កូវីដ៖ អាស៊ានស្លាប់មនុស្ស ធ្លាក់ចុះយ៉ាងខ្លាំង
ចំនួនមនុស្សស្លាប់ដោយសារតែជំងឺកូវីដ១៩ នៅបណ្តាប្រទេសនៃសមាគមអាស៊ានបានធ្លាក់ចុះគួរឲ្យកត់សម្គាល់។ របាយការណ៍បង្ហាញថា ចំនួនមនុស្សស្លាប់ព្រោះកូវីដ១៩ ក្នុងប្រទេសអាស៊ានទាំង១០ កាលពីថ្ងៃទី២៤ កញ្ញា ម្សិលមិញ មានត្រឹម៦៩០នាក់ ធ្លាក់ចុះច្រើន បើធៀបនឹងកាលពីថ្ងៃទី២៣ កញ្ញា មាន១២៩២នាក់។
សរុបអ្នកស្លាប់ដោយសារកូវីដ១៩ ក្នុងប្លុកអាស៊ាន បានកើនដល់ ២៥៧,៣០៦នាក់ហើយ។ ម្សិលមិញនេះ ប្រទេសដែលមានអ្នកស្លាប់ច្រើនជាងគេ គឺវៀតណាម ជាង២០០នាក់ ខណៈលេខ២គឺម៉ាឡេស៊ី ១៦៦នាក់ និងលេខ៣គឺឥណ្ឌូនេស៊ី ១៤៤នាក់ និងលេខ៤ គឺថៃ ១៣២នាក់ ខណៈប្រទេសដែលគ្មានស្លាប់ម្សិលមិញ គឺហ្វីលីពីន និងឡាវ។
ចំនួនឆ្លងសរុបវិញ ម្សិលមិញ មាន៦១,៨៤០នាក់ ខ្ពស់ជាងម្សិលមិញម្ងៃបន្តិច ខណៈអាស៊ានមានអ្នកកើតកូវីដ១៩ សរុប កើនដល់ ១១.៧៧លាននាក់ហើយ ប្រទេសមានឆ្លងច្រើនជាងគេ គឺឥណ្ឌូនេស៊ី បន្ទាប់មក ហ្វីលីពីន និងម៉ាឡេស៊ី៕ ប្រភពពី The Nation
