ខេត្តកំពង់ចាម ត្រៀមរៀបចំប្រារព្វពិធីប្រកាសជ័យលាភី ជាខេត្តបញ្ចប់ការបន្ទោបង់ពាសវាលពាសកាល (ODF)
(ខេត្តកំពង់ចាម)៖ នៅរសៀលថ្ងៃទី១៩ ខែកក្កដា ឆ្នាំ២០២៤ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអញ្ជើញដឹកនាំកិច្ចប្រជុំ ស្តីពីការត្រៀមរៀបចំប្រារព្វពិធីប្រកាសជ័យលាភី ខេត្តកំពង់ចាម ជាខេត្តបញ្ចប់ការបន្ទោបង់ពាសវាលពាសកាល (ODF) ដែលកិច្ចប្រជុំធ្វើឡើងនៅសាលាខេត្តកំពង់ចាម។
ក្នុងកិច្ចប្រជុំនេះ ឯកឧត្តម អភិបាលខេត្ត ក៏បានលើកយកសំណើរបស់អាជ្ញាធរស្រុកបាធាយ និងស្រុកកងមាស ទាក់ទិននិងការរៀបចំទូកបន្ថែមដើម្បីចម្លងសិស្សា និងប្រជាពលរដ្ឋ ខណៈជំនន់ទឹកភ្លៀងបាននឹងកំពុងហក់ឡើងយ៉ាងគំហុក បណ្តាលឲ្យលិចទំនប់បង់ហៀរ (ស្ទឹងឆ្វេង) ដែលជាព្រំប្រទល់រវាងស្រុកទាំងពីរខាងលើ។
ឯកឧត្តម អ៊ុន ចាន់ដា អភិបាលខេត្ត បានដាក់ចេញនូវវិធានការណែនាំដល់អាជ្ញាធរ និងអ្នកពាក់ព័ន្ធ ត្រូវរៀបចំទូកបន្ថែម និងកំណត់ចំនួនអ្នកជិះឲ្យបានជាក់លាក់ ជៀសវាងនៅពេលប្រជាពលរដ្ឋ និងសិស្សានុសិស្ស ធ្វើដំណើរច្រើនលើកចំណុះដែលអាចនឹងបង្ករឲ្យមានហានីភ័យកើតឡើងជាយថាហេតុ ៕
លី ពៅ
