សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានគូសបញ្ជាក់ថា អាចារ្យមិនត្រឹមតែជាអ្នកបង្ហាត់បង្រៀន ប៉ុណ្ណោះទេ ប៉ុន្តែជាអ្នកដឹកនាំផ្លូវចិត្ត និងជាសរសរទ្រូងយ៉ាងសំខាន់ក្នុង ការភ្ជាប់ទំនាក់ទំនងរវាងពុទ្ធសាសនិក វត្តអារាម និងព្រះពុទ្ធសាសនា។

កាលពីព្រឹកថ្ងៃទី១៩ ខែសីហា ឆ្នាំ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីបាន​អញ្ជើញជា​អធិបតីភាព​ដ៏ខ្ពង់ខ្ពស់ ក្នុងពិធីសំណេះសំណាលជាមួយអាចារ្យ អាចារិនី ទូទាំងប្រទេស លើក ទី១១ ក្នុងខណៈនោះសម្តេចធិបតីបញ្ជាក់ថា ការរៀបចំឱ្យមានការ សំណេះសំណាល ជាមួយអាចារ្យ អាចារិនីទូទាំងប្រទេសជារៀងរាល់ ឆ្នាំ បានកំពុងឆ្លុះបញ្ចាំង​យ៉ាងច្បាស់​អំពីការយកចិត្តទុកដាក់ខ្ពស់ របស់រាជរដ្ឋាភិបាលចំពោះតម្លៃ និងតួនាទីរបស់អាចារ្យ អាចារិនីនៅ ក្នុងសង្គមខ្មែរស្រប​តាមទិសស្លោក «អាចារ្យល្អ វប្បធម៌រីកចម្រើន សហគមន៍រុងរៀង ។

សម្ដេចធិបតីបញ្ជាក់ថា អាចារ្យ អាចារិនី គឺជាអ្នកថែរក្សាប្រពៃណី និងទំនៀមទម្លាប់ ពង្រឹងសាមគ្គីភាពនៅមូលដ្ឋាន អប់រំកុមារ និងយុវជន សាបព្រោះបណ្ដុះគុណធម៌ សីលធម៌ និងសុជីវធម៌ និងជាតំណភ្ជាប់រវាងព្រះពុទ្ធសាសនា គ្រួសារ សហគមន៍ និងសង្គមរបស់ជាតិខ្មែរ ។

១.(ខ្វូត៖ សម្ដេចធិបតី បន្ថែមថា «អាចារ្យ គឺជាអ្នកដឹកនាំផ្លូវចិត្ត ជាអ្នកបង្ហាត់បង្រៀន និងជាសរសរទ្រូងក្នុងការភ្ជាប់រវាង​វត្តអារាម និងព្រះពុទ្ធសាសនា» ។ អាចារ្យ មានតួនាទីសំខាន់នៅក្នុងការ រៀបចំពិធីបុណ្យ ពិធីសាសនា ឬមង្គលការដោយ​សម្ដេចគាំទ្រ ដល់ក្រសួងធម្មការ និងសាសនា ចំពោះការយកចិត្តទុកដាក់លើការ បណ្ដុះបណ្ដាលស្ដង់ដារួម )

តាមរបាយការណ៍របស់ឯកឧត្តមបណ្ឌិត ចាយ បូរិន រដ្ឋមន្ត្រីក្រសួង ធម្មការ និងសាសនាបានឱ្យដឹងថា ក្រសួងបានបើកវគ្គ​បណ្តុះបណ្តាល​តួនាទី ភារកិច្ច និង ក្រមសីលធម៌អាចារ្យខ្មែរបានចំនួន៥៣ វគ្គរួច មកហើយ ដោយមានសិក្ខាកាម ជាអាចារ្យ អាចារិនី ចំនួន ១៤ ២៩៨ អង្គ/នាក់ បានចូលរួមសិក្សា ក្នុងនោះព្រះសង្ឃចំនួន ១ ១២៤ព្រះអង្គ និងអាចារិនីចំនួន ២៣២ នាក់។ ក្រៅពីវគ្គបណ្តុះបណ្តាល អាចារ្យ អាចារិនី ក្រសួងបានបើកវគ្គបណ្តុះបណ្តាលដូនជីបានចំនួន ២វគ្គ ផងដែរ ដោយ​មាន​សិក្ខាកាម​ជាដូនជី បានចូលសិក្សាចំនួន ១ ១០៧ នាក់ ។

ឯកឧត្តមបន្តថា ក្រសួងនឹងបើកវគ្គបណ្តុះបណ្តាល បន្តបន្ទាប់ទៀត ដើម្បីបំពេញទៅតាមតម្រូវការរបស់ ពុទ្ធបរិស័ទនៅ​ទូទាំងប្រទេស ៕

ដោយ៖ស៊ូ វណ្ណលុក