ភ្នំពេញ ៖ លោក Toby Waterson នាយកសាលាអន្តរជាតិ Shrewsbury ភ្នំពេញ បានឱ្យដឹងថា កម្មវិធីប្រឡងយកអាហារូបករណ៍ ដែលរៀបចំដោយសាលាអន្តរជាតិ Shrewsbury ភ្នំពេញ គឺជាឱកាស មួយសម្រាប់កុមារក្នុងប្រទេសកម្ពុជា ដើម្បីបង្ហាញទេពកោសល្យរបស់ពួកគេក្នុងវិញ្ញាសាផ្សេងៗ ។ កម្មវិធីនេះមានគោលបំណងដើម្បីកំណត់អត្តសញ្ញាណកុមារពិសេសដែលមានសមត្ថភាព និងសក្តានុពលពិសេស ហើយផ្តល់ឱ្យពួកគេនូវឱកាសដើម្បីបន្តក្តីសុបិនរបស់ពួកគេ តាមរយៈការអប់រំលំដាប់ពិភពលោក ។

លោកបានបន្តថា៖ « ការចែករំលែកពីអាណាព្យាបាលសិស្សដូចជា ឆវី បានបង្ហាញពីភាពវិជ្ជមានរបស់សាលាអន្តរជាតិ Shrewsbury ភ្នំពេញ និងបានបង្ហាញពីសមត្ថភាពរបស់សិស្ស ក្នុងនាមជាសាលាអន្តរជាតិលំដាប់ខ្ពស់មួយមកពីចក្រភពអង់គ្លេស ធ្វើឱ្យវាក្លាយជាជម្រើសកំពូលសម្រាប់គ្រួសារដែលស្វែងរកការអប់រំដែលមានគុណភាពខ្ពស់ ។

សាលាអន្តរជាតិ Shrewsbury ភ្នំពេញ នឹងប្រកាសអំពីថ្ងៃប្រឡង និងការវាយតម្លៃសម្រាប់អាហារូបករណ៍ដែលប្រព្រឹត្តទៅនៅថ្ងៃទី ៦ ខែឧសភា ឆ្នាំ២០២៣ គោលបំណងស្វែងរកកុមារនៅកម្ពុជាដែលមានទេពកោសល្យពិសេស ឬសក្តានុពលក្នុងការសិក្សា សិល្បៈសម្តែង កីឡា និងហែលទឹក។ កម្មវិធីអាហារូបករណ៍ គឺជាផ្នែកមួយនៃការប្តេជ្ញាចិត្តរបស់សាលាក្នុងការផ្តល់នូវការអប់រំប្រកបដោយគុណភាពខ្ពស់ សម្រាប់កុមារទាំងអស់នៅកម្ពុជា ។

ជាមួយនឹងគំនិតផ្តួចផ្តើមថ្មីនេះ សាលាអន្តរជាតិ Shrewsbury ភ្នំពេញ បានប្តេជ្ញាចិត្តក្នុងការអភិវឌ្ឍទេពកោសល្យរបស់កុមារលើមុខវិជ្ជាជាច្រើន ដើម្បីឱ្យពួកគេក្លាយជាបុគ្គលដែលមានជំនាញច្បាស់លាស់និងអាចបន្តបង្កើតឥទ្ធិពលវិជ្ជមានក្នុងសង្គម ។

កម្មវិធីសម្តែង និងវាយតម្លៃយកអាហារូបករណ៍ បង្ហាញពីឱកាសដ៏កម្រមួយសម្រាប់កុមារដែលមានទេពកោសល្យក្នុងប្រទេសកម្ពុជា ដើម្បីទទួលបានការអប់រំលំដាប់ពិភពលោក ។ សាលាអន្តរជាតិ Shrewsbury ភ្នំពេញ ផ្តល់ការអប់រំប្រកបដោយគុណភាពខ្ពស់ ដែលបំពេញតាមសមត្ថភាព និងទេពកោសល្យពិសេសរបស់សិស្សម្នាក់ៗ ៕ ដោយ :គ្រី សម្បត្តិ