យេរ៉េវ៉ាន់ ៖ កិច្ចប្រជុំ COP17 ស្តីពីជីវចម្រុះ ដែលរៀបចំនៅទីក្រុងយេរ៉េវ៉ាន់ ប្រទេសអាមេនី កំពុងជំរុញឱ្យប្រទេសនានាពន្លឿនការអនុវត្តគោលដៅការពារធម្មជាតិ និងបញ្ឈប់ការបាត់បង់ជីវចម្រុះត្រឹមឆ្នាំ២០៣០។

ក្នុងឱកាសនេះ អាមេនី និងកូឡុំប៊ីបានប្រកាសបង្កើតសម្ព័ន្ធសកម្មភាពស្តារប្រភេទសត្វជិតផុតពូជ ដើម្បីជួយប្រទេសនានាកំណត់អាទិភាព និងរៀបចំវិធានការអភិរក្សឱ្យមានប្រសិទ្ធភាព។

ប្រទេសចំនួន ១៧ បានចូលរួមក្នុងសម្ព័ន្ធនេះ ខណៈម្ចាស់ជំនួយឯកជន និងអង្គការចំនួន៩ បានសន្យាផ្តល់ថវិកាជាង៥០០ លានដុល្លារអាមេរិក ក្នុងរយៈពេល៥ឆ្នាំខាងមុខ ដើម្បីស្តារប្រភេទសត្វដែលរងការគំរាមកំហែងខ្លាំងបំផុត។

ជាមួយគ្នានេះ ការរកឃើញខ្លារខិនពែរ្សដ៏កម្រមួយក្បាលនៅប្រទេសអាមេនី បានបង្ហាញពីសារៈសំខាន់នៃការការពារជម្រក និងប្រភពចំណីរបស់សត្វព្រៃ៕

ប្រភព ៖ The Guardian