រឿងភាគកូរ៉េមួយឆ្នាំៗកាន់តែមានគុណភាព ដឹងអត់ថាមួយភាគៗចំណាយដើមទុនប៉ុន្មាន? ពិសេសរឿង Netflix គឺមិនធម្មតា

ដើមទុននៃការផលិតរឿងភាគកូរ៉េត្រូវចំណាយអស់ប៉ុន្មាន? ជាសំនួរដែលងាយសួរ​តែពិបាកឆ្លើយ ព្រោះពីមួយឆ្នាំទៅមួយឆ្នាំដើមទុននៃការផលិតមិនបាននៅថេរដូចគ្នារហូតនោះទេ។

កាលពី២០ឆ្នាំមុនប៉ុស្តិ៍ទូរទស្សន៍នៅប្រទេសកូរ៉េខាងត្បូងមានតែ៣ប៉ុស្តិ៍ធំៗប៉ុណ្ណោះដូចជាប៉ុស្តិ៍ KBS , SBS និង MBC។ សម័យនោះការចំណាយដើមទុនផលិតរឿងក្នុងមួយភាគប្រហែលជា  ២៥០០០ដុល្លារ  តែមកដល់​សម័យបច្ចុប្បន្នដើមទុននៃការផលិតរឿងក្នុងមួយភាគអាចកើនទៅដល់ប្រហែលជា ៥៩០០០ដុល្លារ​ជាមធ្យម។

អំឡុងពេលក្នុងឆ្នាំ២០០០ ឆាកនៅក្នុងរឿងភាគនីមួយៗមិនសូវមានភាពអាថ៌កំបាំងដូចរឿងភាគក្នុងសម័យនេះប៉ុន្មានទេ ហើយប្រភេទសាច់រឿងក៏មានមិនខុស​​គ្នា​ច្រើន ដែលភាគច្រើនជាប្រភេទរឿងបែបរ៉ូមែនទិក និងសាច់រឿងដែលរៀបរាប់ពីសង្គមគ្រួសារជាដើម។

កាលពីសម័យនោះតម្លៃខ្លួនរបស់តួសម្តែងត្រឹមតែ១០%នៃចំនួនដើមទុនផលិតទាំងមូល តែបច្ចុប្បន្នតម្លៃខ្លួនរបស់តួរសម្តែងគឺជាចំណែកមួយដែលខ្ពស់បំផុតនៃចំនួនរបស់ដើមទុនផលិតទាំងមូល  ហើយរឿងភាគក្នុងពេលបច្ចុប្បន្នភាគច្រើនគឺទៅថតនៅក្រៅប្រទេស និងប្រើប្រាស់បច្ចេកទេសទំនើបដើម្បីអាចចាក់បញ្ចាំងនៅតាមបណ្តាប្រព័ន្ធផ្សព្វផ្សាយផ្សេងៗបានក្រៅ​ពី​ទូរទស្សន៍។

ក្រោយពីមានប៉ុស្តិ៍ទូរស្សន៍កើតថ្មីថែមជារឿយៗ ការប្រកួតប្រជែងក៏កាន់តែខ្លាំងឡើងធ្វើឱ្យអត្រាដើមទុននៃការផលិតរឿងភាគរបស់ប្រទេសកូរ៉េក៏កាន់តែកើនឡើងដូចគ្នា ដូចជារឿង “Mr.Sunshine” របស់ប៉ុស្តិ៍ tvN កាលពីឆ្នាំ ២០១៨ បានចំណាយដើមទុនផលិតដល់ទៅ ជាង១លានដុល្លារ។

“Mr.shunshine” ជារឿងភាគកូរ៉េដែលទទួលបានការគាំទ្រយ៉ាងខ្លាំងពីសំណាក់អ្នកទស្សនានៅក្នុង Netflix  ហើយនៅឆ្នាំបន្ទាប់ខាង Netflix ក៏បានដាក់បញ្ចាំងនូវស្នាដៃ Original ដំបូងបង្អស់របស់ខ្លួនគឺរឿង  “Kingdom” ដែលបានចំណាយដើមទុនក្នុងការផលិតក្នុងមួយភាគអស់ប្រមាណជិត ២លានដុល្លារ។

ភាពជោគជ័យដែលទទួលបានសក្ដិសមទៅនឹងការចំណាយទុនធ្វើ Netflix បន្តប្រឡូកកាន់​តែ​ខ្លាំង​ក្នុងទីផ្សារខ្សែភាពយន្តភាគរបស់កូរ៉េ។  ចំណែករឿង “The Arthdal Chronicles” របស់ប៉ុស្តិ៍ tvN បានបំបែកកំណត់ត្រាដើមទុននៃការផលិតរឿង ដែលក្នុងមួយភាគចំណាយអស់ដល់ទៅ ២,៦ដុល្លារ​ ។

ទោះជាយ៉ាងណាក៏ដោយ Netflix នៅតែបន្តប្រឡូកក្នុងវិស្ស័យឧស្សាហកម្មភាពយន្តរបស់កូរ៉េ កាន់តែខ្លាំងឡើងៗ ដូចជារឿង “Suriname” ជាប្រភេទរឿងភាគបែបសម័យបុរាណ ដែលខាង Netflix បានចំណាយដើមទុនក្នុងការផលិតអស់ប្រមាណជាង ៥លានដុល្លារក្នុងមួយភាគ ដែលនេះត្រូវបានគេចាត់ទុកថាគឺជាការចំណាយ​ទុនធំបំផុត បើធៀបទៅនឹងការផលិតរឿងភាគកាលពី ២១ឆ្នាំមុនគឺខុសគ្នាដល់ទៅ ១៦០ដងឯណោះ។

ទោះយ៉ាងណាមក​ដល់​កៀក​ចុង​ឆ្នាំ២០២១​នេះ ភាពយន្ត “Squid Game” បានក្លាយជាភាពយន្តដែល​មាន​អ្នក​ទស្សនា​ច្រើន​ជាង​គេបង្អស់ ក្នុងចំណោមភាពយន្តដទៃទៀតរបស់ Netflix។ សារព័ត៌មាន Bloomberg បានប្រកាសថា Netflix អាច​រក​ប្រាក់​ចំណូល​បាន​ដល់​ទៅ ៨៩១,១លានដុល្លារ ពីឥទ្ធិពលនៃភាពយន្តភាគ​មួយ​នេះដែល​មាន​ន័យ​ថា​ក្រុមហ៊ុន​ចំណេញលុយ​រហូតដល់​ជាង៤០ដង បើប្រៀបនឹង​នឹង​ដើម​ទុន​ផលិត​ដែល​ចំណាយអស់សរុបប្រមាណ ២១,៤លានដុល្លារ។

តម្រូវ​ការ​ទីផ្សារ​កម្រិត​ពិភពលោក ធ្វើ​ឲ្យ​ Platform ដែល​ផ្ដល់​សេវា​ទស្សនា​កម្មវិធី​កម្សាន្ត​កាន់​​តែ​មាន​ចំណូល​ខ្ពស់​ទៅ​ៗ ហើយ​ទន្ទឹម​នឹង​នោះ​អ្នក​ទស្សនា​ក៏រំពឹង​ថា​នឹង​បាន​ឃើញ​ស្នាដៃ​ដែល​មាន​គុណភាព និង​ច្នៃប្រឌិត​ជាង​មុន​ដូច​គ្នា។ ស្រប​ពេល​ដែល​បច្ចុប្បន្ន​ Platform ទស្សនា​ភាពយន្ត​អនឡាញ​កាន់​តែ​រីកដុះដាល​យ៉ាងច្រើន​ទៀត​នោះ​មិនថា Disney+, Apple TV+ និង Coupang Play ដូច្នេះ​គេ​ក៏​អាច​រំពឹង​បាន​​ថា អនាគត​ដើម​ទុន​សម្រាប់​ការ​ផលិត​ភាពយន្ត​ភាគ​កូរ៉េ​នឹង​ចំណាយ​កាន់​តែ​ខ្ពស់។ បើ​ដូច្នេះ​តើ​វា​នឹង​មានផលប៉ះពាល់​បែបណា​ដល់​វិស័យ​នេះ?

នៅ​ពេល​នេះ​ក្រុម​ទូរទស្សន៍​ខ្សែ​កាប​ដែល​ឈរជើង​នឹងនរ និង​មាន​ភាពយន្ត​លេចធ្លោ​ច្រើន​ដូចជា JTBC និង tvN បាន​ចាប់ផ្ដើម​ធ្វើ​កិច្ច​សហការជាមួយ​ស្ថាប័ន​ដែល​មាន​ដើម​ទុនក្រាស់​ដូចជា Netflix ប៉ុន្តែក្រុម​ទូរទស្សន៍​ធម្មតា​ដែល​ជា​អ្នក​ជោគជ័យ​ក្នុង​សម័យ​មុន​បែរ​ជា​កំពុង​ជួប​ការ​លំបាក​ដោយសារ​ចំណុច​នេះ។

កាលពី​ឆ្នាំមុន ប៉ុស្តិ៍ KBS, SBS និង MBC បាន​ផលិត​រឿង​ភាគ​បាន ១៦រឿង, ១៣រឿង និង ១១រឿង​តាម​លំដាប់ ប៉ុន្តែ​ក្នុង​ឆ្នាំ​២០២១​នេះ ក៏​មាន​ការ​កាត់បន្ថយ​នៅ​សល់​ត្រឹម​ចន្លោះ ៦-១០រឿង​ប៉ុណ្ណោះ​ ដោយ​ខាង​ស្ថានីយ​រក​ឃើញ​ថា​​កម្មវិធី​កម្សាន្ត Reality Show ផ្សេងៗ​ដែល​ចំណាយ​ទុន​តិច​​ជាង (ត្រឹម ១០ម៉ឺន​ដុល្លារក្នុង​មួយ​ភាគ) អាច​រក​ចំណូល​បាន​ល្អ​ប្រសើរ​ជាងរឿង​ភាគ​ដែល​ត្រូវ​ចំណាយ​ទុន​ខ្ពស់​ទៅៗ ៕


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

​ស៊ីន ជេននី ​ចាប់បានផ្កាក្នុងពិធីមង្គលការ ស្រីនា និង វិសាល ថែមបានកាដូពិសេស​ទៀត

យប់មិញបណ្ដា​តារា​ស្រី​ ប្រុស​ល្បី​​ៗ​ក្នុង​ប្រទេស​ អ្នក​ផលិត​មាតិកា​ក្នុង​ស្រុក​ជា​ច្រើន​​ តារា​ចម្រៀង​ តារា​សម្ដែង​ ​បាន​មក​ប្រមូល​ផ្ដុំ​កក​កុញ​ចូល​រួម​ជា​ភ្ញៀវ​កិត្តិយស​ក្នុង​កម្មវិធី​មង្គល​ការ ​​

សរុបសម្លៀកបំពាក់កូនក្រមុំ ជា ស្រីនា ថ្ងៃមង្គការជាង ១០ ឈុត មួយណាក៏ប្រណីតដែរ!

មង្គលការ​របស់ Influencer ល្បី​ទាំង២ ហេង សុខវិសាល និង ជា ស្រីនា កាលពី​ម្សិលមិញ​ពិតជា​កក្រើក​អស់​អ្នក​សិល្បៈ បុគ្គល​ល្បី​ៗ​ក្នុង​សង្គម។ ការ​ចូលរួម​របស់​ភ្ញៀវ​កិត្តិយស​ទាំង​អស់​ក្នុង​កម្មវិធី​មង្គល​

ទោះជួបរឿងអាស្រូវ Han SoHee នៅតែជារាជិនីពាណិជ្ជកម្មមានតម្លៃខ្លួនថ្លៃក្រាស់ក្រែល

ដើមឆ្នាំ ២០២៤ អាចនិយាយបានថា មិនមែនជាពេលវេលាល្អសម្រាប់តារាសម្ដែងស្រីល្បី Han SoHee ឡើយ ដោយសាររូបនាងជាប់ជំពាក់ជាមួយរឿងអាស្រូវស្នេហា និងធ្វើឲ្យរូបនាងទទួលបានមតិរិះគន់យ៉ាងខ្លាំង។ ជាពិសេស អ្នកគាំទ្រជាច្រើនរបស់នាងចាប់ផ្ដើមមានការព្រួយបារម្ភពីអាជីពសិល្បៈរបស់

ជោគជ័យច្រើនរឿងជាប់គ្នា ពេលនេះ Timothée Chalamet បានចុះកុងត្រារយៈពេលវែងជាមួយផលិតកម្មខ្នាតយក្ស

ខណៈពេលនេះ Timothée Chalamet បានក្លាយជាតារា​សម្ដែងជំនាន់ថ្មីមួយរូប​ដែល​ត្រូវ​បាន​គេ​លើក​មកនិយាយ​ច្រើន​ជាង​គេ​​ ដោយកន្លងមករូបគេធ្លាប់សម្ដែងក្នុងភាពយន្តឈ្នះពានជា

យិត អេលីស ប្តេជ្ញាដណ្តើមភាពជោគជ័យពីការប្រកួតអន្តរជាតិជូនកម្ពុជា

យិត អេលីស Miss Teen Junior Idol World Cambodia 2024 កំពុងមានវត្តមានក្នុងការប្រកួត The3rd Junior Idol World 2024 នៅប្រទេសថៃ ជាមួយបវរកញ្ញាវ័យក្មេង ២ រូបផ្សេងទៀត គឺ

កាន់តែឡើងកូដ Kim JiWon ក្លាយជាអ្នកតំណាងប្រេនល្បីៗ ក្រោយបង្ហាញមុខក្នុងរឿង “Queen Of Tears”

“Queen Of Tears” ជារឿងភាគកូរ៉េកំពុងទទួលបានការគាំទ្រយ៉ាងខ្លាំងពីមហាជន អ្នកគាំទ្រ ទាំងក្នុងស្រុក និងក្រៅស្រុក។ រឿងនេះមានការចូលរួមសម្ដែងដោយតារាប្រុស Kim SooHyun និងតារាស្រី Kim JiWon។ មែនទែនទៅ ទើបបញ្ចេញបាន ៦ ភាគ រឿងនេះទទួលបាន rating យ៉ាងខ្ពស់ និងមានការគាំទ្រកាន់តែខ្លាំងឡើងៗ។

លាវ វ៉េងហួរ ធ្វើ Tour Guide ឱ្យបុរសឯក Mister Friendship តៃវ៉ាន់ ពេលមកលេងអង្គរវត្ត

ប៉ុន្មាន​ថ្ងៃ​មុន​នេះ​ Sky ​លំដាប់​រង​ទី​១ បុរស​ឯក​ Mister Friendship 2023 ​ជន​ជាតិ​តែវ៉ាន់​ បាន​មាន​វត្តមាន​ក្នុង​ប្រទេស​កម្ពុជា​ លើ​ទឹក​ដី​អច្ឆរិយ​អង្គរ ​សៀម​រាប ​​ដោយ​មាន​ម្ចាស់​ជយលាភី​

Content Creator សួន ធីតា ប្តេជ្ញាធ្វើគ្រប់យ៉ាង ដើម្បីឱ្យកូនស្រីក្លាយជាម៉ូដែលអាជីព 

អ្នកផលិតមាតិកាកម្សាន្តបែបប្លែកៗពីដំណើរកម្សាន្ត និងការរស់នៅប្រចាំថ្ងៃ សួន ធីតា កំពុងជំរុញលើកទឹកចិត្តកូនស្រីបណ្តូលចិត្ត គឹម អាយវីន អាយុ ៦ ឆ្នាំ ឱ្យដើរលើវិថីសិល្បៈ តាមរយៈការងារជា

ចង់ក្លាយជាតារាចម្រៀង អាចមករៀន ៥ ចំណុចនេះ ពីសមាជិកក្មេងខ្មែរ សុជាតិ 

កំលោះសង្ហា ជា សុជាតិ សមាជិកក្រុមចម្រៀងក្មេងខ្មែរ (KmengKhmer) ដែលជាក្រុមចម្រៀងដ៏មានប្រជាប្រិយភាពក្នុងដួងចិត្តយុវវ័យនាពេលបច្ចុប្បន្ន។ ជារឿយអ្នកកំលោះ​រូបនេះ រមែងត្រូវគេ

ខាងកូនកំលោះ ហេង វិសាល ជូនបណ្ដាការកូនក្រមុំ ស្រីនា ២០ ម៉ឺនដុល្លារ

នៅ​ព្រឹក​នេះ​កម្មវិធី​ហែ​ជំនូន​នៃ​កម្មវិធី​មង្គលការ ហេង វិសាល និង ជា ស្រីនា អ្វីដែលធ្វើ​ឲ្យ​អ្នក​ចូលរួម​ភ្ញាក់ផ្អើល​បំផុត​នោះ ក្រៅពី​ផ្លែឈើ​ច្រើន​គូ​ហែ​ចូល​មក​ក្នុង​រោង​ជ័យ​ហើយ​នោះ នៅ​ថ្លៃ​បណ្ដាការ​