កម្មវិធី​មង្គល​ការ ​​

សរុបសម្លៀកបំពាក់កូនក្រមុំ ជា ស្រីនា ថ្ងៃមង្គការជាង ១០ ឈុត មួយណាក៏ប្រណីតដែរ!

មង្គលការ​របស់ Influencer ល្បី​ទាំង២ ហេង សុខវិសាល និង ជា ស្រីនា កាលពី​ម្សិលមិញ​ពិតជា​កក្រើក​អស់​អ្នក​សិល្បៈ បុគ្គល​ល្បី​ៗ​ក្នុង​សង្គម។ ការ​ចូលរួម​របស់​ភ្ញៀវ​កិត្តិយស​ទាំង​អស់​ក្នុង​កម្មវិធី​មង្គល​

ទោះជួបរឿងអាស្រូវ Han SoHee នៅតែជារាជិនីពាណិជ្ជកម្មមានតម្លៃខ្លួនថ្លៃក្រាស់ក្រែល

ដើមឆ្នាំ ២០២៤ អាចនិយាយបានថា មិនមែនជាពេលវេលាល្អសម្រាប់តារាសម្ដែងស្រីល្បី Han SoHee ឡើយ ដោយសាររូបនាងជាប់ជំពាក់ជាមួយរឿងអាស្រូវស្នេហា និងធ្វើឲ្យរូបនាងទទួលបានមតិរិះគន់យ៉ាងខ្លាំង។ ជាពិសេស អ្នកគាំទ្រជាច្រើនរបស់នាងចាប់ផ្ដើមមានការព្រួយបារម្ភពីអាជីពសិល្បៈរបស់

ជោគជ័យច្រើនរឿងជាប់គ្នា ពេលនេះ Timothée Chalamet បានចុះកុងត្រារយៈពេលវែងជាមួយផលិតកម្មខ្នាតយក្ស

ខណៈពេលនេះ Timothée Chalamet បានក្លាយជាតារា​សម្ដែងជំនាន់ថ្មីមួយរូប​ដែល​ត្រូវ​បាន​គេ​លើក​មកនិយាយ​ច្រើន​ជាង​គេ​​ ដោយកន្លងមករូបគេធ្លាប់សម្ដែងក្នុងភាពយន្តឈ្នះពានជា

យិត អេលីស ប្តេជ្ញាដណ្តើមភាពជោគជ័យពីការប្រកួតអន្តរជាតិជូនកម្ពុជា

យិត អេលីស Miss Teen Junior Idol World Cambodia 2024 កំពុងមានវត្តមានក្នុងការប្រកួត The3rd Junior Idol World 2024 នៅប្រទេសថៃ ជាមួយបវរកញ្ញាវ័យក្មេង ២ រូបផ្សេងទៀត គឺ

កាន់តែឡើងកូដ Kim JiWon ក្លាយជាអ្នកតំណាងប្រេនល្បីៗ ក្រោយបង្ហាញមុខក្នុងរឿង “Queen Of Tears”

“Queen Of Tears” ជារឿងភាគកូរ៉េកំពុងទទួលបានការគាំទ្រយ៉ាងខ្លាំងពីមហាជន អ្នកគាំទ្រ ទាំងក្នុងស្រុក និងក្រៅស្រុក។ រឿងនេះមានការចូលរួមសម្ដែងដោយតារាប្រុស Kim SooHyun និងតារាស្រី Kim JiWon។ មែនទែនទៅ ទើបបញ្ចេញបាន ៦ ភាគ រឿងនេះទទួលបាន rating យ៉ាងខ្ពស់ និងមានការគាំទ្រកាន់តែខ្លាំងឡើងៗ។

លាវ វ៉េងហួរ ធ្វើ Tour Guide ឱ្យបុរសឯក Mister Friendship តៃវ៉ាន់ ពេលមកលេងអង្គរវត្ត

ប៉ុន្មាន​ថ្ងៃ​មុន​នេះ​ Sky ​លំដាប់​រង​ទី​១ បុរស​ឯក​ Mister Friendship 2023 ​ជន​ជាតិ​តែវ៉ាន់​ បាន​មាន​វត្តមាន​ក្នុង​ប្រទេស​កម្ពុជា​ លើ​ទឹក​ដី​អច្ឆរិយ​អង្គរ ​សៀម​រាប ​​ដោយ​មាន​ម្ចាស់​ជយលាភី​

Content Creator សួន ធីតា ប្តេជ្ញាធ្វើគ្រប់យ៉ាង ដើម្បីឱ្យកូនស្រីក្លាយជាម៉ូដែលអាជីព 

អ្នកផលិតមាតិកាកម្សាន្តបែបប្លែកៗពីដំណើរកម្សាន្ត និងការរស់នៅប្រចាំថ្ងៃ សួន ធីតា កំពុងជំរុញលើកទឹកចិត្តកូនស្រីបណ្តូលចិត្ត គឹម អាយវីន អាយុ ៦ ឆ្នាំ ឱ្យដើរលើវិថីសិល្បៈ តាមរយៈការងារជា

ចង់ក្លាយជាតារាចម្រៀង អាចមករៀន ៥ ចំណុចនេះ ពីសមាជិកក្មេងខ្មែរ សុជាតិ 

កំលោះសង្ហា ជា សុជាតិ សមាជិកក្រុមចម្រៀងក្មេងខ្មែរ (KmengKhmer) ដែលជាក្រុមចម្រៀងដ៏មានប្រជាប្រិយភាពក្នុងដួងចិត្តយុវវ័យនាពេលបច្ចុប្បន្ន។ ជារឿយអ្នកកំលោះ​រូបនេះ រមែងត្រូវគេ

ខាងកូនកំលោះ ហេង វិសាល ជូនបណ្ដាការកូនក្រមុំ ស្រីនា ២០ ម៉ឺនដុល្លារ

នៅ​ព្រឹក​នេះ​កម្មវិធី​ហែ​ជំនូន​នៃ​កម្មវិធី​មង្គលការ ហេង វិសាល និង ជា ស្រីនា អ្វីដែលធ្វើ​ឲ្យ​អ្នក​ចូលរួម​ភ្ញាក់ផ្អើល​បំផុត​នោះ ក្រៅពី​ផ្លែឈើ​ច្រើន​គូ​ហែ​ចូល​មក​ក្នុង​រោង​ជ័យ​ហើយ​នោះ នៅ​ថ្លៃ​បណ្ដាការ​