កូនស្រីរបស់លោក ថាក់ស៊ីន ធ្វើយុទ្ធនាការ ក្នុងនាមគណបក្សប្រឆាំង
បាងកក៖ កូនស្រីរបស់លោកថាក់ស៊ីន អតីតនាយករដ្ឋមន្ត្រីថៃ គឺលោកស្រី ប៉េតុងតាន ស៊ីនណាវ៉ាត្រា (Paetongtarn Shinawatra) ធ្វើយុទ្ធនាការសម្រាប់គណបក្សប្រឆាំង។
លោកស្រី ប៉េតុងតាន ស៊ីនណាវ៉ា ដោយមានផ្ទៃពោះប្រាំបីខែ កូនស្រីរបស់មហាសេដ្ឋីថៃ ថាក់ស៊ីន ស៊ីណាវ៉ាត្រា បានធ្វើយុទ្ធនាការសម្រាប់គណបក្សប្រឆាំងដ៏សំខាន់របស់គណបក្សភឿថៃ ខណៈដែលអាជ្ញាធរបានបញ្ជាក់ក្នុងសប្តាហ៍នេះ ការបោះឆ្នោតសកលរបស់ប្រទេសថៃ ដែលនឹងធ្វើឡើង នៅថ្ងៃទី ១៤ ខែឧសភា។
គណបក្សភឿថៃត្រូវបានគេរំពឹងថា នឹងដាក់ឈ្មោះលោកស្រី ប៉េតុងតាន ជាបេក្ខជនម្នាក់ក្នុងចំណោមបេក្ខភាពនាយករដ្ឋមន្ត្រីរបស់ខ្លួន។ លោកស្រីកំពុងឈរជើងក្នុងការបោះឆ្នោតខ្ពស់ ប៉ុន្តែ ប្រហែលជាពិបាកក្នុងការទទួលបានតំណែងជានាយករដ្ឋមន្ត្រី ដោយសារតែរដ្ឋធម្មនុញ្ញ ឆ្នាំ២០១៧ សរសេរដោយរបបយោធារបស់ប្រទេសថៃ អនុគ្រោះដល់បេក្ខជនដែលគាំទ្រដោយកងទ័ព។
ការបោះឆ្នោតទូទៅរបស់ប្រទេសថៃនឹងធ្វើឡើង នៅថ្ងៃទី ១៤ ខែឧសភា បើតាមអាជ្ញាធរបានបញ្ជាក់ កាលពីថ្ងៃអង្គារ សប្តាហ៍នេះ ខណៈដែលនាយករដ្ឋមន្ត្រីថៃ Prayut Chan-O-Cha ដែលកំពុងប្រឈមមុខនឹងការព្យាយាមបន្តការគ្រប់គ្រងជិតមួយទសវត្សរ៍ នៃការគ្រប់គ្រងដោយកងទ័ព។
អតីតមេទ័ព ប្រាយុទ្ធ ដែលបានឡើងកាន់អំណាចក្នុងរដ្ឋប្រហារឆ្នាំ ២០១៤ ប្រឈមមុខនឹងការប្រយុទ្ធដ៏ស្វិតស្វាញប្រឆាំងនឹងគណបក្សប្រឆាំងដ៏សំខាន់ ដែលប្រឈមមុខនឹងកូនស្រីរបស់មហាសេដ្ឋីអតីតនាយករដ្ឋមន្ត្រីថាក់ស៊ីន ស៊ីណាវ៉ាត្រា។ យុទ្ធនាការមិនផ្លូវការ បានដំណើរការអស់រយៈពេលជាច្រើនសប្តាហ៍ ដោយភាគីនានាផ្តោតលើបញ្ហាសេដ្ឋកិច្ច ខណៈដែលពួកគេស្វែងរកការគាំទ្រពីអ្នកបោះឆ្នោតចំនួន ៥២ លាននាក់ របស់ប្រទេសថៃ៕
ប្រភពពី AFP ប្រែសម្រួលដោយ៖ សារ៉ាត