កំពត៖ឯកឧត្តម ជាវ​​ តាយ អភិបាលខេត្តកំពត បានមានប្រសាស៍  លើកឡើងថាៈខេត្តកំពតនឹងរៀបចំប្រារពមីទ្ទិញ អបអរសាទរខួបលើកទី១៥៦ នៃទិវាពិភពលោក អឌ្ឍច័ន្ទក្រហម ៨ ឧសភា ២០១៩ នៅថ្ងៃទី  ៣  ខែ  ឧសភា ឆ្នាំ២០១៩នៅពេលខាងមុខនេះ។ ការប្រារពនេះ  រៀបចំធ្វើឡើងនៅសាលសន្និសិត  របស់សាលាខេត្តដូច្នេះយើងប្រជុំនេះដើម្បីពិនឹត្យពិភាក្សា លើសេចក្តីសំរេច ក្នុងការបង្កើតគណៈកម្មការ  អនុគណៈកម្មកា  អោយបានកើតឡើងសម្រាប់អនុវតន៍ការងារបន្តទៀត អោយ មានប្រសិទ្ធិភាព ។ ការលើកឡើងនេះធ្វើឡើង នៅថ្ងៃ  ទី២៤ខែមេសា នៅសាលប្រជុំ  ក្រុមប្រឹក្សា សាលាខេត្តកំពតដែលមានវត្តមានចូលរួម  ឯកឧត្តម  លោកជំទាវ  អស់លោកលោកស្រី  ដែលជាមន្ត្រីពាក់ពាន់ចូលរួមសរុបចំនួន៦០នាក់។ ឯកឧត្តមបានបន្តថា ថវិការក្នុងឆ្នាំ២០១៨ នោះយើងបានប្រមូលនឹងគៀងគអំពីសប្បុរសជននានា ដែលស្ម័គ្រចិត្ត បានចំនួន ៤០ម៉ឺនដុល្លា  តែនៅក្នុងឆ្នំា  ២០១៩នេះ ឯកឧត្តមបានសុំអោយ ប្រធានសាខា និង អនុសាខា  ខេត្តប្រធានសាខា  អនុសាខា  ក្រុង-ស្រុក  ទាំងប្រាំបី ធ្វើយ៉ាងណា  ខិតខំប្រឹងប្រែង ប្រមូលគៀងគរថវិការ  ដល់សប្បុរសជននានា ទាំងក្នុងទាំងក្រៅប្រទេសអោយបាន ៦០ម៉ឺនដុល្លា ទាបបំផុតក៏បាន ៥០ម៉ឺនដុល្លាដែរ សម្រាប់ត្រៀមការពារ ក្នុងពេលដែល ប្រជាពលរដ្ឋយើង ជួបប្រទះគ្រោះមហន្តរាយផ្សេងៗជាយថាហេតុប៉ុន្តែ  ឯកឧត្តមមិនបានបង្ខំទេ គ្រាន់តែសុំអោយ យើងចេះរួមគ្នាដើម្បីអនុវត្តន៍ការងារនេះអោយបានជោគជ័យ​។  ឯកឧត្តមបន្តថា នៅខេត្តផ្សេងមានគ្រោះមហន្តរាយកើតឡើងច្រើន ដោយឡែកទីតាំងខេត្តកំពតវិញគឺកើតតិចតួចបំផុត ហើយបើប្រជាពលរដ្ឋរងគ្រោះនោះ  សាខាកាកបាទក្រហមយើង បានចុះទៅដល់តែម្តង  ដើម្បីធ្វើសកម្មភាពអោយបានទាន់ពេលវេលា ៕ Sila.Sarin