បន្ទាប់នីការ៉ាហ្គ័រផ្លាស់ប្ដូរជំហរការទូត អាមេរិកហាក់បីមានទំនោរកណ្ដាលឆ្ពោះទៅរកចិន
ការដាក់ទណ្ឌកម្មរបស់សហរដ្ឋអាមេរិក ទៅលើមន្ត្រីនៃបណ្ដាប្រទេសនៅតំបន់អាមេរិកកណ្ដាល បានធ្វើប្រទេសចិនក្លាយជាដៃគូដ៏ទាក់ទាញមួយសម្រាប់រដ្ឋាភិបាលទាំងនេះខណៈពេលដែលពួកគេទប់ទល់នឹងវិធានការទណ្ឌកម្មសេដ្ឋកិច្ចនានារបស់សហរដ្ឋអាមេរិក។
ទិសដៅនេះលេចរូបរាងឡើងកាន់តែខ្លាំងជាងមុនកាលពីសប្ដាហ៍មុន នៅពេលដែលប្រទេសនីការ៉ាហ្គ័របានបង្កើតទំនាក់ទំនងការទូតជាមួយសាធារណរដ្ឋប្រជាមានិតចិន ហើយផ្ដាច់ទំនាក់ទំនងការទូតជាមួយសម្ព័ន្ធមិត្តអាមេរិកនោះគឺកោះតៃវ៉ាន់វិញ។
ការសម្រេចចិត្តរបស់នីការ៉ាហ្គ័រក្នុងការទទួលយកប្រទេសចិន បានកើតឡើងបន្ទាប់ពីការដាក់ទណ្ឌកម្មជាបន្តបន្ទាប់ទៅលើរដ្ឋាភិបាលលោកប្រធានាធិបតីដានីយ៉ែល អ័រតេហ្គា ក្រោយពីជ័យជម្នះរបស់លោកក្នុងការបោះឆ្នោតមួយដែលពោរពេញទៅដោយការចាប់ខ្លួនក្រុមប្រឆាំង។
ប្រទេសដទៃទៀតនៅតំបន់នេះក៏កំពុងងាកទៅរកប្រទេសចិនផងដែរ។ កាលពីដើមឆ្នាំនេះ ប្រធានាធិបតីអែលសាល់វាឌ័រលោកណាយីប ប៊ូគីឡេ បានអនុម័តកិច្ចព្រមព្រៀងសហប្រតិបត្តិការសេដ្ឋកិច្ចថ្មីរបស់ប្រទេសលោកជាមួយប្រទេសចិនដែលក្នុងនោះរួមមានការវិនិយោគចំនួន ៥០០ លានដុល្លារ «ដោយគ្មានលក្ខខណ្ឌ»។ កិច្ចព្រមព្រៀងនេះធ្វើឡើង បន្ទាប់ពីសហរដ្ឋអាមេរិកដាក់ទីប្រឹក្សាជាន់ខ្ពស់របស់លោកមួយចំនួនក្នុងបញ្ជីខ្មៅជុំវិញការចោទប្រកាន់អំពើពុករលួយ។ នៅសប្ដាហ៍នេះលោកប៊ូគីឡេបានចោទប្រកាន់សហរដ្ឋអាមេរិកថាទាមទារ «ការចុះដាច់ខាត ឬការបរាជ័យ»។
ទណ្ឌកម្មអាមេរិករួមមានការលុបទិដ្ឋាការ រហូតដល់ទណ្ឌកម្មហិរញ្ញវត្ថុ ដែលកាត់ផ្ដាច់គោលដៅពីប្រព័ន្ធធនាគារពិភពលោក។ សម្រាប់អែលសាល់វាឌ័រ ក៏កំពុងរៀបចំការចោទប្រកាន់ព្រហ្មទណ្ឌប្រឆាំងនឹងសម្ព័ន្ធមិត្តជាន់ខ្ពស់របស់លោកប៊ូគីឡេ ចំនួនពីរនាក់ផងដែរ៕
ប្រភព៖ Reuters
