កម្មវិធីប្រកួតវប្បធម៌ ២១ ប្រទេស នៅកូរ៉េខាងត្បូង កម្ពុជាទទួលបានចំណាត់ថ្នាក់លេខ៣

កន្លងទៅថ្មីៗ ប្រទេសកូរ៉េ បានរៀបចំកម្មវិធីប្រកួតវប្បធម៌ ២១ ប្រទេស ក្នុងនោះក៏មានកម្ពុជាចូលរួមផងដែរ។ កាន់តែរំភើបនិងអស្ចារ្យនៅក្នុងពិធីនេះ ប្រទេសកម្ពុជាទទួលបានចំណាត់ថ្នាក់លេខ៣ ក្នុងចំណោមប្រទេសចូលរួមទាំង ២១។

កាលពីថ្ងៃទី ២៣ ដល់ថ្ងៃទី ២៥ ខែ តុលា ឆ្នាំ ២០២៦ ព្រឹត្តិការណ៍មហោស្រពចម្រុះវប្បធម៌ MAMF 2026 ហៅកាត់ថា ការប្រកួតប្រជែងវប្បធម៌ទាំង ២១ ប្រទេស ត្រូវបានរៀបចំឡើងនៅសួនវប្បធម៌ Yongji ទីក្រុង Changwon ប្រទេសកូរ៉េ ។ កម្ពុជា ជាប្រទេស១ ក្នុងចំណោម ២១ ប្រទេសដែលបានដាក់ពាក្យចូលរួមប្រកួតនាលើកនេះ ជាលទ្ធផល កម្ពុជាបានឈរនៅលំដាប់លេខ៣ ខណៈលេខ១ បានទៅលើស្រីលង្កា និងលេខ២ បានទៅលើប្រទេសឥណ្ឌូណេស៊ី។

ក្បួនដង្ហែវប្បធម៌ ២១ ប្រទេសដែលរៀបចំលើទឹកដីនៃប្រទេសកូរ៉េពេលនេះ ជាការបង្ហាញនូវទម្រង់សិល្បៈ វប្បធម៌ដ៏ល្អអស្ចារ្យ និងស្រស់ស្អាតរបស់កម្ពុជា ដែលបានពីការចូលរួមរបស់ប្រជាជនខ្មែរកំពុងមានវត្តមានរស់នៅក្នុងប្រទេសកូរ៉េ៕