ហេតុអ្វី​មនុស្ស​ស្រី​អាស៊ី​ចង់​បាន​ស្បែក​ស?

បច្ចុប្បន្ន​នេះ​ស្រ្តី​នៅ​អាស៊ី​ក៏​ដូចជា​ក្នុង​ប្រទេស​កម្ពុជា​បាន​ងាក​មក​ចាប់​អារម្មណ៍​រឿង​មើល​ថែ​អនាម័យ​សុខភាព​ខ្លាំង​ជាង​មុន ទាំង​សុខភាព​រាងកាយ ប្រព័ន្ធ​ការពារ​ផ្សេងៗ រូបរាង រួម​ទាំង​ការ​មើលថែ​ស្បែក​ដែរ​រហូត​ដល់​មាន​ការ​កំណត់​រស​និយម​ថា “ការ​ដែល​មាន​ស្បែក​ស​ស្មើ​នឹង​ស្បែក​ស្អាត” ។ កត្តា​នេះ​ធ្វើឲ្យ​ទីផ្សារ​របស់​ផលិតផល​ថែ​រក្សា​សម្ផស្ស​ផ្សេងៗ​មិន​ថា ឡេ គ្រីម ខលឡាជេន​ផ្សេងៗ​ដែល​ផលិត​ចេញ​មក​ហើយ​ឃោសនា​ថា “ធ្វើ​ឲ្យ​ស្បែក​ស​ភ្លឺថ្លា” មាន​ការ​គាំទ្រ​យ៉ាង​ខ្លាំង។

កត្តា​ចម្បង​ដែល​ធ្វើ​ឲ្យ​ស្រ្តី​នៅ​ប្រទេស​កម្ពុជា​ចង់​បាន​ស្បែក​ស​នោះគឺ៖

១. កត្តា​សង្គម និង​វប្បធម៌

ជា​ការ​យក​តម្រាប់​តាម​គ្នា​រហូត​ក្លាយ​ជា​រស​និយម​មួយ​ដែល​ជឿ​ថា “ ស្បែក​ស​ល្អ​ជាង​ស្បែក​ខ្មៅ” ។ ឥទ្ធិពល​នៃ​រស​និយម​នេះ​ត្រូវ​បាន​បញ្ជ្រាប​មក​ជា​រឿយៗ​តាមរយៈ​ការ​ផ្សព្វផ្សាយ ការ​ចែករំលែក​ដោយ​ការ​សម្ដែង​នូវ​ការ​យល់​ឃើញ​ថា “ប្រសិន​បើ​អ្នក​មាន​ស្បែក​ស ស្មើ​នឹង​អ្នក​កំពុង​តែ​មាន​ស្បែក​ដែល​ស្អាត អ្នក​នឹង​ទទួល​បាន​ការ​និយម​ចូលចិត្ត​យ៉ាង​ច្រើន​ពី​សំណាក់​បុគ្គល​ដែល​នៅ​ជុំវិញ​ខ្លួន ព្រម​ទាំង​សង្គម​របស់​អ្នក​ផង​ដែរ” ។

២. ទទួល​ឥទ្ធិពល​ពី​បណ្ដា​ប្រព័ន្ធ​ផ្សព្វផ្សាយ​ផ្សេងៗ

ការ​ស្រាវជ្រាវ​មួយ​បាន​រក​ឃើញ​ថា “ នៅ​ពេល​ដែល​មនុស្ស​ស្រី​បាន​អាន​ព័ត៌មាន​ឬ​ទស្សនាវដ្ដី​ដែល​ទាក់ទង​ជាមួយ​រឿងរ៉ាវ​របស់​ស្ត្រី មនុស្សស្រីចំនួន៧០ ទៅ៨០% នាង​នឹង​មាន​អារម្មណ៍​ថា​ខ្លួន​ឯង​កំពុង​តែ​មាន​ចំណុច​ខ្វះខាត​កើត​ឡើង​មួយ​រំពេច នឹង​ចាប់​ផ្ដើម​កើត​មាន​គំនិត​ចង់​ទៅ​ទិញ​ផលិតផល​ថែ​បំប៉ន​ស្បែក គ្រឿង​សំអាង ផ្សេងៗ​ដើម្បី​មក​ស្តា​នូវ​ចំណុច​ខ្វះ​ខាត​របស់​ខ្លួនឯង” ។ កត្តា​នេះ​បង្ហាញ​ឲ្យ​ឃើញ​ថា​រស​និយម​ដែល​កំណត់​ស្តង់ដារ​នៃ​ភាព​ស្រស់​ស្អាត​ត្រូវ​បាន​បញ្ជ្រាប​ចូល​មក​តាមរយៈ​ប្រព័ន្ធ​ផ្សព្វផ្សាយ​នានា​ដែល​ស្រ្តី​ជា​ច្រើន​កំពុងតែ​ស្រូប​យក​មក​ដោយ​មិន​ដឹង​ខ្លួន។

អ្វី​ដែល​សង្គម​ប្រាប់​អ្នក​ថា​ “ភាព​ស្រស់​ស្អាត​គឺ​ត្រូវ​តែ​មាន​ស្បែក​ស” ទាំងនេះ​ត្រូវ​បាន​បញ្ជូន​មក​អ្នក​តាមរយៈ​មិត្តភ័ក្ដិ គ្រួសារ ព័ត៌មាន ឬ​សូម្បី​តែ​ដៃ​គូ​ស្នេហា​របស់​អ្នក។  ជា​ការ​ពិត​ទៅ​ស្បែក​ដែល​ស្អាត​មិនមែន​ទាល់​តែ​ជា​ស្បែក​ស​នោះ​ទេ។ បើ​និយាយ​ពី​ប្រទេស​លោក​ខាង​លិច​វិញ​គេ​និយម​ទៅ​លើ​ស្បែក​ស្រអែម​ច្រើន​ជាង​ស្បែក​ស ដូចនេះ​ការ​និយម​ចូលចិត្ត​របស់​ប្រទេស​នីមួយៗ​គឺ​មាន​ភាព​ខុសៗ​ពី​គ្នា។

៣. កត្តា​អាកាសធាតុ

កត្តា​សំខាន់​មួយ​ទៀត​ដែល​ធ្វើ​ឲ្យ​ស្រ្តី​នៅ​អាស៊ី​និយម​ចូលចិត្ត​និង​ចង់​បាន​ស្បែក​ស​នោះ​គឺ ” អាកាសធាតុ” ។ ដោយសារ​តែ​ប្រទេស​យើង​ជា​ប្រទេស​ដែល​ក្ដៅ មាន​កម្ដៅ​ក្ដៅ​ខ្លាំង​ស្ទើរ​តែ​គ្រប់​រដូវ​កាល​ធ្វើ​ឲ្យ​មនុស្ស​មួយ​ចំនួន​មាន​ការ​យល់​ឃើញ​ថា “អ្នក​ដែល​មាន​ស្បែក​ខ្មៅ​ស្រអាប់​មិន​ភ្លឺ​ថ្លា​ជា​អ្នក​ដែល​ប្រកប​របរ​ដែល​ហាល​ខ្យល់​ហាលថ្ងៃ ប្រើ​កម្លាំង​និង​ទទួល​បាន​ប្រាក់​ចំណូល​តិច” ។ ចំណែក​ឯ​អ្នក​ដែល​មាន​ស្បែក​ស​ត្រូវ​បាន​យល់​ឃើញ​ថា “អាច​ជា​បុគ្គល​ដែល​មាន​ឋានៈ​គ្រួសារ​សមរម្យ​ជាង​ដោយ​ស្វ័យប្រវត្តិ​តែ​ម្តង”។

ស្រប​ពេល​បច្ចុប្បន្ន​នេះ​សង្គម​របស់​ប្រទេស​លោក​ខាង​លិច​កំពុង​តែ​កើត​មាន​វិបត្តិ​នៅ​លើ​ការ​រើសអើង​ពណ៌​សម្បុរ​កាន់តែ​ខ្លាំង​ឡើងៗ ហេតុនេះ​រស​និយម​ខាង​ពណ៌​សម្បុរ​របស់​គេ​គឺ​ផ្ទុយគ្នា​ដាច់​ស្រឡះ​ពី​ប្រទេស​យើង​តែ​ម្តង។

រស​និយម​របស់​ប្រទេស​លោក​ខាង​លិច​ក៏​បាន​ទទួល​ឥទ្ធិពល​ពី​សំណាក់​មជ្ឈដ្ឋាន​ខាង​ក្រៅ​ដូចគ្នា។ដោយ​ហេតុ​ថា​ប្រទេស​លោក​ខាង​លិច​មាន​សភាព​អាកាសធាតុ​ត្រជាក់​មិន​សូវ​មាន​ពន្លឺ​ថ្ងៃ ធ្វើឲ្យ​ស្បែក​របស់​ប្រជាជន​ជា​ច្រើន​មាន​សភាព​ស​ស្លេក។ ចំពោះ​ប្រជាជន​ដែល​មាន​ឋានៈ​គ្រួសារ​ធូរធារ​គេ​នឹង​ធ្វើ​ដំណើរ​ឆ្លង​រដ្ឋ ឆ្លង​ប្រទេស​ទៅ​ទីកន្លែង​ដែល​ក្តៅ​ដើម្បី​គេង​ហាលថ្ងៃ​ឲ្យ​ស្បែក​ប្រែ​ទៅ​ជា​ស្រអែម។

យ៉ាងណា​ក៏​ដោយ ការ​ដែល​មាន​ស្បែក​ស្អាត​ក៏​មិន​ចាំបាច់​ទាល់​តែ​ស​នោះ​ទេ ព្រោះ​ផលិតផល​មួយ​ចំនួន​ដែល​ធ្វើ​ឲ្យ​ស្បែក​ស​ក្នុង​រយៈពេល​ខ្លី​អាច​នឹង​បង្ក​គ្រោះថ្នាក់​ដល់​ស្បែក និង​សុខភាព​របស់​អ្នក។​ដូច្នេះ​ការ​មើល​ថែ​ខ្លួន​ឯង ហាត់ប្រាណ ទទួល​ទាន​ទឹក​ឲ្យ​បាន​ច្រើន និង​ជ្រើសរើស​បរិភោគ​អាហារ​ដែល​មាន​សារធាតុ​ចិញ្ចឹម​ដល់​ស្បែក​និង​សុខភាព​ទើប​ជា​ការ​ប្រសើរ៕


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

​ស៊ីន ជេននី ​ចាប់បានផ្កាក្នុងពិធីមង្គលការ ស្រីនា និង វិសាល ថែមបានកាដូពិសេស​ទៀត

យប់មិញបណ្ដា​តារា​ស្រី​ ប្រុស​ល្បី​​ៗ​ក្នុង​ប្រទេស​ អ្នក​ផលិត​មាតិកា​ក្នុង​ស្រុក​ជា​ច្រើន​​ តារា​ចម្រៀង​ តារា​សម្ដែង​ ​បាន​មក​ប្រមូល​ផ្ដុំ​កក​កុញ​ចូល​រួម​ជា​ភ្ញៀវ​កិត្តិយស​ក្នុង​កម្មវិធី​មង្គល​ការ ​​

សរុបសម្លៀកបំពាក់កូនក្រមុំ ជា ស្រីនា ថ្ងៃមង្គការជាង ១០ ឈុត មួយណាក៏ប្រណីតដែរ!

មង្គលការ​របស់ Influencer ល្បី​ទាំង២ ហេង សុខវិសាល និង ជា ស្រីនា កាលពី​ម្សិលមិញ​ពិតជា​កក្រើក​អស់​អ្នក​សិល្បៈ បុគ្គល​ល្បី​ៗ​ក្នុង​សង្គម។ ការ​ចូលរួម​របស់​ភ្ញៀវ​កិត្តិយស​ទាំង​អស់​ក្នុង​កម្មវិធី​មង្គល​

ទោះជួបរឿងអាស្រូវ Han SoHee នៅតែជារាជិនីពាណិជ្ជកម្មមានតម្លៃខ្លួនថ្លៃក្រាស់ក្រែល

ដើមឆ្នាំ ២០២៤ អាចនិយាយបានថា មិនមែនជាពេលវេលាល្អសម្រាប់តារាសម្ដែងស្រីល្បី Han SoHee ឡើយ ដោយសាររូបនាងជាប់ជំពាក់ជាមួយរឿងអាស្រូវស្នេហា និងធ្វើឲ្យរូបនាងទទួលបានមតិរិះគន់យ៉ាងខ្លាំង។ ជាពិសេស អ្នកគាំទ្រជាច្រើនរបស់នាងចាប់ផ្ដើមមានការព្រួយបារម្ភពីអាជីពសិល្បៈរបស់

ជោគជ័យច្រើនរឿងជាប់គ្នា ពេលនេះ Timothée Chalamet បានចុះកុងត្រារយៈពេលវែងជាមួយផលិតកម្មខ្នាតយក្ស

ខណៈពេលនេះ Timothée Chalamet បានក្លាយជាតារា​សម្ដែងជំនាន់ថ្មីមួយរូប​ដែល​ត្រូវ​បាន​គេ​លើក​មកនិយាយ​ច្រើន​ជាង​គេ​​ ដោយកន្លងមករូបគេធ្លាប់សម្ដែងក្នុងភាពយន្តឈ្នះពានជា

យិត អេលីស ប្តេជ្ញាដណ្តើមភាពជោគជ័យពីការប្រកួតអន្តរជាតិជូនកម្ពុជា

យិត អេលីស Miss Teen Junior Idol World Cambodia 2024 កំពុងមានវត្តមានក្នុងការប្រកួត The3rd Junior Idol World 2024 នៅប្រទេសថៃ ជាមួយបវរកញ្ញាវ័យក្មេង ២ រូបផ្សេងទៀត គឺ

កាន់តែឡើងកូដ Kim JiWon ក្លាយជាអ្នកតំណាងប្រេនល្បីៗ ក្រោយបង្ហាញមុខក្នុងរឿង “Queen Of Tears”

“Queen Of Tears” ជារឿងភាគកូរ៉េកំពុងទទួលបានការគាំទ្រយ៉ាងខ្លាំងពីមហាជន អ្នកគាំទ្រ ទាំងក្នុងស្រុក និងក្រៅស្រុក។ រឿងនេះមានការចូលរួមសម្ដែងដោយតារាប្រុស Kim SooHyun និងតារាស្រី Kim JiWon។ មែនទែនទៅ ទើបបញ្ចេញបាន ៦ ភាគ រឿងនេះទទួលបាន rating យ៉ាងខ្ពស់ និងមានការគាំទ្រកាន់តែខ្លាំងឡើងៗ។

លាវ វ៉េងហួរ ធ្វើ Tour Guide ឱ្យបុរសឯក Mister Friendship តៃវ៉ាន់ ពេលមកលេងអង្គរវត្ត

ប៉ុន្មាន​ថ្ងៃ​មុន​នេះ​ Sky ​លំដាប់​រង​ទី​១ បុរស​ឯក​ Mister Friendship 2023 ​ជន​ជាតិ​តែវ៉ាន់​ បាន​មាន​វត្តមាន​ក្នុង​ប្រទេស​កម្ពុជា​ លើ​ទឹក​ដី​អច្ឆរិយ​អង្គរ ​សៀម​រាប ​​ដោយ​មាន​ម្ចាស់​ជយលាភី​

Content Creator សួន ធីតា ប្តេជ្ញាធ្វើគ្រប់យ៉ាង ដើម្បីឱ្យកូនស្រីក្លាយជាម៉ូដែលអាជីព 

អ្នកផលិតមាតិកាកម្សាន្តបែបប្លែកៗពីដំណើរកម្សាន្ត និងការរស់នៅប្រចាំថ្ងៃ សួន ធីតា កំពុងជំរុញលើកទឹកចិត្តកូនស្រីបណ្តូលចិត្ត គឹម អាយវីន អាយុ ៦ ឆ្នាំ ឱ្យដើរលើវិថីសិល្បៈ តាមរយៈការងារជា

ចង់ក្លាយជាតារាចម្រៀង អាចមករៀន ៥ ចំណុចនេះ ពីសមាជិកក្មេងខ្មែរ សុជាតិ 

កំលោះសង្ហា ជា សុជាតិ សមាជិកក្រុមចម្រៀងក្មេងខ្មែរ (KmengKhmer) ដែលជាក្រុមចម្រៀងដ៏មានប្រជាប្រិយភាពក្នុងដួងចិត្តយុវវ័យនាពេលបច្ចុប្បន្ន។ ជារឿយអ្នកកំលោះ​រូបនេះ រមែងត្រូវគេ

ខាងកូនកំលោះ ហេង វិសាល ជូនបណ្ដាការកូនក្រមុំ ស្រីនា ២០ ម៉ឺនដុល្លារ

នៅ​ព្រឹក​នេះ​កម្មវិធី​ហែ​ជំនូន​នៃ​កម្មវិធី​មង្គលការ ហេង វិសាល និង ជា ស្រីនា អ្វីដែលធ្វើ​ឲ្យ​អ្នក​ចូលរួម​ភ្ញាក់ផ្អើល​បំផុត​នោះ ក្រៅពី​ផ្លែឈើ​ច្រើន​គូ​ហែ​ចូល​មក​ក្នុង​រោង​ជ័យ​ហើយ​នោះ នៅ​ថ្លៃ​បណ្ដាការ​