សុទ្ធ​តែ​ល្អៗមើល! ប្រមូល​ផ្ដុំ​កំពូលភាពយន្តទាំង ១០ របស់ឈិនឡុងដែលរកចំណូលបានច្រើនបំផុត

“កុំបណ្តោយឲ្យជោគវាសនាគ្រប់គ្រងយើង យើងត្រូវគ្រប់គ្រងជោគវាសនាដោយខ្លួនឯង”  ប្រយោគនេះគឺ Jackie Chan ឬឈិនឡុងបាននិយាយទុក។ ដោយការខិតខំព្យាយាមនៅក្នុងវិស័យខ្សែភាពយន្តអស់រយៈពេលជាង ៦ ទសវត្សរ៍បានធ្វើឲ្យបុរសម្នាក់នេះឡើងមកកាន់លំដាប់តារាជួរមុខនិងមានកេរ្តិ៍ឈ្មោះល្បីល្បាញទូទាំងពិភពលោក។ ទ្រព្យសម្បត្តិទាំងអស់ដែលលោក​មានគឺច្រើនមហាសាល​រហូតដល់ទៅ ៤៩០លានដុល្លារ។ កាលពីពាក់កណ្តាលឆ្នាំ ២០២០ Jackie Chan បានជាប់ចំណាត់ថ្នាក់លេខ១០ ជាតារាដែលមានប្រាក់ចំណូលច្រើនបំផុត ដោយប្រាក់ចំណូលដែលរកបានក្នុងឆ្នាំ២០២០ប្រហែលជាង ៤០លានដុល្លារ។ ជាមួយនឹងសមិទ្ធផលសម្តែងជាង ១៤០រឿងពិតជាសក្តិសមហើយដែលធ្វើឲ្យតារារូបនេះមានទ្រព្យសម្បត្តិនិងកេរ្តិ៍ឈ្មោះខ្លាំងដល់ថ្នាក់នេះ។

ថ្ងៃនេះយើងនឹងនាំប្រិយមិត្តទៅទស្សនាខ្សែភាពយន្តរបស់ Jackie Chan ដែលរកចំណូលបានច្រើនបំផុត ចង់ដឹងថាតើមានរឿងអ្វីខ្លះតោះយើងទៅមើលទាំងអស់គ្នា!

លំដាប់ទី ១០​ រឿង The Tuxedo ( ២០០២ )

ភាពយន្តនេះជារឿងរ៉ាវរបស់ Jimmy សម្តែងដោយ Jackie Chan អ្នកបើកឡានតាក់ស៊ីដែលបានមកធ្វើជាអ្នកបើកឡានផ្ទាល់ខ្លួនឲ្យសេដ្ឋី Play boy ។ Jimmy បានលួចពាក់ឈុត Tuxedo របស់ចៅហ្វាយ ក្រោយមកទើបគេបានដឹងថាចៅហ្វាយរបស់ខ្លួនគឺជាអ្នកស៊ើបអង្កេតពិសេសដែលមានឈុត Tuxedo នេះជាអាវុធ។ Jimmy ត្រូវបានទទួលភារកិច្ចសំខានដើម្បីជួយសង្គ្រោះមនុស្សលោក បន្ទាប់ពីចៅហ្វាយនាយរបស់គេរងរបួស។ ភាពយន្តនេះចាក់បញ្ចាំងនៅក្នុងឆ្នាំ ២០០២ រកចំណូលបានដល់ទៅ ១០៤លានដុល្លារដោយចំណាយដើមទុនក្នុងការផលិតជាង ៦០លានដុល្លារ។

លំដាប់ទី ៩ រឿង Dragon Blade ( ២០១៥ )

ជាប្រភេទខ្សែភាពយន្តបែប Drama action រឿងរ៉ាវរបស់មេទ័ពហួរអាន់ដែលត្រូវមើលថែការពារកុលសម្ព័ន្ធទាំង ៣៦ តែចុងក្រោយគេត្រូវបានគេចោទប្រកាន់រហូតធ្លាក់ខ្លួនទៅជាពួកកម្មករ។ ក្នុងហេតុការណ៍នេះបានធ្វើឲ្យគេបានជួបជាមួយនឹងមេទ័ពលូសៀរហូតរាប់អានជាមិត្តសម្លាញ់ហើយបានចូលទៅមានចំណែកពាក់ព័ន្ធជាមួយនឹងពួករ៉ូមាំង។​ នៅពេលដែលមានសត្រូវចូលមកវាយលុក មេទ័ពហួរអាន់បានដឹកនាំទ័ពទាំង ៣៦ កុលសម្ព័ន្ធតតាំងជាមួយសត្រូវកាពារប្រទេស និងស្តាមុខមាត់របស់ខ្លួនដែលធ្លាប់ត្រូវបានគេចោទប្រកាន់ថាជាពួកក្បត់។ ខ្សែភាពយន្តរឿងនេះចាក់បញ្ចាំងនៅក្នុងឆ្នាំ ២០១៥ រកចំណូលបានខ្ពស់ខ្លាំងដល់ទៅ ​១២២,៦លានដុល្លារនិងចំណាយដើមទុនក្នុងការផលិតត្រឹមតែ ៦៥លានដុល្លារតែប៉ុណ្ណោះ។

លំដាប់ទី ៨ រឿង The Forbidden Kingdom ( ២០០៨ )

នេះក៏ជាខ្សែភាពយន្តមួយទៀតរបស់ Jackie Chan ដែលរកចំណូលបានច្រើនបំផុត។ ខ្សែភាពយន្តនេះប្រមូលផ្តុំទៅដោយតារាសម្តែងជួរមុខជាច្រើន។​ ជាមួយនឹងរឿងរ៉ាវរបស់ជេសាន់ បុគ្គលដែលត្រូវបានកំណត់ឲ្យមកគ្រប់គ្រងដំបងទិព្វដែលបាននាំគេឆ្លងទៅកាន់ភពផ្សេងមួយទៀតយ៉ាងអស្ចារ្យ ហើយបានជួបជាមួយនឹង Jackie Chan ។ ជេសាន់បានសុំ Jackie Chan ធ្វើជាគ្រូរបស់ខ្លួន និងចាប់ផ្តើមធ្វើដំណើរផ្សងព្រេងទៅតាមពាក្យទំនាយរបស់ដំបងទិព្វ។ ភាពយន្តនេះចាក់បញ្ចាំងនៅឆ្នាំ ២០០៨ ដោយរកចំណូលបានខ្ពស់ដល់ទៅ ១២៨,៧លានដុល្លាជាមួយនឹងដើមទុនផលិតត្រឹមតែ ៥៥លានដុល្លារ។

លំដាប់ទី ៧ រឿង Skiptrace (  ២០១៦ )

រឿងរ៉ាវរបស់ Banny Chan សម្តែងដោយ Jackie Chan អ្នកស៊ើបអង្កេតជនជាតិហុងកុងដែលកំពុងតែតាមកម្ចាត់មេក្រុមពួកមាហ្វៀ។ នៅពេលដែលក្មួយស្រីរបស់គេត្រូវចូលទៅពាក់ព័ន្ធជាមួយនឹងក្រុមមាហ្វៀទាំងនេះ ហើយនៅអ្នកដែលមានភស្តុតាងដែលអាចយកមកចាប់ខ្លួនមេឃ្លោងមាហ្វៀបានគឺជាអ្នកលេងល្បែងជនជាតិអាមេរិក។ តែគេក៏ត្រូវបានពួកមាហ្វៀចាប់ខ្លួនទៅបាន ទើបធ្វើឲ្យ Jackie Chan ត្រូវចូលទៅជួយរំដោះដើម្បីយកភស្តុតាងពីគេ។ ភាពយន្តនេះចាក់បញ្ចាំងនៅឆ្នាំ ២០១៦ ដែលរកចំណូលបានខ្ពស់ដល់ទៅ ១៣៦,៥លានដុល្លារ និងបានចំណាយដើមទុនផលិតអស់ ៣២លានដុល្លារ។

លំដាប់ទី ៦ រឿង The Foreigner ( ២០១៧ )

ភាពយន្ត​នេះ​និយាយ​ពីគំនុំសងសឹក និងឈានចូលទៅដល់ការបង្កភារវកម្មរបស់ពួក Ice Land។ ឃួន ម្ចាស់ហាងអាហារចិន ដែលសម្តែងដោយ Jackie Chan កូនស្រីរបស់គេត្រូវរងគ្រោះពីការបង្ករភារវកម្មរហូតដល់ស្លាប់។​ នៅពេលដែលគេទៅដាក់ពាក្យបណ្តឺងដើម្បីទាមទារភាពយុត្តិធម៌ឲ្យកូនស្រីបែរជាមិនបានទទួលការជួយសង្គ្រោះអ្វីទាំងអស់។ បេះដូងរបស់គេបានបែកខ្ទិចខ្ទីសល់តែគំនុំ ធ្វើឲ្យគេត្រូវចាត់ការដោយខ្លួនឯងជាមួយនឹងពួកភារវករដោយវិធីយ៉ាងកាចសាហាវ។ ភាពយន្តនេះរកចំណូលបានខ្ពស់ដល់ទៅ ១៤៥, ៤លានដុល្លារ និងបានចំណាយដើមទុនក្នុងការផលិតអស់ ៣៥លានដុល្លារ។

លំដាប់ទី ៥ រឿង Rush Hour ( ១៩៩៨ )

នេះជាខ្សែភាពយន្តបែប Action comedy ដែលធ្វើឲ្យ Jackie Chan ទទួលបានកេរ្តិ៍ឈ្មោះល្បីល្បាញយ៉ាងខ្លាំង ដោយ​បានចាប់គូជាមួយនឹងតារាកប្លែងជនជាតិស្បែកខ្មៅលោក Chris Tucher ។ រឿងរ៉ាវចាប់ផ្តើមឡើងពីប៉ូលីស២នាក់គឺ លោកអធិការ Lee សម្តែងដោយ Jackie Chan និងអ្នកស៊ើបអង្កេត Jam សម្តែងដោយ Chris Tucher។ អ្នកទាំងពីរត្រូវមកសហការជាមួយគ្នានៅពេលដែលពេលវេលាកាន់តែខើចទៅៗក្នុងការចាប់ខ្លួនឧក្រិដ្ឋជន និងជួយជីវិតក្មេងស្រីជនជាតិចិនវ័យ ១១ ឆ្នាំ។ ភាពយន្ត នេះរកចំណូលបានខ្ពស់បំផុតដល់ទៅ ២៤៤,៧លានដុល្លារ និងចំណាយដើមទុនក្នុងការផលិតអស់ចំនួន ៣៣លានដុល្លារ។

លំដាប់ទី ៤ រឿង Kung Fu Yoga  ( ២០១៧ )

ជាការបូកបញ្ចូលគ្នារវាងក្បាច់គុណកុងហ្វូ និងយោហ្គារបស់ឥណ្ឌាដែលការពិតនោះគឺជាការដោះដូរនូវវប្បធម៌គ្នាទៅវិញទៅមក។ រឿងរ៉ាវរបស់ Jack សម្តែងដោយ Jackie Chan សាស្រ្តាចារ្យប្រវិត្តវិទ្យា ដែលបានតំរុយពីកំណប់ទ្រព្យមហាសាល។​ Jack ត្រូវទៅសហាការជាមួយនឹងសាស្ត្រាចារ្យស្រីរូបស្រស់ជនជាតិឥណ្ឌាដើម្បីស៊ើបរកកំណប់ ដោយពួកគេរកឃើញថាវាត្រូវបានលាក់ទុកនៅក្នុងល្អាងទឹកកកមួយកន្លែង។ ភាពយន្តនេះរកចំណូលបានខ្ពស់រហូតដល់ទៅ ២៥៧,៧លានដុល្លារ និងចំណាយដើមទុនក្នុងការផលិត ៦៥លានដុល្លារ។

លំដាប់ទី ៣ រឿង Rush Hour3 ( ២០០៧ )

ភាពយន្ត​នេះពិតជាសក្តិសមជាមួយនឹងការវិលត្រឡប់មកវិញម្តងទៀតរបស់ Jackie Chan និង Chris Tucher ដោយ​ពួក​គេបានធ្វើឲ្យល្បីកក្រើកសាជាថ្មីជាមួយនឹងខ្សែភាពយន្តរឿងនេះ។ លោកអធិការ Lee មានភារកិច្ចត្រូវតាមអមដំណើរឯកអគ្គរដ្ឋទូតចិនទៅកាន់ទីក្រុង New York ។ តែលោកអគ្គរដ្ឋទូតត្រូវគេលបលួចធ្វើឃាត ហើយកូនស្រីដ៏ស្រស់ស្អាតរបស់លោកត្រូវគេចាប់ខ្លួនទៅ ទើបធ្វើឲ្យ​លោកអធិការ Lee និងដៃគូត្រូវចេញទៅរកអាថ៌កំបាំងដើម្បីបង្រ្កាបពួកមាហ្វៀនិងជួយរំដោះកូនស្រីលោកអគ្គរដ្ឋទូត។

រឿងនេះរកចំណូលបានយ៉ាងច្រើនមហាសាលដល់ទៅ ២៥៨លានដុល្លារ និងបានចំណាយដើមទុនផលិតយ៉ាងខ្ពស់បំផុតដល់ទៅ ១៤០លានដុល្លារ។

លំដាប់ទី ២ រឿង Rush Hour2 ( ២០០១ )

នៅក្នុងវគ្គ២នេះគឺជាសាច់រឿងតមកពី Rush Hour វគ្គ១ ដែលពួកគេទាំង២ នាក់បានបំបែកសុំណុំរឿងក្តីបាននិងវិលត្រឡប់មកឈប់សម្រាកនៅហុងកុង។ តែថ្ងៃឈប់សម្រាករបស់ពួកគេក៏ត្រូវបានបញ្ចប់ទៅយ៉ាងលឿនដោយសារតែអធិការ Lee មានភារកិច្ចត្រូវបំពេញបន្តទៀត ដែលធ្វើឲ្យពួកគេត្រូវប្រឈមមុខជាមួយនឹងរឿងក្តីដែលធំបំផុតក្នុងជីវិតដោយមិនអាចជៀសបាន។ ព្រោះតែមានការលួចបង្កប់គ្រាប់បែកនៅឯស្ថានទូតអាមេរិកដែលធ្វើឲ្យមន្ត្រីខាងកុងស៊ុល២នាក់ត្រូវស្លាប់បាត់បង់ជីវិត។​ ហេតុនេះហើយទើបធ្វើឲ្យទាំងពីរនាក់ត្រូវចេញមកប្រតិបត្តិការម្តងទៀត។

ខ្សែភាពយន្តរឿងនេះរកចំណូលបានខ្ពស់បំផុតដល់ទៅ ៣៤៧,៣លានដុល្លារ និងចំណាយដើមទុនក្នុងការផលិតអស់ចំនួន ៩០ លានដុល្លារ។

លំដាប់ទី ១ រឿង The Karate Kid ( ២០១០​ )

នេះជាខ្សែភាពយន្ត Action មួយរឿងទៀតរបស់ Jackie Chan ដែលទទួលបានជោគជ័យយ៉ាងខ្លាំង ជារឿងរ៉ាវរបស់ក្មេងប្រុសវ័យ១២ឆ្នាំ មកពីសហរដ្ឋអាមេរិកដែលត្រូវផ្លាស់ទីមកប្រទេសចិនតាមម្តាយ។ គេបានជួបជាមួយជនពាលនៅសាលារៀនដែលគេចូលសិក្សា ហើយត្រូវបានគេធ្វើបាបជារឿយៗ។ តែសំណាងល្អក៏បានចូលមករកគេ ដោយអ្នកមើលថែអគាឈ្មោះថា ហាន់ សម្តែងដោយ Jackie Chan ចាប់ផ្តើមបង្វិកក្បាច់គុណកុងហ្វូដល់គេ។ ហាន់បានបង្រៀនឲ្យក្មេងប្រុសម្នាក់នេះដឹងថា ក្បាច់គុណកុងហ្វូមិនបានមានត្រឹមតែការវាយតប់ប៉ុណ្ណោះទេ ហើយបានធ្វើឲ្យក្មេងប្រុសយល់ថាការប្រឈមមុខតស៊ូជាមួយនឹងពួកជនពាលអស់នេះគឺជាការប្រឈមមុខដែលសំខាន់បំផុតក្នុងជីវិតរបស់គេ។ រឿងនេះរកចំណូលបានយ៉ាងច្រើនមហាសាលដល់ទៅ ៥៩១លានដុល្លារ ដោយចំណាយដើមទុនក្នុងការផលិតអស់ចំនួន ៤០លានដុល្លារ៕


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ទោះជួបរឿងអាស្រូវ Han SoHee នៅតែជារាជិនីពាណិជ្ជកម្មមានតម្លៃខ្លួនថ្លៃក្រាស់ក្រែល

ដើមឆ្នាំ ២០២៤ អាចនិយាយបានថា មិនមែនជាពេលវេលាល្អសម្រាប់តារាសម្ដែងស្រីល្បី Han SoHee ឡើយ ដោយសាររូបនាងជាប់ជំពាក់ជាមួយរឿងអាស្រូវស្នេហា និងធ្វើឲ្យរូបនាងទទួលបានមតិរិះគន់យ៉ាងខ្លាំង។ ជាពិសេស អ្នកគាំទ្រជាច្រើនរបស់នាងចាប់ផ្ដើមមានការព្រួយបារម្ភពីអាជីពសិល្បៈរបស់

ជោគជ័យច្រើនរឿងជាប់គ្នា ពេលនេះ Timothée Chalamet បានចុះកុងត្រារយៈពេលវែងជាមួយផលិតកម្មខ្នាតយក្ស

ខណៈពេលនេះ Timothée Chalamet បានក្លាយជាតារា​សម្ដែងជំនាន់ថ្មីមួយរូប​ដែល​ត្រូវ​បាន​គេ​លើក​មកនិយាយ​ច្រើន​ជាង​គេ​​ ដោយកន្លងមករូបគេធ្លាប់សម្ដែងក្នុងភាពយន្តឈ្នះពានជា

យិត អេលីស ប្តេជ្ញាដណ្តើមភាពជោគជ័យពីការប្រកួតអន្តរជាតិជូនកម្ពុជា

យិត អេលីស Miss Teen Junior Idol World Cambodia 2024 កំពុងមានវត្តមានក្នុងការប្រកួត The3rd Junior Idol World 2024 នៅប្រទេសថៃ ជាមួយបវរកញ្ញាវ័យក្មេង ២ រូបផ្សេងទៀត គឺ

កាន់តែឡើងកូដ Kim JiWon ក្លាយជាអ្នកតំណាងប្រេនល្បីៗ ក្រោយបង្ហាញមុខក្នុងរឿង “Queen Of Tears”

“Queen Of Tears” ជារឿងភាគកូរ៉េកំពុងទទួលបានការគាំទ្រយ៉ាងខ្លាំងពីមហាជន អ្នកគាំទ្រ ទាំងក្នុងស្រុក និងក្រៅស្រុក។ រឿងនេះមានការចូលរួមសម្ដែងដោយតារាប្រុស Kim SooHyun និងតារាស្រី Kim JiWon។ មែនទែនទៅ ទើបបញ្ចេញបាន ៦ ភាគ រឿងនេះទទួលបាន rating យ៉ាងខ្ពស់ និងមានការគាំទ្រកាន់តែខ្លាំងឡើងៗ។

លាវ វ៉េងហួរ ធ្វើ Ture guide ឱ្យបុរសឯក Mister Friendship តៃវ៉ាន់ ពេលមកលេងអង្គរវត្ត

ប៉ុន្មាន​ថ្ងៃ​មុន​នេះ​ Sky ​លំដាប់​រង​ទី​១ បុរស​ឯក​ Mister Friendship 2023 ​ជន​ជាតិ​តែវ៉ាន់​ បាន​មាន​វត្តមាន​ក្នុង​ប្រទេស​កម្ពុជា​ លើ​ទឹក​ដី​អច្ឆរិយ​អង្គរ ​សៀម​រាប ​​ដោយ​មាន​ម្ចាស់​ជយលាភី​

Content Creator សួន ធីតា ប្តេជ្ញាធ្វើគ្រប់យ៉ាង ដើម្បីឱ្យកូនស្រីក្លាយជាម៉ូដែលអាជីព 

អ្នកផលិតមាតិកាកម្សាន្តបែបប្លែកៗពីដំណើរកម្សាន្ត និងការរស់នៅប្រចាំថ្ងៃ សួន ធីតា កំពុងជំរុញលើកទឹកចិត្តកូនស្រីបណ្តូលចិត្ត គឹម អាយវីន អាយុ ៦ ឆ្នាំ ឱ្យដើរលើវិថីសិល្បៈ តាមរយៈការងារជា

ចង់ក្លាយជាតារាចម្រៀង អាចមករៀន ៥ ចំណុចនេះ ពីសមាជិកក្មេងខ្មែរ សុជាតិ 

កំលោះសង្ហា ជា សុជាតិ សមាជិកក្រុមចម្រៀងក្មេងខ្មែរ (KmengKhmer) ដែលជាក្រុមចម្រៀងដ៏មានប្រជាប្រិយភាពក្នុងដួងចិត្តយុវវ័យនាពេលបច្ចុប្បន្ន។ ជារឿយអ្នកកំលោះ​រូបនេះ រមែងត្រូវគេ

ខាងកូនកំលោះ ហេង វិសាល ជូនបណ្ដាការកូនក្រមុំ ស្រីនា ២០ ម៉ឺនដុល្លារ

នៅ​ព្រឹក​នេះ​កម្មវិធី​ហែ​ជំនូន​នៃ​កម្មវិធី​មង្គលការ ហេង វិសាល និង ជា ស្រីនា អ្វីដែលធ្វើ​ឲ្យ​អ្នក​ចូលរួម​ភ្ញាក់ផ្អើល​បំផុត​នោះ ក្រៅពី​ផ្លែឈើ​ច្រើន​គូ​ហែ​ចូល​មក​ក្នុង​រោង​ជ័យ​ហើយ​នោះ នៅ​ថ្លៃ​បណ្ដាការ​

ថ្ងៃចូលរោងការ ស្រីនា និង វិសាល ព្រះនាង ជេនណា យាងចូលរួម ថែមទាំងមានកាដូភ្ញាក់ផ្អើលទៀត!

កាលពី​រសៀល​ថ្ងៃ​ទី ​២៧ ​ខែ​មីនា​ ឆ្នាំ​ ២០២៤​ ព្រះ​នាង​ ​​នរោត្តម ​ជេន​ណា​ បាន​យាង​​ចូល​រួម​ជា​ភ្ញៀវ​កិត្តិយស​ក្នុង​ពិធី​មង្គល​ការ​​​ ហេង​ សុខ​វិសាល​ និង​ជា ​ស្រី​នា​ ថែម​ទាំង​មាន​កាដូ​មក​ Surprise​ គូ​

Lisa បង្ហាញផ្ទះ និងរថយន្ដ តម្លៃខ្ទង់លានដុល្លារនៅថ្ងៃខួបកំណើតវ័យ ២៧ ឆ្នាំ

សមាជិកកូនពៅរបស់ក្រុម BLACKPINK គឺ Lisa បានឈានចូលវ័យ ២៧ ឆ្នាំហើយ នៅថ្ងៃទី ២៧ ខែមីនា ឆ្នាំ ២០២៤ ខណៈសមាជិក BLACKPINK និងអ្នកគាំទ្រជាច្រើនបានជូនពរដល់រូបនាងក្នុងថ្ងៃកំ