គ្រូបង្វឹកអន្តរជាតិផ្នែកកីឡាការាតេ បានពិនិត្យគុណភាពបច្ចេកទេសការាតេរបស់កម្ពុជាដោយចាត់ទុកថាស្ថិត នៅកម្រិតទាបនៅឡើយ និងចាំបាច់ត្រូវកែទម្រង់ដើម្បីឆ្ពោះទៅរកជ័យជម្នះក្នុងកីឡាស៊ីហ្គេមឆ្នាំ២០២៣ដែល កម្ពុជាធ្វើជាម្ចាស់ផ្ទះ។

 កម្ពុជាបានជ្រើសរើសគ្រូបង្វឹងជនជាតិអ៊ីរ៉ង់លោក Hassan និងគ្រូជប៉ុន លោក Shoki Toyarma ដើម្បីពង្រឹង សមត្ថភាពកីឡាករកម្ពុជាសម្រាប់ការត្រៀមចូលរួមប្រកួតស៊ីហ្គេម លើកទី៣១នៅវៀតណាម នាចុងឆ្នាំ២០២១ និងការត្រៀមឆ្ពោះទៅកីឡាស៊ីហ្គេមលើកទី៣២ ឆ្នាំ២០២៣។

យោងតាមអគ្គលេខាធិការ សហព័ន្ធកីឡាការ៉ាតេកម្ពុជា លោកវ៉ាត់ ចំរើន គ្រូបង្វឹកជាតិអ៊ីរ៉ង់ លោក Hassan គឺជា អ្នកធ្លាប់បង្ហាត់ក្រុមកីឡាករកីឡាការិនីវៀតណាម៤ឆ្នាំ ដែលធ្វើឲ្យវៀតណាម អាចដណ្តើមមេដាយដល់កម្រិត ពិភពលោក។ លោក វ៉ាត់ ចំរើន បានថ្លែងថាគេកំពុងខិតខំរកយុទ្ធសាស្រ្តពិសេស ដើម្បីពង្រឹង បច្ចេកទេស កីឡាការាតេ ឲ្យកាន់រឹងមាំ ដោយក្តីសង្ឃឹមលើគ្រូអន្តរជាតិពីររូបនោះ៕