វ៉ាស៊ីនតោន ៖ អាមេរិក អាចនឹងដកទណ្ឌកម្មលើប្រេងអ៊ីរ៉ង់ ដើម្បីជំរុញឲ្យតម្លៃទំនិញយុទ្ធសាស្ត្រប្រភេទនេះ ធ្លាក់ចុះឡើងវិញ នេះបើតាមរដ្ឋមន្ត្រីហិរញ្ញវត្ថុ របស់អាមេរិក។

លោក រដ្ឋមន្ត្រីហិរញ្ញវត្ថុ Scott Bessent បាននិយាយ កាលពីថ្ងៃព្រហស្បតិ៍ថា សហរដ្ឋអាមេរិកអាចនឹងបន្ធូរបន្ថយទណ្ឌកម្ម លើប្រេងអ៊ីរ៉ង់ ដែលផ្ទុកនៅក្នុងនាវាដឹកប្រេង ជាប់គាំងនៅឈូងសមុទ្រ ដើម្បីជំរុញការផ្គត់ផ្គង់ពិភពលោក និង ជួយឱ្យតម្លៃធ្លាក់ចុះ។

លោក Bessent បានប្រាប់ Fox News ថា «នៅក្នុងប៉ុន្មានថ្ងៃ ខាងមុខនេះ យើងអាចនឹងលុបចោល ការហាមឃាត់ប្រេងអ៊ីរ៉ង់ ដែលមាននៅលើទឹក…ប្រហែល ១៤០ លានបារ៉ែល»។ លោក Bessent បន្តថា «សហរដ្ឋអាមេរិកនឹងប្រើប្រាស់ធុងបារ៉ែលអ៊ីរ៉ង់ ប្រឆាំងនឹងអ៊ីរ៉ង់ ដើម្បីរក្សាតម្លៃធ្លាក់ចុះ សម្រាប់រយៈពេល ១០ ឬ ១៤ ថ្ងៃបន្ទាប់ នៅពេលដែលយើង បន្តយុទ្ធនាការបែបនេះ»។

បើតាម Anadolu, ការកត់សម្គាល់របស់លោក បានកើតឡើង ចំពេលភាពតានតឹង ក្នុងតំបន់មជ្ឈិមបូព៌ា កាន់តែឡើងកម្តៅ ចាប់តាំងពីអ៊ីស្រាអែល និងសហរដ្ឋអាមេរិក បានបើកការវាយលុករួមគ្នា លើអ៊ីរ៉ង់ កាលពីថ្ងៃទី២៨ ខែកុម្ភៈ ដោយបានសម្លាប់មនុស្សប្រហែល ១,៣០០ នាក់ មកទល់ពេលនេះ រួមទាំង មេដឹកនាំកំពូលអ៊ីរ៉ង់ លោក Ali Khamenei ផងដែរ។

អ៊ីរ៉ង់ បានសងសឹកវិញ ជាមួយនឹងការវាយប្រហារ ដោយយន្តហោះគ្មានមនុស្សបើក និង កាំជ្រួចនៅទូទាំងតំបន់ ហើយបានធ្វើព្យុះភ្លៀង នៅច្រកសមុទ្រ Hormuz ជាផ្លូវដឹកជញ្ជូនប្រេងដ៏សំខាន់ ដែលជាធម្មតា អាចគ្រប់គ្រងបានប្រហែល ២០ លានបារ៉ែល ក្នុងមួយថ្ងៃ និង ប្រហែល ២០% នៃពាណិជ្ជកម្មឧស្ម័នធម្មជាតិរាវសកល ជាហេតុនាំឲ្យរំខានដល់ទីផ្សារថាមពលពិភពលោក៕

ប្រភពពី Anadolu ប្រែសម្រួល ៖ សារ៉ាត