មូស្គូ ៖ លោកស្រី Maria Zakharova អ្នកនាំពាក្យក្រសួងការបរទេសរុស្ស៊ី កាលពីថ្ងៃព្រហស្បតិ៍ បានភ្ជាប់ការគំរាមកំហែងទៅលើប៉ាឡេស្ទីន ពីសំណាក់ក្រុមលោកនាយករដ្ឋមន្ត្រី Benjamin Netanyahu ទៅនឹងការបោះឆ្នោត នៅក្នុងប្រទេសអ៊ីស្រាអែល។

លោកស្រី Maria Zakharova បានភ្ជាប់ការគំរាមកំហែងដោយមន្ត្រីជាន់ខ្ពស់អ៊ីស្រាអែល ក្នុងការលុបបំបាត់ភាពជាអ្នកដឹកនាំរបស់អាជ្ញាធរជាតិប៉ាឡេស្ទីន និង បញ្ចូលទឹកដីប៉ាឡេស្ទីន ទៅក្នុងយុទ្ធនាការបោះឆ្នោត នៅអ៊ីស្រាអែល។

លោកស្រីបានមានប្រសាសន៍ថា «យើងភ្ជាប់ការរឹតបន្តឹងវោហាសាស្ត្រថ្មីៗនេះ ដោយមន្ត្រីជាន់ខ្ពស់អ៊ីស្រាអែលទៅនឹងយុទ្ធនាការបោះឆ្នោត ដែលបង្កើនល្បឿន មុនការបោះឆ្នោតសភានៅអ៊ីស្រាអែល ដែលគ្រោងធ្វើឡើង នៅថ្ងៃទី២៧ ខែតុលា។ ទោះជាយ៉ាងណាក៏ដោយ យើងជឿជាក់ថា ការតស៊ូដើម្បីសំឡេងឆ្នោតរបស់អ្នកបោះឆ្នោតមិនអាចបម្រើជាយុត្តិកម្មសម្រាប់សេចក្តីថ្លែងការណ៍ញុះញង់ ដែលបង្កើនបរិយាកាសនៃអរិភាពទៅវិញទៅមក និងការមិនអត់ឱនរវាងប៉ាឡេស្ទីន និងអ៊ីស្រាអែលបានទេ»។

លោកស្រីបានមានប្រសាសន៍ថា រុស្ស៊ីគាំទ្រកិច្ចខិតខំប្រឹងប្រែងដើម្បីបង្កើតលក្ខខណ្ឌសម្រាប់ការបន្តការសន្ទនាដោយផ្ទាល់ រវាងប៉ាឡេស្ទីន និងអ៊ីស្រាអែល ដោយបន្ថែមថា ទីក្រុងមូស្គូចាត់ទុកការដោះស្រាយដ៏ទូលំទូលាយដោយផ្អែកលើច្បាប់អន្តរជាតិជាមធ្យោបាយតែមួយគត់ដើម្បីធានាសន្តិភាពយូរអង្វែង នៅក្នុងតំបន់។

លោកស្រី Zakharova បាននិយាយថា ដំណោះស្រាយ គួរតែរួមបញ្ចូលការបង្កើតរដ្ឋប៉ាឡេស្ទីនឯករាជ្យ អាចរស់រានមានជីវិត និងមានទឹកដីជាប់គ្នា ដែលរស់នៅដោយសន្តិភាព និង សុវត្ថិភាពជាមួយអ៊ីស្រាអែល។

បើតាម anadolu, ការអត្ថាធិប្បាយទាំងនេះ បានកើតឡើងបន្ទាប់ពីសមាជិកជាច្រើននាក់នៃរដ្ឋាភិបាលរបស់នាយករដ្ឋមន្ត្រីអ៊ីស្រាអែល លោក Benjamin Netanyahu បានទាមទារឡើងវិញ សម្រាប់ការផ្លាស់ប្តូរគោលនយោបាយរបស់អ៊ីស្រាអែល ចំពោះប្រជាជនប៉ាឡេស្ទីន នៅមុនការបោះឆ្នោត៕

ប្រភព ៖ anadolu, ប្រែសម្រួល ៖ សារ៉ាត