ត្រឹម ១៥ ម៉ោង វីដេអូ សុភ័ក្រ កុសុម៉ា បង្ហាញការមានផ្ទៃពោះលើកទី២ មានអ្នកគាំទ្រច្រើនលើសលប់

តារាស្រី សុភ័ក្រ កុសុម៉ា និងស្វាមីរូបសង្ហា ញញឹមបិទមាត់មិនជិតក្រោយបានដឹងថាបានក្លាយជាឪពុកម្ដាយរបស់កូននៅក្នុងផ្ទៃ។ វត្តមានរបស់គភ៌នៅពេលនេះ បានឆក់យកស្នាមញញឹមពីសំណាក់អ្នកប្រើប្រាស់បណ្ដាញសង្គមមិនតិចនាក់នោះទេ។

ដំណក់ឈាមរួមគ្នាដ៏សែនមានន័យរបស់តារាស្រី សុភ័ក្រ កុសុម៉ា និងស្វាមី កំពុងត្រៀមបង្ហាញវត្តមាននៅលើពិភពលោកដ៏សែនស្រស់ស្អាត។ កាលពីរាត្រីម្សិលមិញ ម្ចាស់ KOSOMA ENTERTAINMENT បានបញ្ចេញវីដេអូបង្ហាញដំណឹងដ៏សែនរីករាយចំពោះវត្តមានកូនក្នុងផ្ទៃអ្នកនាងកំពុងចាប់កំណើតនៅក្នុងផ្ទៃ។ ជាមួយគ្នា វីដេអូដែលបង្ហាញពីការមានផ្ទៃពោះរបស់តារាស្រីសម្បុរស្រអែមស្រស់រូបនេះ ទទួលបានការគាំទ្រយ៉ាងច្រើនលើសលុបពីសំណាក់ហ្វេន ក៏ដូចជាមហាជនអ្នកតាមដានក្នុងបណ្ដាញសង្គម ដោយត្រឹមរយៈពេលតែ ១៥ ម៉ោងមានអ្នកចូលចុច ឡែក ស៊ែរ និងខមិន រាប់ពាន់នាក់ឯណោះ។

ដំណឹងដ៏សែនរីករាយនេះបានធ្វើឱ្យមហាជនអ្នកតាមដាន និងលេងនៅក្នុងបណ្ដាញសង្គមចូលរួមអបអរសាទរអ្នកនាង សុភ័ក្រ កុសុម៉ា និងស្វាមី សម្រាប់វត្តមានកូនក្នុងផ្ទៃ ហើយបានជូនពរឱ្យកូន និងម្ដាយមានសុខភាពល្អផងដែរ៕

រូបភាព ៖ Sopheak Kosoma

កញ្ញា កែវ សុខអាត | Ms. KEO SOK ART

ជីវប្រវត្តិ: មានបទពិសោធន៍ជាអ្នកបង្កើតមាតិការសង្គម និងជំនួញ ក្នុងស្រុក-ក្រៅស្រុក និងជាអ្នកសរសេររឿងប្រលោមលោក។ បច្ចុប្បន្នជាអ្នកបង្កើតមាតិការកំសាន្ត ប្លែកៗ នៃ AMS Infotainment។