ការបង្កើនសមត្ថភាពកូនក្រុម និងត្រៀមសម្រាប់ការប្រកួតកីឡាជាតិ គឺជាគោលដៅដែលក្រុមបាល់បោះក្រសួងសេដ្ឋកិច្ច និងហិរញ្ញវត្ថុសម្រេចចិត្តចូលរួមការប្រកួតបាល់បោះជើងឯកថ្នាក់ជាតិរដូវកាល២០២០។ នេះបើតាមការឲ្យដឹងពីលោក លោក ហ៊ុន ចាន់ធឿន ដែលជាគ្រូបង្គោល។
គ្រូបង្វឹកដដែលប្រាប់ថា ក្រុមរបស់លោកលាយឡំដោយកីឡាករវ័យក្មេង និងអ្នកមានបទពិសោធពីមុនមកដែលមានអាយុពីចន្លោះ១៧ឆ្នាំដល់៣៤ឆ្នាំ ហើយបានប្រមូលផ្ដុំគ្នាប្រមាណមួយឆ្នាំចុងក្រោយនេះ។ លោកថា នេះជាលើកទីមួយហើយដែលក្រុមលោកចូលរួមការប្រកួតជើងឯកថ្នាក់ជាតិ។
លោក ហ៊ុន ចាន់ធឿន ពន្យល់ពីបំណងចូលរួម Cambodian Basketball League 2020 បែបនេះ “៖យើងយកគាត់មកដើម្បីព្យាយាមធ្វើអ្វីអស់ពីលទ្ធភាពដែលយើងលេងបាន។ ណាមួយយើងចង់ឲ្យថ្នាលពួកយើងបានលេងដើម្បីត្រៀមកីឡាជាតិ។”
គួរដឹងដែរថា ក្នុងការប្រកួតបាល់បោះថ្នាក់ជាតិ ២០២០ ក្រុមក្រសួងសេដ្ឋកិច្ច និងហិរញ្ញវត្ថុ បានទទួលទាំងពីរលើកក្នុងការប្រកួតពីរដងដំបូង។ ថ្ងៃអាទិត្យ ទី០៦ ខែកញ្ញា នេះក្រុមលោក ហ៊ុន ចាន់ធឿន ត្រូវជួបប្រកួតជាមួយ AsianBallers នៅម៉ោង៣រសៀល៕
