កម្លាំងតំបន់ប្រតិបត្តិការសឹករងកំពង់ឆ្នាំង បន្តសកម្មភាពចុះបង្ក្រាបបទល្មើសនេសាទនៅក្នុងបឹងទន្លេសាប ក្នុងភូមិសាស្ត្រខេត្តកំពង់ឆ្នាំង
(កំពង់ឆ្នាំង)៖ ឯកឧត្តមឧត្តមសេនីយ៍ត្រី អ៊ុ សុភា មេបញ្ជាការ តំបន់ប្រតិបត្តិការសឹករងកំពង់ឆ្នាំងបានដឹកនាំនាយទាហានពលទាហាន សហការជាមួយ យោធភូមិភាគទី៥, កងពលតូចលេខ៧០, បញ្ជាការដ្ឋានទ័ពពិសេស៩១១ និងកងពលតូចអន្តរាគមន៍លេខ១ សរុបចំនួន ១៥២នាក់ កាណូតបាឡាស្មាច់ ២៦គ្រឿង អូប័រ ០៣គ្រឿង ប្រើប្រាស់សាំង ៦៨០លីត្រ ប្រេងម៉ាស៊ូត ៨០លីត្រ ចេញបង្ក្រាបបទល្មើសនេសាទ ក្នុងភូមិសាស្ត្រភូមិចុងកោះ សង្កាត់ផ្សារឆ្នាំង ក្រុងកំពង់ឆ្នាំង, និងចំណុចបាយក្រៀម, ឃុំកំពង់ហាវ ស្រុកកំពង់លែង, ភូមិឆ្នុកទ្រូ ឃុំឆ្នុកទ្រូ ស្រុកបរិបូណ៌, ភូមិពាមឆ្កោក ឃុំពាមឆ្កោក, ឃុំជលសារ ស្រុកជលគីរី និង ឃុំគោលបន្ទាយ ស្រុករលាប្អៀរ ខេត្តកំពង់ឆ្នាំង។
ក្នុងប្រតិបត្តិការបង្ក្រាបបទល្មើសនេសាទខាងលើនេះ កម្លាំងសមត្ថកិច្ចយើងបាន បំផ្លាញចោលវត្តុតាងចំនួន ២១ទីតាំង.កម្ទេចកំប្លោកលើសម្រាស់ចំនួន ០៧
កន្លែងមាន ទំហំ ៥៦,៦០០ម៉ែត្រការ៉េ សាច់ស្បៃមុងចំនួន ២៥០ម៉ែត្រ.សាច់ឡុក ១៧ឡុក ស្មើរ៣,៣៥០ម៉ែត្រ របាំងប្រវែង២,៣០០ម៉ែត្រ.បង្គោល ៩០ដើមនិងចាក់លែងកូនត្រីចម្រុះចូលដែរនេសាទវិញចំនួន ៤០គីឡូក្រាម.អប់រំប្រជាពលរដ្ឋ ០៤នាក់និង.ធ្វើកិច្ចសន្យា ចំនួន ០៣នាក់ផងដែរ៕
សុខ ៖ គឹមសៀន
