ក្រុមបាល់ឱបអាមេរិក Buffalo Bills ក្លាយជាក្រុមទី៥ដែលកក់កៅអីវគ្គ play-off National Football League បន្ទាប់ពីឈ្នះជើងឯកប្រចាំភូមិភាគជាលើកដំបូងតាំងពីឆ្នាំ១៩៩៥មក។
កីឡាករ Josh Allen បានរួមចំណែកយ៉ាងសំខាន់ក្នុងជ័យជម្នះ៤៨-១៩នៅទឹកដីក្រុម Denver Broncos ដើម្បីបង្កើនកំណត់ត្រាឈ្នះ១១ចាញ់៣ នាំឱ្យពួកគេឈ្នះជើងឯកប្រចាំភូមិភាគបូព៌ាជាលើកទី១ ក្នុងរយៈពេល២៥ឆ្នាំចុងក្រោយ។
ក្រោមការបង្វឹករបស់គ្រូបង្គោល Sean McDermott ក្រុម Bills ពេលនេះបានឡើងដល់វគ្គ play-off ៣ដងក្នុងពេល៤ឆ្នាំចុងក្រោយ ដែលបានបញ្ចប់ភាពមិនដែលឡើង play-off ១៧ឆ្នាំ នៅក្នុងឆ្នាំ២០១៧៕
