កិច្ចប្រជុំកំពូលអាស៊ី-អឺរ៉ុប ASEM លើកទី១៣ចាប់ផ្តើមថ្ងៃព្រហស្បតិ៍នេះ (Video Inside)
កិច្ចប្រជុំកំពូលអាស៊ី-អឺរ៉ុប ASEM លើកទី១៣ ដែលកម្ពុជានឹងធ្វើជាម្ចាស់ផ្ទះ នឹងត្រូវចាប់ផ្តើមចាប់ពីថ្ងៃស្អែកនេះ ហើយ រយៈពេល២ថ្ងៃតាមរយៈប្រព័ន្ធវីដេអូ។ កិច្ចប្រជុំកំពូល ASEM លើកទី១៣ ត្រូវបានលើកពេលយ៉ាង ហោច២ដងរួចមកហើយដោយសារតែវិបត្តិកូវីដ-១៩។ កិច្ចប្រជុំកំពូលអាស៊ីអឺរ៉ុបលើកទី១៣នេះ បានលើកពេល ពីចុងឆ្នាំ ២០២០ មកពាក់កណ្តាលឆ្នាំ២០២១ និងបន្តលើកមកចុងឆ្នាំ២០២១។
សម្តេចអគ្គមហាសេនាបតីតេជោ ហ៊ុន សែន នឹងអញ្ជើញជាអធិប តីដឹកនាំកិច្ចប្រជុំកំពូលនេះ ដោយមានការចូលរួមពីប្រមុខរដ្ឋ, នាយករដ្ឋមន្ត្រី និងអ្នកតំណាងជាន់ខ្ពស់របស់ប្រទេសដៃគូ ASEM ទាំង ៥១ មកពីអាស៊ី និងអឺរ៉ុប, ប្រធានក្រុមប្រឹក្សាអឺរ៉ុប, ប្រ ធានគណៈកម្មការអឺរ៉ុប និងអគ្គលេខាធិការអាស៊ាន។ កិច្ចប្រជុំកំពូលASEM លើកទី១៣ នឹងស្ថិតក្រោមមូលបទ «ការពង្រឹងពហុភាគីនិយមដើម្បីកំណើនរួមគ្នា»៕