Stay humble and kind៖ ទម្លាប់ចេះដាក់ខ្លួន និងមានចិត្តសប្បុរស ដែលនាំឱ្យជីវិតអ្នកជួបតែរឿងល្អៗ

ស្គាល់អ្វីជាតម្លៃពិតរបស់ខ្លួនឯង មនុស្សដែលដាក់ខ្លួន មិនមែនបានន័យថាគ្មានមោទនភាពចំពោះខ្លួនឯងនោះទេ ប៉ុន្តែគេដឹងថា មោទនភាពមិនចាំបាច់ត្រូវបង្ហាញឱ្យអ្នកដទៃឃើញនោះឡើយ។
ចិត្តល្អដោយមិនរំពឹងអ្វីត្រឡប់មកវិញ ចិត្តសប្បុរសដែលពិតប្រាកដ កើតឡើងដោយស្ងប់ស្ងាត់ ដោយមិនត្រូវការពាក្យអរគុណនោះទេ។
និយាយតិច ស្ដាប់ឱ្យច្រើន មនុស្សដែលដាក់ខ្លួន មិនប្រញាប់និយាយកាត់អ្នកដទៃឡើយ គេដឹងថាការស្ដាប់ផ្តល់បង្រៀនដល់គេ បានច្រើនជាងការនិយាយជានិច្ច។
មិនប្រកួតប្រជែងជាមួយអ្នកដទៃ គេដើរលើផ្លូវផ្ទាល់ខ្លួន ដោយមិនសម្លឹងមើលឆ្វេងស្តាំថា មាននរណានាំមុខ ឬនៅខាងក្រោយនោះឡើយ។

ទទួលស្គាល់ថាខ្លួនឯងមិនទាន់ចេះគ្រប់យ៉ាង ពាក្យថា “មិនដឹង” អាចពោលចេញពីមាត់របស់គេបានយ៉ាងស្រួលចិត្ត ព្រោះការមិនដឹងហើយខំប្រឹងសិក្សាស្វែងយល់បន្ថែមមិនមែនជារឿងគួរឱ្យខ្មាសអៀននោះទេ។
មិនមើលងាយនរណាម្នាក់ គេដឹងថាមនុស្សគ្រប់រូបសុទ្ធតែមានរឿងរ៉ាវដែលគេមិនបានដឹង ហើយអ្នករាល់គ្នាកំពុងតែតស៊ូជាមួយអ្វីមួយជានិច្ច។
ចេះសុំទោសដោយគ្មានលក្ខខណ្ឌ មិនសុំទោសបែបមានពាក្យ “ប៉ុន្តែ” នៅខាងចុងនោះទេ ព្រោះការសុំទោសពិតប្រាកដ មិនត្រូវការការបកស្រាយនោះឡើយ។
រីករាយជាមួយជោគជ័យរបស់អ្នកដទៃ អបអរសាទរឱ្យអ្នកដទៃបានយ៉ាងស្មោះស្ម័គ្រ ព្រោះនៅក្នុងចិត្តរបស់គេ គ្មានកន្លែងទំនេរសម្រាប់ភាពច្រណែនឈ្នានីសនោះទេ។
មិនអួតអាងអ្វីដែលមាន គេដឹងថាអ្វីដែលមាននៅថ្ងៃនេះ អាចនឹងបាត់បង់ទៅវិញបាន ហើយតម្លៃរបស់ខ្លួនឯង មិនបានស្ថិតនៅលើទ្រព្យសម្បត្តិសម្ភារៈនោះទេ។

ទទួលយកការរិះគន់បានដោយមិនខឹងសម្បារ គេសម្លឹងមើលការរិះគន់ជាឱកាស មិនមែនជាការវាយប្រហារឡើយ ហើយអាចអរគុណបានយ៉ាងស្មោះស្ម័គ្រ។
មិនធ្វើឱ្យនរណាម្នាក់មានអារម្មណ៍ថាទន់ខ្សោយ ឬតូចទាបជាង គេមិនដែលប្រើប្រាស់ចំណេះដឹង ឬជោគជ័យរបស់ខ្លួនឯង ទៅសង្កត់សង្កិនអ្នកដទៃឡើយ។
ទម្លាប់និយាយល្អទាំងការប្រើសំឡេងនិងសម្ដី ទោះបីជាត្រូវនិយាយការពិតដែលពិបាកស្តាប់ ក៏គេស្វែងរកវិធីនិយាយដែលមិនធ្វើឱ្យនរណាម្នាក់ឈឺចាប់ដោយមិនចាំបាច់ដែរ។
ចងចាំអំពើល្អដែលអ្នកដទៃធ្វើឱ្យបានជានិច្ច គេភ្លេចការឈឺចាប់បានយ៉ាងឆាប់រហ័ស ប៉ុន្តែចងចាំចិត្តសប្បុរសរបស់អ្នកដទៃបានយ៉ាងយូរអង្វែង។
មិនទាមទារឱ្យនរណាម្នាក់មើលឃើញតម្លៃរបស់ខ្លួនឯង គេមិនត្រូវការការបញ្ជាក់ទទួលស្គាល់ពីអ្នកដទៃឡើយ ព្រោះដឹងថាខ្លួនឯងមានតម្លៃរួចជាស្រេចទៅហើយ។
អាចដើរចេញពីជម្លោះបាន មិនមែនព្រោះតែភ័យខ្លាចនោះទេ ប៉ុន្តែព្រោះតែដឹងថា រឿងខ្លះមិនសមស្របនឹងថាមពលដែលត្រូវបាត់បង់ទៅនោះឡើយ។
ដាក់ខ្លួន និងមានចិត្តសប្បុរសរៀងរាល់ថ្ងៃ មិនមែនត្រឹមតែពេលដែលមានមនុស្សមើលឃើញនោះទេ ព្រោះអត្តចរិតពិតប្រាកដ គឺជារឿងដែលយើងធ្វើនៅពេលដែលគ្មាននរណាម្នាក់សម្លឹងមើល ៕

Stay humble and kind៖ ទម្លាប់ចេះដាក់ខ្លួន និងមានចិត្តសប្បុរស ដែលនាំឱ្យជីវិតអ្នកជួបតែរឿងល្អៗ

លោក ស្វាយ វ៉ាន់ថន | Mr. Svay Vanthan

ព័ត៌មានទូទៅ

សេដ្ឋកិច្ច

អប់រំ

កីឡា

កម្សាន្ត

អរិយធម៌ខ្មែរ

Politico 360

One-Minute

កម្ពុជាមាតុភូមិខ្ញុំ

សច្ចធម៌ប្រវត្តិសាស្ត្រ

វិភាគសុីជម្រៅ

វឌ្ឍនភាពកម្ពុជា

អំពីក្រុមហ៊ុន