ឆ្នាំជូត

សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីអស់លោកអ្នកនៅក្នុងថ្ងៃនេះល្អជាមធ្យម។ កិច្ចការរបស់អ្នកដំណើរការទៅដោយល្អប្រសើរ ប៉ុន្តែវាមិនទាន់ដល់ពេលឲ្យអ្នកបង្អង់ល្បឿននោះទេ។​ សូមព្យាយាមបញ្ចប់ការងារឲ្យបានលឿន កុំរំពឹងអ្នកដទៃ និងកុំទុករហូតដល់ថ្ងៃស្អែក។ ចំពោះលោកអ្នកដែលប្រកបរបរអាជីវកម្ម គឺអាចធ្វើការបណ្តាក់ទុន ឬបង្កើតមុខរបរថ្មីបានមិនជំទាស់ទេ ប៉ុន្តែលោកអ្នកត្រូវតែពឹងផ្អែកលើគម្រោងផែនការជាក់ស្តែង ប្រកបដោយពត៌មានលំអិត។ សូមជៀសឲ្យបានពីរឿងរ៉ាវរំខាននានា ប្រសិនបើអ្នកជួបនឹងភាពយល់ច្រលំ សូមព្យាយាមពន្យល់ឲ្យបានល្អ កុំទុកជាមន្ទិលដល់ថ្ងៃក្រោយ។

ឆ្នាំឆ្លូវ

សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។ រាសីអស់លោកអ្នកថ្ងៃនេះស្រុតចុះ។ លោកអ្នកត្រូវខិតខំប្រឹងប្រែងបន្ថែមទៀត។​ ដាច់ខាតមិនឲ្យថយពីផ្លូវដែលអ្នកបានរៀបចំនោះទេ។ អ្នកអាចសម្រេចបានផលខ្ពស់ ប្រសិនបើអ្នកបង្ហាញការតស៊ូ និងមិនខ្ជិលច្រអូស។ លោកអ្នកអាចជួបប្រទះនូវភាពអសកម្ម​ ដូចជាការគិតគូរយឺត។ កុំព្យាយាមភ្ជាប់ការស្រមៃនឹងរឿងមិនបានការ ឬសំដីបង្អាក់ រំខានរបស់អ្នកដទៃ។ ប្រសិនបើអ្នកជាប់គាំងសូមសំលឹងមើលបទពិសោធន៍របស់ខ្លួន ឬសុំយោបល់ពីមនុស្សដែលជឿទុកចិត្តទើបជាការល្អប្រសើរ។ ក្រៅពីនេះ សូមមានភាពអត់ធ្មត់អោយមានច្រើន ហើយ រងចាំពេលវេលាប្រសើរនៅថ្ងៃខាងមុខ។

ឆ្នាំខាល

សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។ រាសីអស់លោកអ្នកថ្ងៃនេះស្រុតចុះ។ កិច្ចការរបស់អ្នកក្នុងពេលនេះផ្សាភ្ជាប់នឹងការអត់ធ្មត់ និងខំប្រែងរបស់អ្នក។ អ្នកអាចជួបប្រទះនឹងរឿងរ៉ាវរំខានចិត្តច្រើន រួមទាំងរឿងរ៉ាវដែលមិនសមហេតុផលសោះតែម្តង ហេតុដូច្នេះសូមព្យាយាមដើរចេញពីបញ្ហា ស្តាប់ ហើយបំភ្លេចចោលទើបអ្នកអាចបញ្ជៀសពីភាពអសកម្មបាន។ ក្នុងនោះសូមជ្រើសរើសការងារសំខាន់ដើម្បីអនុវត្តតាំងពីព្រឹក ហើយកុំធ្វើឲ្យថ្នាក់លើរបស់អ្នករំខានចិត្ត។ អ្នកប្រហែលជាត្រូវរងចាំដំណឹង ឬលទ្ធផលនៃការងារបន្ថែម ប៉ុន្តែសូមកុំបោះបង់ការតាំងចិត្ត ពីព្រោះការខិតខំប្រឹង​ប្រែងរបស់ អ្នកនឹងទទួលបានភាពជោគជ័យដែលអ្នកប៉ងប្រាថ្នា។

ឆ្នាំថោះ       

សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីអស់លោកអ្នកថ្ងៃនេះឡើងខ្ពស់ត្រដែត។ ថ្ងៃនេះអំណោយផលសម្រាប់ប្រតិបត្តិការហិរញ្ញវត្ថុ និងពាណិជ្ជកម្ម ដូច្នេះសូមព្យាយាមទាញយកផលប្រយោជន៍អតិបរមាពីស្ថានភាពនេះ។ ដោយឡែក សូមកាត់បន្ថយមហិច្ឆតាក្នុងការងារបន្តិច រក្សាអ្វីៗឲ្យស្ថិតក្នុងកំរិតដែលអាចគ្រប់គ្រងបានស្រួល។ អ្នកនៅតែមានពេលវេលាច្រើនដើម្បីអនុវត្តន៍ផែនការ ដូច្នេះមិនគួរធ្វើខ្លួនឲ្យមមាញឹកខ្លាំងពេកនោះទេ។ លោកអ្នកទទួលបាននូវគំនិត និងការសម្រេចចិត្តជាក់ស្តែង។ ក្នុងនោះដែរ ប្រសិនបើអ្នកមានបំណងចង់ធ្វើអ្វីមួយគង់នឹងបានសម្រេច ហេតុនេះសូមកុំបោះបង់គោលដៅ។

ឆ្នាំរោង

​សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ ​ ​ រាសីអស់លោកអ្នកឡើងខ្ពស់ត្រដែត។ ថ្ងៃនេះអ្នកទទួលបានអំណោយផលសម្រាប់កិច្ចការទាំងឡាយ គិតចាប់ពីប្រតិបត្តិការតូចតាច រហូតដល់ការងារធំដុំបំផុត ដូច្នេះអ្នកអា​ចចាប់ផ្តើមអនុវត្តផែនការរបស់អ្នក។ ក្រៅពីនេះ សូមយកចិត្តទុកដាក់ចំពោះអ្នកនៅជុំវិញខ្លួន។ ប្រហែលជាអ្នកគួរតែធ្វើតាមដំបូន្មានរបស់មិត្តរួមការងារតិចតួច ហើយជឿលើវិចារណញាណរបស់ខ្លួនឯងឲ្យបានច្រើន បើសិនជាអាចធ្វើបានអ្វីៗនឹងប្រសើរឡើងភា្លមៗ។ លើសពីនេះ សូមកុំមានការព្រួយបារម្ភក្នុងការចូលរួមការពិភាក្សាចរចា ពីព្រោះអ្នកអាចការពារ ទស្សនៈយោបល់របស់ខ្លួន និងធ្វើអោយអ្នកដទៃគាំទ្រអ្នកបានយ៉ាងល្អ។

ឆ្នាំម្សាញ់

សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ ​​  រាសីអស់លោកអ្នកថ្ងៃនេះល្អជាមធ្យម។ ក្នុងថ្ងៃនេះអ្នកហាក់ស្ថិតនៅចន្លោះកណ្តាល ដែលពិបាកក្នុងការសម្រេចចិត្ត ឬអនុវត្តការងារដោយសេរីណាស់។ ទាំងនេះមិនមែនមានន័យថាការងាររបស់អ្នកនឹងជួបផលលំបាកនោះទេ គឺលោកអ្នកត្រូវចេះបែងចែក ហើយកំណត់យកអាទិភាព ឬដំណើរការវែងឆ្ងាយ។ អ្នកអាចទទួលបានប្រាក់ចំណេញកាន់តែច្រើន ប្រសិនបើអ្នកជ្រើសរើសវិធីសាស្រ្តវែងឆ្ងាយ។ ក្នុងនោះការបោះបង់គម្រោងការអនាគតព្រោះការផ្តល់ ជូនត្រឹមរយៈពេលខ្លី។ ប្រការសំខាន់នៅពេលនេះគឺខិតខំប្រឹងប្រែង និងមានទំនួលខុសត្រូវ ខ្ពស់ចំពោះការងារតូចធំរបស់អ្នកជានិច្ច នោះផលនឹងទទួលបានតបស្នងមកវិញ។

ឆ្នាំមមី

សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីអស់លោកអ្នកថ្ងៃនេះឡើងខ្ពស់ត្រដែត។  លោកអ្នកទទួលបានការគិតយ៉ាងទូលំទូលាយ ហេតុនេះរាល់ហេតុការណ៍អវិជ្ជមានទាំងឡាយមិនអាចរំខានដល់ការងារ និងដំណើរជីវិតរបស់អ្នកបានទេ។ អ្នកអាចធ្វើជាអ្នកដឹកនាំក្រុមការងារ ឬបង្កើតកិច្ចពិភាក្សាយ៉ាងសកម្ម ប្រកបដោយភាពជោគជ័យ។ ដោយឡែក សូមក្រោកពីព្រលឹមធ្វើកិច្ចការដែលអ្នកប៉ងប្រាថ្នា ហើយកុំមានការខ្លាចរអានឹងការសុបិន្តដែលអ្នកធ្លាប់គិតថាមិនអាចទៅរួចក៏ដោយ។ ក្រៅពីនេះ លោកអ្នកអាចមើលឃើញ និងកំណត់ភាពជាក់ស្តែងក្នុងជីវិតបានល្អ។ ប៉ុន្តែបើទោះបី ជាយ៉ាងនេះក្តី សូមលោកអ្នកកុំជឿទុកចិត្តងាយស្រួល ហើយក៏មិនគួរមើលងាយស្ថានការ ណ៍នោះដែរ។

ឆ្នាំមមែ

សម្រាប់លោកអ្នកដែលមានកំណើតឆ្នាំមមែ នាមសត្វពពែ សធាតុមាស ពង្សទេវតាស្រី។ រាសីលោកអ្នកថ្ងៃនេះល្អជាមធ្យម។ ថ្ងៃនេះមានអំណោយផលដល់ការពិភាក្សា ផ្តោះប្តូរយោបល់ចំពោះការងារធំតូចនានា។ ក្នុងនោះការខិតខំប្រឹងប្រែងរបស់អ្នកកំពុងហុចផលល្អហើយ អ្នកអាចនឹងត្រូវការការតម្លើងប្រាក់ខែ ការផ្លាសប្តូរស្ថានភាពការងារកាន់តែប្រសើរ ឬការតម្លើងឋាន។ ចំពោះបញ្ហានៅក្នុងពេលនេះអាចនឹងកើតឡើង ហើយអ្នកក៏មិនអាចបញ្ឈប់វាដោយងាយស្រួលទេ​ ដូច្នេះបើអាចគួរបណ្តោយតាមពេលវេលា ឬដើរចេញពីបញ្ហាទាំងនោះ។ ការនិយាយស្តី ចរចា គ្មានប្រយោជន៍អ្វីបន្តិចនោះទេ។ ក្រៅពីនេះ សូមជ្រើសរើសមនុស្សដើម្បីធ្វើទំនាក់ទំនង ឬកំណត់ការទាក់ទងនានាអោយនៅក្នុងកំរិតតូច ចង្អៀត។

ឆ្នាំវក

សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីអស់លោកអ្នកក្នុងថ្ងៃនេះល្អជាមធ្យម។ អាជីពនានារបស់អ្នកមានសកម្មភាពរស់រវើកល្អប្រសើរណាស់។ ប៉ុន្តែអ្នកហាក់ទទួលឥទ្ធិពលពីខាងក្រៅច្រើន ដែលអាចរំខានដល់អារម្មណ៍ និងការសម្រេចចិត្តអនុវត្តការងារ។ ក្រោពីនេះ សូមកុំបោះបង់ភាពសុទិដ្ឋិនិយម និងទំនុកចិត្តលើការងារខ្លួនឯង។ រក្សាអាកប្បកិរិយាវិជ្ជមាន និងរួមចំណែកក្នុងសកម្មភាពនានា ដើម្បីបានទំនុកចិត្តពីមនុស្សនៅជុំវិញខ្លួន។ ក្រៅពីនេះ សូមព្យាយាមស្វែងរកពត៌មានលំអិតផ្សេងៗលើការងារដើម្បីអាចបោះជំហានបានត្រឹមត្រូវ និងងាយស្រួល។ ក្រៅពីនេះ លោកអ្នក នឹងអាចយល់ដឹង និងធ្វើការដោះស្រាយភាពរឹងស្ទះបានដោយសន្តិវិធី។

ឆ្នាំរកា

សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។ រាសីអស់លោកអ្នកថ្ងៃនេះល្អជាមធ្យម។ ថ្ងៃនេះមិនមែនជាពេលវេលាល្អដើម្បីស្វែងរកការងារថ្មីនោះទេ ប៉ុន្តែជាថ្ងៃដែលមានអំណោយផលសម្រាប់ការទំនាក់ទំនងជាមួយអ្នកគ្រប់គ្រង ហើយអ្នកប្រហែលជាអាចទទួលបានការតម្លើងប្រាក់ខែផង។ ហោរាសាស្រ្តអាជីព ធានាផ្តល់ជូនលោកអ្នកនូវការបញ្ចប់ការងារដោយជោគជ័យ ប្រសិនបើអ្នករកឃើញឳកាសនានា ហើយចេះគ្រប់គ្រងមិនឲ្យរំខានដោយរឿងមិនចាំបាច់។ កុំបណ្តោយឲ្យអ្វីៗប្រែក្រឡាស់បានឡើយ សូមព្យាយាមបង្កើនទិន្នផលការងារ។ ផ្ទុយពីចំណុចខាងលើ ប្រហែលជាអ្នក គួរ កុំទាន់ធ្វើទំនាក់ទំនងជិតស្និទ្ធជាមួយមនុស្សថ្មីៗនៅពេលនេះ។

​ឆ្នាំច

សម្រាប់លោកអ្នកដែលមានកំណើតឆ្នាំច នាមសត្វឆ្កែ ធាតុដី ពង្សយក្សស្រី។ រាសីរបស់លោកអ្នកក្នុងពេលនេះស្រុតចុះ។ ថ្ងៃនេះមិនមែនជាពេលវេលាល្អក្នុងការផ្លាស់ប្តូរ ឬស្វែងរកកិច្ចកាងារថ្មីនោះទេ ពីព្រោះបញ្ហានៅខាងក្រៅច្រើន​ ដែលងាយឲ្យអ្នករងផលប៉ះពាល់។ ប្រសិនបើអ្នកជាប់ពាក់ព័ទ្ធនឹងបំណុល គួរតែរកវិធីសាស្រ្ត និងលទ្ធភាពសងបំណុលទាំងនោះឲ្យបានចប់ស្រេចបាច់។ ទន្ទឹមនឹងនោះ បញ្ហាផ្នែកសម្ភារៈអាចនឹងរារាំងអ្នកមិនឲ្យផ្តោតអារម្មណ៍លើការងារឲ្យសម្រេចផលល្អនោះទេ ដូច្នេះសូមចេះបែងចែក ហើយគិតគូរពីផលប្រយោជន៍ធំនៅថ្ងៃអនាគត។ ដោយឡែក សូមរក្សាគំលាតពីការជួបជុំ ការប្រជុំពិភាក្សា និងការសម្រេចចិត្តនានា ពីព្រោះភាពស្មុគ្រស្មាញ និងករណីអវិជ្ជមានកំពុងកើនឡើង។  

ឆ្នាំកុរ​

សម្រាប់លោកអ្នកដែលមានកំណើតឆ្នាំកុរ  នាមសត្វជ្រូក ធាតុទឹក ពង្សមនុស្សស្រី។ រាសីលោកអ្នកក្នុងថ្ងៃនេះឡើងខ្ពស់ត្រដែត។ សូមព្យាយាមរកពេលវេលាដើម្បីទាក់ទងជាមួយអាជ្ញាធរ នោះអ្នកនឹងអាចស្វែងយល់បញ្ហាជាច្រើនបាន។ ប៉ុន្តែត្រូវមានភាពគួរសមបំផុត។ ថ្ងៃនេះមិនគួរមានមតិរិះគន់ ឬការប្រើប្រាស់អារម្មណ៍ដែលមិនចាំបាច់នោះទេ។ សូមលោកអ្នកកុំឆ្លើយតបនឹងការវាយប្រហាររបស់មិត្តរួមការងារ និងអតិថិជន។ នៅទីចុងម៉ោងធ្វើការនេះ ស្ថានភាពតានតឹងទាំងឡាយនឹងរសាយទៅវិញទំាងអស់ ដូច្នេះគ្មានហេតុផលអ្វីដែលត្រូវព្រួយបារម្ភនោះទេ។ ក្រៅពីនេះ លោកអ្នកទទួលបានភាពស្ងប់ស្ងាត់ និងលទ្ធភាពបំពេញការងារក្រោមការទទួលខុសត្រូវ នោះនឹងបានផលច្រើន។  

ចំណាំៈ

ឆ្នាំទាំង៤ ថោះ រោង មមី កុរ រាសីឡើងខ្ពស់ត្រដែត។