រដ្ឋបាលរាជធានីភ្នំពេញរៀបចំពិធីក្រុងពាលី ដើម្បីត្រៀមសម្ពោធស្ពាន បេតុងខ្សែកាបតភ្ជាប់តំបន់ កោះពេជ្រ-កោះនរា ថ្ងៃស្អែកនេះ
ភ្នំពេញ៖ ឯកឧត្តម ឃួង ស្រេង អភិបាលរាជធានីភ្នំពេញ និងលោក ជំទាវ នៅរសៀលថ្ងៃទី១៤វិច្ឆិកា ឆ្នាំ២០២៣នេះ បានអញ្ជើញជាអធិបតី ក្នុងពិធីក្រុងពាលី នៅមុនស្ពានបេតុងខ្សែកាបតភ្ជាប់តំបន់អភិវឌ្ឍន៍ កោះនរា និងកោះពេជ្រនឹងត្រូវ បើកសម្ពោធឲ្យប្រើប្រាស់ជាផ្លូវការនា ថ្ងៃទី១៥ ខែវិច្ឆិកាស្អែកនេះ ។
![](https://asset.ams.com.kh/central/media/2023/11/photo_2023-11-14_20-47-58-1024x682.jpg)
តាមគម្រោងស្ពានបេតុងខ្សែកាបតភ្ជាប់តំបន់កោះនរា និងកោះពេជ្រ នឹងត្រូវសម្ពោធដាក់ឱ្យប្រើប្រាស់ជាផ្លូវការនាព្រឹកថ្ងៃទី១៥ ខែវិច្ឆិកា ឆ្នាំ២០២៣ ក្រោមអធិបតីភាពសម្ដេច ធិបតីហ៊ុន ម៉ាណែត នាយក រដ្ឋមន្ត្រីនៃ ព្រះរាជាណាចក្រកម្ពុជា។
![](https://asset.ams.com.kh/central/media/2023/11/photo_2023-11-14_20-48-01-1024x682.jpg)
ស្ពានបេតុងខ្សែកាបតភ្ជាប់ កោះនរានិងកោះពេជ្រ គឺជា សមិទ្ធផល ថ្មីមួយទៀត ដែលបានកើតជារូវរាងឡើងក្នុងភូមិសាស្ត្ររាជធានីភ្នំពេញ ក្រោមការដឹកនាំរបស់សម្តេចធិបតីហ៊ុន ម៉ាណែត នាយករដ្ឋមន្ត្រី កម្ពុជា និងដឹកនាំអនុវត្តផ្ទាល់ដោយឯកឧត្តម ឃួង ស្រេង អភិបាលរាជធានី ភ្នំពេញ។
![](https://asset.ams.com.kh/central/media/2023/11/photo_2023-11-14_20-48-03-1024x682.jpg)
ស្ពានថ្មីនេះបានដើតួនាទីយ៉ាងសំខាន់ក្នុងការរួមចំណែក កាត់ បន្ថយ ការកកស្ទះចរាចរលើកំណាត់មហាវិថីព្រះនរោត្តម ពីស្ពាន អាកាស ក្បាល ថ្នល់ចូលមកកណ្តាលក្រុង រួមទាំងបងប្អូនអ្នកធ្វើដំណើរ ពីខណ្ឌ ច្បារអំពៅ និងបានកាត់បន្ថយការកកស្ទះចរាចរ មួយផ្នែក ធំលើកំណាត់ ផ្លូវជាតិលេខ១និងផ្លូវជាតិលេខ២ដែលជាច្រកចេញចូលរាជធានីភ្នំពេញផងដែរ។
![](https://asset.ams.com.kh/central/media/2023/11/photo_2023-11-14_20-47-56.jpg)
ស្ពានបេតុងខ្សែកាបកោះនរា កោះពេជ្រ សាងសង់ដោយក្រុមហ៊ុនOCIC មានប្រវែង៨២៤ម៉ែត្រ,ទទឹង ២៤ម៉ែត្រកន្លះ,ចែកចេញជា៤ គន្លង គឺ២គន្លងសំរាប់រថ យន្ត,១គន្លងសំរាប់ម៉ូតូនិងមួយគន្លងទៀត សម្រាប់ អ្នកថ្មើជើងដែលបានបើកដំណើរការសាងសង់កាលពីថ្ងៃទី២៦ តុលា ឆ្នាំ២០២០ ដោយចំណាយលើការសាងសង់ប្រមាណ៣៨លានដុល្លារ ៕
ដោយ៖ ហេង សម្បត្តិ+ថេត វិចិត្រ
![](https://asset.ams.com.kh/central/media/2023/11/photo_2023-11-14_20-48-07-1024x576.jpg)