កំពត៖ ខណៈដែលរដ្ឋបាលខេត្តកំពតកំពុងប្រារព្ធកំពតសង្រ្កាន្ត ទេសចរបរទេសម្នាក់ មកពីប្រទេសម៉ូណាកូបានបង្ហាញ ចំណាប់ អារម្មណ៍សប្បាយរីករាយ ជាមួយកម្មវិធីសង្ក្រាន្តឆ្នាំថ្មី និង ទេស ភាព ខេត្តកំពត ពិសេសរូបសំណាកសេះសមុទ្របាញ់ទឹក ដែល ពួកគេបានបង្ហោះលើបណ្តាយសង្គមតិកតុកបីថ្ងៃមានអ្នកចូលមើលជាងមួយលាននាក់។ភ្ញៀវរូបនេះបានបញ្ជាក់ថា ដោយសារ ស្រឡាញ់កម្ពុជា ពិសេសខេត្តកំពត ពួកគេបានសម្រេចចិត្តពន្យា ពេល ស្នាក់នៅបន្ត។

លោក អាយូ ម៉ាម៉ា មកពីប្រទេសម៉ូណាកូ  បានប្រាប់ថា លោក បានមកកម្ពុជាពីរខែហើយ។តាមគម្រោងត្រូវស្នាក់ នៅ តែមួយសប្តាហ៍ទេប៉ុន្តែលោកបានសម្រេចចិត្តពន្យាពេល ដោយសារលោកស្រឡាញ់កម្ពុជា។លោកបានទៅកម្សាន្តនៅខេត្ត សៀមរាប ចំនួនពីរសប្តាហ៍  ។នៅកោះរ៉ុងខេត្តព្រះសីហនុ ពីរ សប្តាហ៍។ នៅបាត់ដំបងមួយសប្តាហ៍  ។នៅភ្នំពេញ មួយ សប្តាហ៍  និងខេត្តកំពតនេះពីរសប្តាហ៍ ។

អ្នកទេសចររូបនេះបន្តថា តាមពិតទៅលោកត្រូវចាកចេញពី កម្ពុជាកាលពីបីថ្ងៃមុន ។ ប៉ុន្តែមិត្តភក្តិជនជាតិខ្មែរម្នាក់ បាន ប្រាប់ថា ពិធីបុណ្យចូលឆ្នាំថ្មីនឹងចាប់ផ្តើមពីថ្ងៃទី១៣ ខែ មេសា នេះ។ដូច្នេះលោកក៏សម្រេចចិត្តចំណាយពេលចូល ឆ្នាំ នៅខេត្ត កំពតព្រោះនេះជារដូវកាលល្អបំផុតនៅក្នុងឆាកជីវិតរបស់លោក ។ខេត្តកំពតសប្បាយខ្លាំងណាស់ ។ពិសេសនៅរង្វង់មូល ទុរេន មានរថយន្តបាញ់ទឹកឱ្យប្រជាពលរដ្ឋ និងទេសចរលេង សប្បាយ។ គ្រប់គ្នាញញឹមសើចក្អាកក្អាយ គ្មាននរណា ម្នាក់ក្រៀម ក្រំអីទេ ។

លោកបន្តថា នៅពេលលោកបានមកដល់ប្រទេសកម្ពុជា លោក មាន អារម្មណ៍ថា ប្រជាជនកម្ពុជារីករាយគ្មានទុក្ខព្រួយទេ។ មាន សកម្មភាពវិជ្ជមាន គ្មានសកម្មភាពអវិជ្ជមាន។នេះជាហេតុផល ដែលលោកស្រឡាញ់កម្ពុជា ។ដោយឡែករូប សំណាក សេះ សមុទ្រ បាញ់ទឹក លោកបានបង្ហោះក្នុងបណ្តាញសង្គមតិកតុក (TikTok)  ។លោកពិតជាចូលចិត្តរូបនេះ ខ្លាំង ណាស់ ដោយ វាបាន ផ្តល់ នូវភាពវិជ្ជមានជាច្រើន ដែលលោកតែងតែមកធ្វើ សមាធិនៅទីនេះរាល់ព្រឹក។ 

ដោយឡែកទាក់ទងនឹងពិធីបុណ្យចូលឆ្នាំវិញ ថ្ងៃអាទិត្យនេះ ជា ថ្ងៃទី២ នៃបុណ្យចូលឆ្នាំថ្មីប្រពៃណីជាតិខ្មែរ ស្រុកចំនួនពីររបស់
ខេត្តកំពត ក៏ចាប់ផ្តើមធ្វើសង្ក្រាន្តឆ្នាំថ្មីដែរ។គឺស្រុកកំពង់ត្រាច ធ្វើនៅរមណីយដ្ឋានធម្មជាតិភ្នំកំពង់ត្រាច និងស្រុកទឹកឈូ ធ្វើ នៅឆ្នេរខ្សាច់កម្សាន្តកោះស្មៅ  ចាប់ពីម៉ោង ៣ រសៀល ដល់ម៉ោង ៧ យប់៕

អត្ថបទនិងរូបភាព៖សិលា សារិន