លោក ទូច សុខៈ អ្នកនាំពាក្យរងក្រសួងមហាផ្ទៃ បានគូសបញ្ជាក់ថា រយៈពេល២សប្ដាហ៍ក្នុងខែកក្កដា ឆ្នាំ២០២៦នេះ សមត្ថកិច្ចកម្ពុជាបានឃាត់ខ្លួនអ្នកប្រព្រឹត្តបទល្មើសឆបោកតាមប្រព័ន្ធបច្ចេកវិទ្យាឬអនឡាញស្កេម បានចំនួន ៦៣៦នាក់ មកពី ២១សញ្ជាតិ។ ក្នុងចំណោមនោះ សមត្ថកិច្ចបានកសាងសំ​ណុំរឿងបញ្ចូនទៅតុលាការចំនួន ៩នាក់ ខណៈ ៦២៧នាក់ទៀតកំពុងធ្វើការសាកសួរតាមនីតិវិធីច្បាប់ផងដែរ​។
 
អ្នកនាំពាក្យរូបនេះបានគូសបញ្ជាក់ថា ក្នុងរយៈពេល២សប្តាហ៍នេះ សមត្ថកិច្ចចំណុះក្រសួងមហាផ្ទៃបានបង្រ្កាបបទល្មើសឆបោកអនឡាញចំនួន ៤០លើក នៅតាមភូមិសាស្រ្តរាជធានីភ្នំពេញ ខេត្តកណ្ដាល ​បន្ទាយមានជ័យ ព្រះសីហនុ កោះកុង កំពង់ស្ពឺ ស្វាយរៀង និងកំពង់ចាម។
 
សូមបញ្ជាក់ថា ក្នុងឆមាសទី១ឆ្នាំ២០២៦នេះ អាជ្ញាធរកម្ពុជាបានចាត់វិធានការច្បាប់យ៉ាងម៉ឺងម៉ាត់ ដោយបណ្តេញជនបរទេសខុសច្បាប់ចេញពីប្រទេសបានជាង ៤ម៉ឺន៥ពាន់នាក់ ក្រោមយុទ្ធនាការក្តៅនៃការបង្ក្រាបបទល្មើសឆបោកតាមប្រព័ន្ធអនឡាញ៕

សេង បារាំង AMS