ការប្រើប្រាស់ល្បិចកលញុះញង់របស់ទណ្ឌិត សម រង្ស៊ី ដើម្បីចង់បំបែកបំបាក់ក្នុងរង្វង់ជួរដឹកនាំផ្ទៃក្នុងគណបក្ស បានទទួលការថ្កោលទោសជុំទិស ពីកងកម្លាំងប្រដាប់អាវុធ។ សម រង្ស៊ី នៅថ្ងៃទី៧ និងថ្ងៃទី១០ មីនា បានសរសេរតាមបណ្តាញសង្គមធ្វើជានិយាយគាំទ្រលោក ទៀ សីហា ដែលជាកូនប្រុសរបស់ សម្តេចពិជ័យសេនា ទៀ បាញ់ ជាបេក្ខភាពនាយករដ្ឋមន្ត្រី។ ល្បិចកលនេះ ត្រូវសម្តេចពិជ័យសេនា ទៀ បាញ់ បានប្រតិកម្មតបវិញ និងបានចាត់ទុកថាជាអំពើញុះញង់បំបែកបំបាក់ជាតិ។ ល្បិចកលញុះញង់របស់ សម រង្ស៊ី នោះ ត្រូវបានបណ្តាអង្គភាព នៃកងកម្លាំងនានាទូទាំងប្រទេស បានថ្កោលទោស និងអំពាវនាវសូមឱ្យច្បាប់បង្កើនការដាក់ទោសដល់ជនក្បត់ជាតិបីជំនាន់នេះ ឱ្យបានខ្លាំងក្លា និងបានប្តេជ្ញាអនុវត្តបទបញ្ជារបស់ប្រមុខរាជរដ្ឋាភិបាល ក្នុងការកម្ចាត់អំពើក្បត់ជាតិ សម រង្ស៊ីនេះ ទោះបីក្នុងតម្លៃណាក៏ដោយ។ នៅថ្ងៃនេះអប្សរាណិតមានអត្ថបទអត្ថាធិប្បាយបង្ហាញថាល្បិចកលរបស់ សម រង្ស៊ី ដ៏ល្ងង់ខ្លៅនេះ មិនអាចយកឈ្នះមកលើគណបក្សប្រជាជនកម្ពុជាបានឡើយ