ក្រុម Real Madrid មិនអាចឡើងទៅឈរកំពូលតារាង ក្រោយបានត្រឹមស្មើ Sevilla នៅ La Liga កាលពីយប់មិញ
ក្រុម Real Madrid លេងបានត្រឹមស្មើជាមួយក្រុម Sevilla ក្នុងលទ្ធផល ២-២ សម្រាប់ការប្រកួតពានរង្វាន់ La Liga កាលពីយប់មិញ នៅកីឡដ្ឋាន Alfredo Di Stefano ។ កីឡាករ Fernando ជាអ្នករកគ្រាប់បាល់នាំមុខឱ្យក្រុម Sevilla មុននៅនាទី២២ មុនពេល Marco Asensio រកគ្រាប់បាល់តាមស្មើវិញ នៅនាទី៦៧ ។ ការប្រកួតឈានដល់នាទី៧៨ Ivan Rakitic មានឱកាសទាត់បាល់១១ម៉ែត្រ ១គ្រាប់នាំមុខលើក្រុមម្ចាស់ផ្ទះ Real Madrid ជាថ្មីទៀត ។ ប៉ុន្តែខ្សែប្រយុទ្ធ Eden Hazard បានរកបានគ្រាប់បាល់ចុងម៉ោង នៅនាទី៩០+៤ ជួយ Real Madrid តាមស្មើវិញ ។
គួរអោយដឹងថា លទ្ធផលនេះ បានធ្វើឱ្យក្រុម Real Madrid បន្តឈរលេខ២ ក្នុងតារាង La Liga ដដែល ដោយមាន៧៥ពិន្ទុ ។ ស្របពេលក្រុមលេខ១ Atletico Madrid មាន៧៧ពិន្ទុ។ ការប្រកួតនៅសល់៣ប្រកួតទៀតនឹងបញ្ចប់រដូវកាលនេះហើយ ៕