សេចក្តីរាយការណ៍បានបញ្ជាក់អោយដឹងថា ហេតុការណ៍គ្រោះធម្មជាតិខ្យល់កន្រ្តាក់នោះបានកើតឡើងកាលពីវេលា​ម៉ោង​១២​ថ្ងៃត្រង់ ថ្ងៃទី៣០ ខែមីនា ឆ្នាំ២០២១ នៅភូមិទួលប្រាសាទ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ។ យោងតាមរបាយការណ៍របស់ អធិការនគរបាលស្រុកម៉ាឡៃ លោកវរសេនីយ៍ឯក បេន សំអាត បានអោយដឹងថា គ្រោះធម្ម​ជាតិ​ខ្យល់​កន្រ្តាក់បានបំផ្លាញផ្ទះមួយខ្នងខូចខាតទាំងស្រុងធ្វើអំពីឈើប្រក់ស័ង្កសី ជញ្ជាំងស័ង្កសី សង់ជាប់នឹងដី មានទំហំ ៤ម៉ែត្រ គុណនឹង ៥ម៉ែត្រ ត្រូវបានដួលរលំរមូរចូលគ្នានិងបណ្តាលអោយស្រ្តីម្នាក់រងរបួសធ្ងន់ឈ្មោះ រី អាយុ ៥៣ ឆ្នាំ ខណៈ​ពេល​ជនរងគ្រោះកំពុងនៅក្នុងផ្ទះ និងត្រូវបានកម្លាំងសមត្ថកិច្ច ដឹកយកទៅព្យាបាលនៅមន្ទីរ​ពេទ្យ។​ក្រសួងធនធានទឹក​និង​ឧតុនិយម បាន ដាស់តឿន​ប្រជាពលរដ្ឋទាំងអស់ត្រូវប្រុងប្រយ័ត្ន ចំពោះបាតុ​ភូតផ្គររន្ទះ និងខ្យល់កន្រ្តាក់ក្នុង​សប្តាហ៍នេះ៕