កណ្តាល៖ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល នៅយប់ថ្ងៃទី១៦ ខែមករា ឆ្នាំ២០២៣នេះ បានដឹកនាំកងកម្លាំង ចុះត្រួតពិនិត្យទាំងយប់ជាបន្ទាន់ ខណៈទឹកហូរបុកខ្លាំងធ្វើឲ្យបាក់ច្រាំង ខូចខាត និងបាត់បង់ផ្ទះសម្បែងនៅតាមព្រែកថី សង្កាត់រកាខ្ពស់ ក្រុងតាខ្មៅ ខេត្តកណ្តាល។

ក្នុងការចុះត្រួតពិនិត្យនេះលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានមានប្រសាសន៍ “ណែនាំឲ្យពលរដ្ឋរើសម្ភារ ចាកចេញពីកន្លែងកំពុងប្រឈម បាក់ស្រុត និងប្រយ័ត្នចំពោះគ្រួសារមានកូនតូចៗ ឱពុកម្តាយចាស់ៗ ហាមពួកគាត់ទៅមើលក្បែរកន្លែងបាក់ស្រុត ” ៕ ឆ ដា