ដោយសារតែសមត្ថភាពរបស់រូបគេឈរនៅលំដាប់ពិបាករកគូទៅហើយក្នុងទម្ងន់ ៥៧គីឡូក្រាម ជើងខ្លាំង ប៊ុន សុធា បានឡើងទៅវាយទម្ងន់ ៦០ ជាលើកដំបូងកាលពីថ្ងៃទី ២២សីហា។ ជាយុទ្ធសាស្ត្រលុបបំបាត់វិបត្តិខ្សត់ការប្រកួត កូនសិស្សលោក ធន់ សុភា បានតាំងចិត្តថា នឹងធ្វើការប្រលូក ទាំងក្នុងទម្ងន់ ៥៧គីឡូក្រាមផង និង ទម្ងន់៦០គីឡូក្រាមផងព្រមគ្នា ហើយ សុធា យល់ថា ប្រសិនបើឡើងទៅ ៦០ ជាប្រចាំតែម្ដង ក៏រូបគេជឿថាទោះមិនជោគជ័យខ្លាំង ក៏រូបគេនឹងមិនស្ថិតនៅលំដាប់បាតារាងឡើយ។
