អឺរ៉ុប៖ ប្រធានាធិបតីសហរដ្ឋអាម៉េរិក លោក ដូណាល់ ត្រាំ នឹងជួបពិភាក្សាការងារជាមួយ ក្រុមមេដឹកនាំអង្គការណាតូ សម្រាប់កិច្ចប្រជុំដ៏ផុយស្រួយមួយ នៅឯជំនួបកំពូលក្នុង ទីក្រុងព្រុចសែល ប្រទេសប៊ែលហ្ស៊ិក នៅក្នុងថ្ងៃពុធ នេះ។ មុនដំណើរទស្សនកិច្ចរបស់ខ្លួន លោក ដូណាល់ ត្រាំ បានបង្ហាញនូវប្រតិកម្មយ៉ាងខ្លាំងចំពោះសហភាពអឺរ៉ុប ពាក់ព័ន្ធនឹងបញ្ហាពាណិជ្ជកម្មទៅលើប្រទេសសម្ព័ន្ធមិត្តអង្គការណាតូ សម្រាប់ការខកខានចំណាយលុយគ្រប់គ្រាន់ទៅលើវិស័យការពារជាតិ។