បំណាក់ដីស្លាប់មនុស្ស ជាង២០នាក់ នៅឥណ្ឌូនេស៊ី
អត្ថបទដោយ៖
លន់ សារ៉ាត
ហ្សាកាតា៖ មន្ត្រីបាននិយាយ កាលពីថ្ងៃអង្គារថា ចំនួនអ្នកស្លាប់ ដោយសារការបាក់ដី នៅក្បែរអណ្តូងរ៉ែមាសខុសច្បាប់មួយ ស្ថិតលើកោះ ស៊ូឡាវ៉េស៊ី (Sulawesi) ភាគកណ្តាល របស់ប្រទេសឥណ្ឌូនេស៊ី បានកើនឡើងដល់ ២៣នាក់ហើយ ខណៈដែល មនុស្ស៣៥នាក់ផ្សេងទៀត បាត់ខ្លួន។
ការបាក់ដីបានវាយប្រហារភូមិដាច់ស្រយាលមួយ ក្នុងស្រុកមួយ នៃទីក្រុង ហ្គូរ៉ន តាឡូ (Gorontalo) កាលពីល្ងាចថ្ងៃសៅរ៍ បន្ទាប់ពីមានភ្លៀងធ្លាក់ខ្លាំង។
![](https://asset.ams.com.kh/central/media/2024/07/photo_2024-07-10_13-34-12-1024x682.jpg)
អណ្តូងរ៉ែ ដែលគ្មានអាជ្ញាប័ណ្ណ មានច្រើន នៅប្រទេសប្រជុំកោះមួយនេះ។ វាជាកន្លែងដែលត្រូវបានគេបោះបង់ចោល ទាក់ទាញអ្នកស្រុក ស្វែងរករ៉ែមាស ដែលនៅសល់ ប៉ុន្តែ គ្មានឧបករណ៍សុវត្ថិភាពត្រឹមត្រូវ។
ឥណ្ឌូណេស៊ីងាយនឹងមានការបាក់ដី ក្នុងរដូវវស្សា ចន្លោះខែវិច្ឆិកា ដល់ខែមេសា ប៉ុន្តែ ខែកក្កដា ដែលស្ថិតក្នុងរដូវប្រាំង ហើយភ្លៀងធ្លាក់ខ្លាំង គឺកម្រ កើតមានណាស់៕
![](https://asset.ams.com.kh/central/media/2024/07/photo_2024-07-10_13-34-11-1024x682.jpg)
ប្រភពពី AFP ប្រែសម្រួល៖ សារ៉ាត
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ