ការលក់រថយន្តរបស់ក្រុមហ៊ុន GM កើនឡើង ២.៥ភាគរយក្នុងឆ្នាំ ២០២២
តំណាងចែកចាយរបស់ក្រុមហ៊ុន General Motors Co. (GM) របស់សហរដ្ឋអាមេរិក លក់រថយន្តថ្មីបានចំនួន ២,២៧៤,០៨៨គ្រឿងក្នុងឆ្នាំ២០២២ កើនឡើង ២.៥ភាគរយ បើធៀបនឹងឆ្នាំមុន មានចំនួន ២,២១៨,២២៨គ្រឿង។
![](https://asset.ams.com.kh/central/media/2023/01/photo_2023-01-05_13-01-56-1024x678.jpg)
តួយ៉ាង ការលក់រថយន្ត Chevy បានកើនឡើង ៦ភាគរយពីមួយឆ្នាំទៅមួយឆ្នាំ។ ចំណែកការលក់រថយន្ត Cadillac កើនឡើង ១៤ភាគរយ និងរថយន្ត GMC ការលក់ក៏កើនឡើង ៧ភាគរយផងដែរ។ ទោះជាយ៉ាងណាក៏ដោយ ការលក់របស់រថយន្ត Buick បានធ្លាក់ចុះ ៤២ភាគរយ។
![](https://asset.ams.com.kh/central/media/2023/01/photo_2023-01-05_13-01-57-1024x614.jpg)
ក្រុមហ៊ុនផលិតរថយន្តរបស់សហរដ្ឋអាមេរិកមួយនេះ ក៏បានលក់រថយន្តប្រភេទភីកអាប់រហូតដល់ ១.១លានគ្រឿងផងដែរ ក្នុងនោះរួមមានប្រភេទរថយន្តភីកអាប់ខ្នាតមធ្យម និងរថយន្តប្រភេទ SUV នៅឆ្នាំ២០២២។ នៅក្នុងត្រីមាសទី៤ ឆ្នាំ២០២២ តំណាងចែកចាយនៅសហរដ្ឋអាមេរិករបស់ក្រុមហ៊ុន GM លក់រថយន្តថ្មីបានចំនួន ៦២៣,២៦១គ្រឿង កើនឡើង ៤១ភាគរយ បើធៀបនឹងរយៈពេលដូចគ្នាកាលពីឆ្នាំមុន ដែលមានត្រឹមតែ ៤៤០,៧៤៥គ្រឿង។
![](https://asset.ams.com.kh/central/media/2023/01/photo_2023-01-05_13-01-59.jpg)
គួរបញ្ជាក់ថា ក្រុមហ៊ុន Toyota Motor Corp. លក់រថយន្តបានចំនួន ២.១លានគ្រឿងនៅសហរដ្ឋអាមេរិកក្នុងឆ្នាំ ២០២២ តួលេខនេះបានធ្លាក់ចុះ ១០ភាគរយ បើធៀបនឹងការលក់របស់ខ្លួនក្នុងឆ្នាំ ២០២១។ ប្រការនេះ នាំឱ្យក្រុមហ៊ុន GM ឡើងគ្រងតំណែងជាក្រុមហ៊ុនផលិតរថយន្ត ដែលលក់ដាច់បំផុតនៅសហរដ្ឋអាមេរិក ពីក្រុមហ៊ុនផលិតរថយន្តជប៉ុន បន្ទាប់ពីធ្លាក់ចេញពីតំណែងនេះកាលពីឆ្នាំ ២០២១៕
![](https://asset.ams.com.kh/central/media/2023/01/photo_2023-01-05_13-02-01.jpg)
![](https://asset.ams.com.kh/central/media/2023/01/photo_2023-01-05_13-02-00-1024x576.jpg)
ប្រភព៖ ស៊ីនហួរ ប្រែសម្រួលដោយ៖ បុត្រា