បូហ្គោតា ៖ គ្រោះរញ្ជួយដីកម្រិតធ្ងន់ ៧,៤រ៉ិចទ័រ ដែលបានកើតឡើងនៅប្រទេស កូឡុំប៊ី កាលពីដើមសប្ដាហ៍នេះ បានផ្តាច់អាយុជីវិតមនុស្ស កើនលើស ២៥០នាក់ហើយ។

យ៉ាងណា ក្រុមអ្នកជួយសង្រ្គោះនៅតែបន្តធ្វើប្រតិបត្តិការជួយសង្រ្គោះ និងស្វែងរកអ្នកដែលអាចនៅមានជីវិតកំពុងជាប់នៅក្រោមគំនរបែកបាក់។

បើតាមសេចក្ដីរាយការណ៍ពីបណ្ដាទីក្រុងរងផលប៉ះពាល់ ចំនួនអ្នកស្លាប់បានកើនដល់ ២៥៤នាក់ គិតត្រឹមព្រឹកថ្ងៃអង្គារ ទី១១ ខែសីហា ឆ្នាំ២០២៦។

អាកាសយានដ្ឋានចំនួន៣ នៅតែបន្តបិទទ្វារនៅឡើយ ហើយតំបន់ជាច្រើនផ្សេងទៀតជាពិសេស Choco ប្រជាជននៅតែបន្តខ្វះខាតហ្គាស ទឹក អគ្គិសនី និងផ្លូវថ្នល់សំខាន់ៗមួយចំនួនត្រូវបានបិទចរាចរណ៍ជាបណ្ដោះអាសន្ន។

គ្រោះរញ្ជួយដីនេះដែរបានបណ្ដាលឱ្យអគារ ផ្ទះ សាលារៀន និងមន្ទីរពេទ្យ រួមទាំងហេដ្ឋារចនាសម្ព័ន្ធជាច្រើនបាក់រលំ ឬរងការខូចខាត។

គ្រោះរញ្ជួយដី៧,៤រ៉ិចទ័រ និងមានជម្រៅ ១០៧គីឡូម៉ែត្រនៅក្នុងដី ត្រូវបានក្រុមមន្ត្រីកូឡុំប៊ីចាត់ទុកថាជាគ្រោះរញ្ជួយដីដ៏សាហាវបំផុតដែលបានវាយប្រហារលើប្រទេសរបស់ពួកគេ ក្នុងរយៈពេលជាង១សតវត្សរ៍មកនេះ៕

ប្រភព ៖ AFP ប្រែសម្រួល ៖ សារ៉ាត