Jevaughn Minzie ម្ចាស់មេដាយមាសវិញ្ញាសារត់បណ្ដាក់៤០០ម៉ែត្រក្នុងព្រឹត្តិការណ៍អូឡាំពិក២០១៦ នៅប្រេស៊ីល បានមកធ្វើដំណើរកម្សាន្ដនៅកម្ពុជា និងឆ្លៀតចែករំលែកបទពិសោធកីឡាអត្តពលកម្មដល់កីឡាករ កីឡាការិនីកម្ពុជានាពេលថ្មីៗនេះដើម្បីព្រឹត្តិការណ៍កីឡាអាស៊ីអាគ្នេយ៍ក្នុងខែឧសភាខាងមុខ។
មិត្តរួមជាតិកំពូលអ្នករត់ប្រណាំង Usain Bolt រូបនេះបានចែករំលែកទាំងបទពិសោធរស់នៅប្រចាំថ្ងៃ និងបច្ចេកទេសមួយចំនួនផងដែរ។
កីឡាករជនជាតិចាម៉ៃកាខាងលើត្រូវបានណែនាំមកកម្ពុជាដោយកីឡាការិនីកូនខ្មែរជប៉ុន ចាន់ លីណា ក្រោយអ្នកទាំង២ជួបគ្នានៅតូក្យូអូឡាំពិកកាលឆ្នាំ២០២១ និងមានទំនាក់ទំនងជាមួយគ្នារហូតមក។
គួរដឹងដែរថា Jevaughn Minzie បានរួមចំណែកឈ្នះមេដាយមាសរត់បណ្ដាក់៤០០ម៉ែត្រអូឡាំពិក ២០១៦ នៅប្រេស៊ីល ដែលកាលណោះ Usain Bolt ក៏ស្ថិតក្នុងក្រុមរួមគ្នាដែរ៕
