បារាំង ជាភាសាមានអ្នកនិយាយច្រើនជាងគេលំដាប់ទី ៤ របស់ពិភពលោក រហូតដល់ជិត ៤០០ លាននាក់ | APSARA MEDIA SERVICES

បណ្ដាញផ្សព្វផ្សាយយើងខ្ញុំផ្សេងទៀត

EconomyEducationSportsInfotainmentAMS TravelKhmer CivilizationPolitico 360 Dark ModeAMS ONE-MINUTEកម្ពុជាមាតុភូមិខ្ញុំសច្ចធម៌ប្រវត្តិសាស្ត្រAPSARA TV 11សម្លេងយុវជនសម្លេងមាតុភូមិ
APSARA Media Services Light Logo
បារាំង ជាភាសាមានអ្នកនិយាយច្រើនជាងគេលំដាប់ទី ៤ របស់ពិភពលោក រហូតដល់ជិត ៤០០ លាននាក់

បារាំង ជាភាសាមានអ្នកនិយាយច្រើនជាងគេលំដាប់ទី ៤ របស់ពិភពលោក រហូតដល់ជិត ៤០០ លាននាក់

ភ្នំពេញ ៖ ភាសាបារាំងកំពុងពង្រីកឥទ្ធិពល និងតួនាទីរបស់ខ្លួនកាន់តែខ្លាំងនៅលើឆាកអន្តរជាតិ ដោយបច្ចុប្បន្នបានក្លាយជាភាសាមានអ្នកនិយាយច្រើនបំផុតលំដាប់ទី៤របស់ពិភពលោក បន្ទាប់ពីភាសាអង់គ្លេស ភាសាចិនកុកងឺ និងភាសាអេស្ប៉ាញ ។ នេះបើតាមសារព័ត៌មានរវ៉ាន់ដា តាអារីហ្វា ចេញផ្សាយកាលពីថ្ងៃអាទិត្យ ។

យោងតាមទិន្នន័យរបស់អង្គការអន្តរជាតិនៃហ្វ្រង់កូហ្វូនី ហៅកាត់ (OIF) បានឱ្យដឹងថា នៅឆ្នាំ២០២៥ ភាសាបារាំងមានអ្នកនិយាយប្រមាណ ៣៩៦លាននាក់នៅទូទាំងពិភពលោក ដែលចំនួននេះខ្ពស់ជាងអ្នកនិយាយភាសាអារ៉ាប់ស្តង់ដារ ដែលមានប្រមាណ ៣៣៥លាននាក់ ។

ទ្វីបអាហ្វ្រិក គឺជាតំបន់ដែលមានអ្នកនិយាយភាសាបារាំងច្រើនជាងគេ ដោយមានចំនួនប្រមាណ ៦៥ភាគរយ នៃអ្នកនិយាយភាសាបារាំងទាំងអស់នៅលើពិភពលោក ។

ក្នុងចំណោមប្រទេសនានា សាធារណរដ្ឋប្រជាធិបតេយ្យកុងហ្គោមានអ្នកនិយាយភាសាបារាំងច្រើនជាងគេ ដោយមានចំនួនជាង ៥៧លាននាក់ ។ បន្ទាប់មកគឺប្រទេសអាល់ហ្សេរី មានជាង ១៥លាននាក់ និងប្រទេសម៉ារ៉ុក មានជិត ១៤លាននាក់ ។

លោកស្រី ល្វីស មូស៊ីគីវ៉ាបូ អគ្គលេខាធិការអង្គការ OIF បានបង្ហាញក្នុងរបាយការណ៍របស់លោកស្រីថា ចំនួនអ្នកនិយាយភាសាបារាំងអាចកើនឡើងដល់ ៥៩០លាននាក់នៅត្រឹមឆ្នាំ២០៥០ខាងមុខ ។

លោកស្រីថា ក្នុងចំណោមអ្នកនិយាយភាសាបារាំងនាពេលអនាគត ក្នុងនោះ១០នាក់ មានរហូតដល់ ៩នាក់ នឹងរស់នៅក្នុងទ្វីបអាហ្វ្រិក ។

លោកស្រីក៏បានព្យាករណ៍ដែរថា អនាគតនៃភាសាបារាំងនឹងលែងត្រូវបានកំណត់ដោយទីក្រុងប៉ារីសតែមួយទៀតហើយ ប៉ុន្តែនឹងត្រូវបានជំរុញដោយទីក្រុងនានានៅជុំវិញពិភពលោក ដូចជា អាប៊ីដហ្សង់ បេរូត ព្រុចសែល ដាកា គីនសាសា ម៉ុងរ៉េអាល់ ព័រតូអូព្រីន ទុយនីស និងយ៉ោនដេ ។

ក្រៅពីនេះ ភាសាបារាំងក៏ជាភាសាបរទេសដែលមានអ្នកសិក្សាច្រើនបំផុតលំដាប់ទី២លើពិភពលោក បន្ទាប់ពីភាសាអង់គ្លេស ដោយមានអ្នកកំពុងសិក្សាប្រមាណ ១៧០លាននាក់ ។

ជាក់ស្តែង ភាសាបារាំងនៅតែមានសារៈសំខាន់ ក្នុងវិស័យការទូត ទេសចរណ៍ និងច្បាប់អន្តរជាតិ ព្រមទាំងដើរតួនាទីជាឧបករណ៍សម្រាប់ពង្រឹងកិច្ចសហប្រតិបត្តិការរវាងប្រទេសនានា ៕

ប្រភព ៖ Taarifa ប្រែសម្រួល ៖ ឈឹម ទីណា

ឈឹម​ ទីណា​

ឈឹម​ ទីណា​

តាមរយៈការចូលរួមនៅតាមស្ថាប័នធំៗជាច្រើន រួមមានទូរទស្សន៍ គេហទំព័រ និងបណ្តាញសង្គមនានា បូករួមនឹងជំនាញបន្ថែមក្នុងការសរសេរ កាត់ត និងអាន នឹងផ្ដល់ជូនទស្សនិកជននូវព័ត៌មានដ៏សម្បូរបែបប្រកបដោយទំនុកចិត្ត និងវិជ្ជាជីវៈ។

ឆ្នាំ២០២៥ © រក្សាសិទ្ធិគ្រប់យ៉ាងដោយ៖ អគ្គនាយកដ្ឋានវិទ្យុ និងទូរទស្សន៍អប្សរា