បរទេស ៖ ការរញ្ជួយដីកម្រិត ៦.២ រ៉ិចទ័រ បានអង្រួនទីក្រុងដ៏ធំបំផុត របស់ប្រទេសទួកគី បណ្តាលឲ្យអ្នកស្រុក ដែលមានការភ័យស្លន់ស្លោ រត់ទៅតាមផ្លូវនានា កាលពីល្ងាចថ្ងៃពុធ។

រដ្ឋមន្ត្រីក្រសួងមហាផ្ទៃ បាននិយាយថា «ការរញ្ជួយដីបានកើតឡើង នៅសមុទ្រ Marmara នៃទីក្រុង អ៊ីស្តង់ប៊ុល»។

រដ្ឋមន្ត្រីរូបនេះ បាននិយាយទៀតថា បន្ទាប់ពីមានការញ្ជួយ ៦.២រ៉ិចទ័រ ក៏មានការរញ្ជួយដីជាង១២០ដងទៀត ដែលខ្លះ មានកម្លាំងខ្លាំង ទោះបីជាមិនមានរបាយការណ៍ អំពីការខូចខាត ឬ របួសធ្ងន់ធ្ងរ ក៏ដោយ។

លោក Cetin Emluk អ្នកនេសាទម្នាក់ បាននិយាយថា «ខ្ញុំមិនមានការភ័យខ្លាចទេ ប៉ុន្តែ មានការភ័យខ្លាច ជាទូទៅ ក្នុងចំណោមប្រជាជន»៕

ប្រភពពី AFP ប្រែសម្រួល៖ សារ៉ាត