គណៈប្រតិភូ ក្រសួងអធិការកិច្ចកម្ពុជាបំពេញទស្សនកិច្ច នៅទីស្នាក់ការចែកចាយហ្គាសធំជាងគេ របស់ ក្រុមហ៊ុន PV Gas ក្នុងប្រទេសវៀតណាម
(វៀតណាម)៖ រសៀលថ្ងៃទី១៤ ខែមិថុនា ឆ្នាំ២០២៤ ឯកឧត្តមរដ្ឋមន្រ្តី ហួត ហាក់ បានដឹកនាំគណៈប្រតិភូជាន់ខ្ពស់ក្រសួងអធិការកិច្ច នៃព្រះរាជាណាចក្រកម្ពុជា អញ្ជើញបំពេញទស្សនកិច្ច នៅទីស្នាក់ការចែកចាយហ្គាសរបស់ក្រុមហ៊ុន PV Gas ដែលជាទីតាំងផ្គត់ផ្គង់ និងចែកចាយឧស្ម័នធំជាងគេនៅក្នុងប្រទេសវៀតណាម ស្ថិតនៅខេត្ត Vung Tau សាធារណរដ្ឋសង្គមនិយមវៀតណាម ។
សូមជម្រាបជូនថា ក្រុមហ៊ុន PV Gas បានបង្កើតឡើងនៅចុងឆ្នាំ១៩៩០ គឺជាក្រុមហ៊ុនផ្គត់ផ្គង់ឧស្ម័នដ៏ធំមួយនៅសាធារណរដ្ឋសង្គមនិយមវៀតណាម ដែលគ្រប់គ្រងដោយរដ្ឋវិនិយោគទៅលើវិស័យឧស្សាហកម្មឧស្ម័ន មានបុគ្គលិកប្រមាណ ៤,២០០នាក់ និងជាក្រុមហ៊ុនបុត្រសម្ព័ន្ធរបស់ក្រុមហ៊ុន Vietnam Oil and Gas Group។
ក្រុមហ៊ុន PV Gas ទទួលបានពានរង្វាន់អន្តរជាតិ ជាសហគ្រាសដែលរកបានប្រាក់ចំណេញល្អបំផុត (Best Profitable Enterprises) ក្នុងឆ្នាំ២០២២ និងបានជាប់ចំណាត់ថ្នាក់ទី២០ ក្នុងចំណោមក្រុមហ៊ុនបោះផ្សាយមូលបត្រដ៏មានកិត្យានុភាព និងប្រសិទ្ធភាពបំផុតទាំង៥០ នៅក្នុងសាធារណរដ្ឋសង្គមនិយមវៀតណាមក្នុងឆ្នាំ២០២៣ ដោយ Vietnam Reporter JSC ៕
ដោយ ៖ ហេង សម្បត្តិ
![](https://asset.ams.com.kh/central/media/2024/06/photo_2024-06-15_11-40-57-1024x662.jpg)
![](https://asset.ams.com.kh/central/media/2024/06/photo_2024-06-15_11-41-18-1024x682.jpg)
![](https://asset.ams.com.kh/central/media/2024/06/photo_2024-06-15_11-41-15-1024x682.jpg)
![](https://asset.ams.com.kh/central/media/2024/06/photo_2024-06-15_11-41-11-1024x682.jpg)
![](https://asset.ams.com.kh/central/media/2024/06/photo_2024-06-15_11-41-05-1024x682.jpg)
![](https://asset.ams.com.kh/central/media/2024/06/photo_2024-06-15_11-41-01-1024x682.jpg)