លោកជំទាវ លឹម មួយស្រៀន នួនផារ័ត្ន នាំយកនំ សម្ភារៈសិក្សា និងថវិកាទៅផ្ដល់ជូនបុរីកុមារកំព្រាខេត្តកំពង់ធំ
កំពង់ធំ៖លោកជំទាវ លឹម មួយស្រៀន នួនផារ័ត្ន លោកស្រី លំ គន្ធារី អភិបាលរងខេត្តកំពង់ធំ និងក្រុមការងារខេត្តកំពង់ធំ បានអញ្ជើញសួរសុខទុក្ខកុមារកំព្រាដែលកំពុងរស់នៅបុរីកុមារខេត្តកំពង់ធំ ស្ថិតនៅភូមិអាចារ្យលាក់ សង្កាត់អាចារ្យលាក់ ក្រុងស្ទឹងសែន ខេត្តកំពង់ធំ នៅថ្ងៃទី២៦ ខែកញ្ញា ឆ្នាំ២០២៤។
វត្តមាននៅពេលនោះលោកជំទាវ លឹម មួយស្រៀន នួនផារ័ត្ន បាននាំយកនំធុង នំកញ្ចប់ សម្ភារៈសិក្សានិងថវិកាមួយចំនួនទៅផ្ដល់ជូនដល់កុមារកំព្រា ក្នុងឱកាសបុណ្យកាន់បិណ្ឌ ។
លោក ភិន រ៉ាមីន ប្រធានបុរីកុមារខេត្តកំពង់ធំ បានឱ្យដឹងថា បុរីកុមារកំព្រាខេត្តមាន កុមារកំព្រាចំនួន៤៦នាក់ និងបុគ្គលិកបម្រើការនៅមណ្ឌលចំនួន៦នាក់ ។លោកបានថ្លែងអំណរគុណដល់លោកជំទាវ លឹម មួយស្រៀន នួនផារ័ត្ន លោកស្រី លំ គន្ធារីនិងក្រុមការងារខេត្តដែលបានគិតគូដល់បុរីកុមារខេត្តកំពង់ធំពិសេសក្នុងឱកាសបុណ្យភ្ជុំបិណ្ឌនាពេលខាងមុខនេះ៕
ដោយ៖ប៊ុនរដ្ឋា
