ព្រៃវែង៖ កាលពីព្រឹកថ្ងៃអាទិត្យទី២២ ខែមីនា ឆ្នាំ២០២៦ លោក ស្រុង វ៉ាន់ណូ ប្រធានសហព័ន្ធសហជីពកម្ពុជាការពារកូនខ្មែរ FUCPCK ជាសមាជិក សហភាពមរតកជាតិកម្ពុជា CCTUH ដឹកនាំដោយឯកឧត្តម តុល ផាន់មឿង ជាប្រធានដោយមាន​ការចូលរួមពីលោកនាយករោងចក្រឌីឡាក់ស៏ និងបងប្អូនក្រុមការងារបាននាំ​យកសម្ភារៈ​មួយចំនួនទុកសម្រាប់ការ​ប្រើប្រាស់នៅ​ក្នុងសាលាបឋមសិក្សាសំបួរ ដែលស្ថិតនៅភូមិសំបួរ ឃុំព្រៃឃ្នេស ស្រុកមេសាង ខេត្តព្រៃវែង។

សម្ភារៈទាំងនោះរួមមាន៖ សៀវភៅរឿងសម្រាប់សិស្សអានចំនួន៣០០ក្បាល ,សម្រាប់សិស្សានុសិស្ស២៥៥នាក់មាន សៀវភៅ​សរសេរ៣០០ក្បាល ប៊ិច៣០០ដើម ខ្មៅដៃ៣០០ដើម ប្រដាប់ខួងខ្មៅដៃ២៥៥ ជរលុប២៥០ សឺមីដាក់សៀវ២៥៥ ដបទឹក៣០០
,ទឹកដោះគោស្រស់ម្នាក់១ដុំ និងថវិកាមួយចំនួនសម្រាប់ការប្រើប្រាស់របស់សាលា ៕

ដោយ៖វណ្ណលុក