លោក Trump ថា លោកអាចនឹងជួបមេដឹកនាំកូរ៉េខាងជើង ក្នុងដំណើរទស្សនកិច្ចនៅអាស៊ី | APSARA MEDIA SERVICES

បណ្ដាញផ្សព្វផ្សាយយើងខ្ញុំផ្សេងទៀត

EconomyEducationSportsInfotainmentAMS TravelKhmer CivilizationPolitico 360 Dark ModeAMS ONE-MINUTEកម្ពុជាមាតុភូមិខ្ញុំសច្ចធម៌ប្រវត្តិសាស្ត្រAPSARA TV 11សម្លេងយុវជនសម្លេងមាតុភូមិ
APSARA Media Services Light Logo
លោក Trump ថា លោកអាចនឹងជួបមេដឹកនាំកូរ៉េខាងជើង ក្នុងដំណើរទស្សនកិច្ចនៅអាស៊ី

លោក Trump ថា លោកអាចនឹងជួបមេដឹកនាំកូរ៉េខាងជើង ក្នុងដំណើរទស្សនកិច្ចនៅអាស៊ី

វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ បានថ្លែងថា រូបលោកអាចនឹងជួបពិភាក្សាជាមួយមេដឹកនាំកូរ៉េខាងជើង លោក គីម ជុងអ៊ុន នៅប្រទេសចិន ក្នុងអំឡុងដំណើរទស្សនកិច្ចការទូតនៅតំបន់អាស៊ីនាពេលខាងមុខនេះ ។

នៅពេលចាកចេញពីសេតវិមាន កាលពីថ្ងៃចន្ទ ប្រធានាធិបតីអាមេរិករូបនេះ បានគូសបញ្ជាក់ថា លទ្ធភាពនៃជំនួបជាមួយមេដឹកនាំកូរ៉េខាងជើង គឺអាស្រ័យលើការសម្រេចចិត្តរបស់លោក គីម ជុងអ៊ុន និងប្រធានាធិបតីចិន លោក ស៊ី ជីនពីង ។

បើតាម Anadolu, ក្នុងអាណត្តិប្រធានាធិបតីអាមេរិកដំបូងរបស់ខ្លួន លោក ដូណាល់ ត្រាំ បានជួបជាមួយលោក គីម ជុងអ៊ុន ចំនួន៣លើក ។ ជំនួបដំបូងបានធ្វើឡើងនៅប្រទេសសិង្ហបុរី ក្នុងឆ្នាំ២០១៨ ដែលជាកិច្ចប្រជុំកំពូលលើកដំបូងបង្អស់រវាងប្រធានាធិបតីអាមេរិកកំពុងកាន់តំណែង និងមេដឹកនាំកូរ៉េខាងជើង ។

បន្ទាប់មក មេដឹកនាំទាំងពីរបានជួបគ្នាពីរលើកទៀតក្នុងឆ្នាំ២០១៩ គឺនៅទីក្រុងហាណូយ ប្រទេសវៀតណាម និងនៅតំបន់ប៉ានមុនជុម ស្ថិតនៅតាមបណ្តោយព្រំដែនកូរ៉េទាំងពីរ ។ ក្នុងជំនួបលើកចុងក្រោយនោះ លោក ត្រាំ បានឆ្លងកាត់ព្រំដែនចូលទៅក្នុងទឹកដីកូរ៉េខាងជើងក្នុងរយៈពេលខ្លីផងដែរ ។

យ៉ាងណា គិតមកទល់ពេលនេះ ខាងភាគីកូរ៉េខាងជើងនៅមិនទាន់បានបញ្ជាក់ពីការរៀបចំជំនួបរវាងលោក ត្រាំ និងលោក គីម នៅឡើយទេ ៕

ប្រភព ៖ Anadolu ប្រែសម្រួល ៖ ឈឹម ទីណា

ឈឹម​ ទីណា​

ឈឹម​ ទីណា​

តាមរយៈការចូលរួមនៅតាមស្ថាប័នធំៗជាច្រើន រួមមានទូរទស្សន៍ គេហទំព័រ និងបណ្តាញសង្គមនានា បូករួមនឹងជំនាញបន្ថែមក្នុងការសរសេរ កាត់ត និងអាន នឹងផ្ដល់ជូនទស្សនិកជននូវព័ត៌មានដ៏សម្បូរបែបប្រកបដោយទំនុកចិត្ត និងវិជ្ជាជីវៈ។

ឆ្នាំ២០២៥ © រក្សាសិទ្ធិគ្រប់យ៉ាងដោយ៖ អគ្គនាយកដ្ឋានវិទ្យុ និងទូរទស្សន៍អប្សរា